ვენერა მერწყულში

ორიგინალური სურვილები და გემოვნება. მოსწონს ყველაფერი ახალი და უჩვეულო, ჩარჩოების გარეშე. იზიდავს მოულოდნელობები. თავისუფლებისა და დამოუკიდებლობის სურვილი. მიდრეკილია გააოცოს, შოკში ჩააგდოს საზოგადოება.
საუკეთესო შემთხვევაში:  კარგად გრძნობს სიახლეებს. სიღრმისეულად ესმის თავისუფლების არსი. უყვარს ადამიანები და საერთოდ, მთელი კაცობრიობა.
უარეს შემთხვევაში: მუდმივი დაუკმაყოფილებლობა. ახირებული ხასიათი. არათანმიმდევრულობა გრძნობებსა და სურვილებში.

პაველ გლობა „პლანეტები ზოდიაქოს ნიშნებში“  
ვენერა მერწყულში ჰაერის სტიქიაშია, სტუმრად ურანსა და სატურნთან.
მოცემული მდებარეობა მეტყველებს სასიყვარულო სფეროს ორიგინალობაზე. ქალებს, ვენერით მერწყულში, ხშირად უყვარდებათ საერთო სტანდარტებისგან გამორჩეული, უცნაური ტიპის მამაკაცები, სწორედ უჩვეულობის ნიშნით. გარეგნულ სილამაზეს განსაკუთრებული მნიშვნელობა არ ენიჭება, გადამწყვეტი ყოველთვის არის არასტანდარტულობის ფაქტორი. მხოლოდ ასეთ მამაკაცებთან იხსნებიან ბოლომდე. ამასთან, თუ ვენერა დაზიანებულია (განსაკუთრებით ურანისგან), შესაძლოა, საერთოდ მახინჯმა მამაკაცმა გაიტაცოს, თანაც მხოლოდ იმიტომ, რომ ყველასგან გამორჩეულია.
რადგანაც ურანთან სტუმრად მყოფ ვენერას ყველაფერი ახალი და უჩვეულო მოსწონს, თუ მას ნეგატიური ასპექტი აქვს მთვარესთან, ქალის შემთხვევაში და მზესთან, მამაკაცის შემთხვევაში, წარმოიქმნება პარტნიორთა ქრონიკული და უაზრო ცვლის ტენდენცია. ანუ იმისათვის, რომ თქვენ დაინტერესდეთ, საჭიროა მოულოდნელობის ეფექტი, გარკვეულწილად უხამსი ტიპის კონტაქტები, პარტნიორის ექსტრავაგანტულობა. თუ ურთიერთობაში ამ ფაქტორებს ვერ პოულობთ, ემოციური რეაქციები უბრალოდ არ წარმოგექმნებათ. სწორედ მაღალი ემოციური ფონის შენარჩუნების სურვილი განაპირობებს პარტნიორთა ცვლის მოთხოვნილებასაც.

ვენერიელი მერწყულისთვის სიახლის ეფექტი იმდენად მნიშვნელოვანია, შეიძლება აღარც რეაგირებდნენ ძველ ნაცნობებზე, ხანდახან საკმაოდ ცუდი ფორმით. განსაკუთრებით სპონტანურობის ფაქტორის გაქრობის შემთხვევაში. სრულიად ბუნებრივია, რომ ასეთ პირობებში ქორწინება მოსაბეზრებელი ხდება ქალისთვისაც კი, რომ არაფერი ვთქვათ მამაკაცზე. საერთო ჯამში, თქვენი დამოკიდებულება ქორწინების მიმართ, შეიძლება დავახასიათოთ, როგორც “საკმაოდ თავისუფალი”. სასიყვარულო ურთიერთობებში კი პირველ ადგილზე, როგორც წესი, დგას მეგობრობა და პარტნიორის თავისუფლების პატივისცემა. მაგრამ ვენერას ამ მდებარეობისას ხშირდ ვლინდება მოულოდნელი გადატრიალებები გრძნობებში. მაგალითად, მგზნებარე ვნებები შესაძლოა სიცივემ ჩაანაცვლოს, ყოველგვარი თვალსაჩინო მიზეზების გარეშე. ვენერიელი მერწყულები საკმაოდ გულგრილად ეკიდებიან პარტნიორთა მხრიდან დაშვებულ სერიოზულ შეცდომებს, მაგრამ თითქოს უმნიშვნელო წვრილმანები ხშირად ხდება მათთვის ზურგის შექცევის საბაბი.

ქალი, ვენერით მერწყულში, ორიგინალური და გამომგონებელია. რადგანაც ბობოქარი საზოგადოებრივი მოღვაწეობა წყურია, მან შეიძლება საერთოდ მიატოვოს საყვარელი ადამიანი. რჩეულის აღშფოთების საპასუხოდ კი შესთავაზოს “ინტერესთა კლუბის” სამოქმედო პროგრამის გაცნობა, რომელიც თავის ახალ მეგობრებთან ერთად ჩამოაყალიბა ფულის საშოვნელად და აუცილებლად ასეც მოხდება როგორც კი კლუბის ფანტასტიური იდეას წარმატებით ჩაუშვებენ მოქმედებაში… ოპტიმიზმი მართლაც რომ სისხლში აქვს! სიჯიუტეს ვერ წაართმევთ! ამიტომ, სჯობს, თავიდანვე დაეთანხმოთ და დახმარების ხელი გაუწოდოთ შესაძლებლობების ფარგლებში. ის აქტიური და საქმიანია, თუმცა მიდრეკილია განწყობის მკვეთრი ცვლილებებისკენ, ხშირად აბსოლუტურად არაპროგნოზირებადად იქცევა და საერთოდ არ ხსნის საკუთარ საქციელს. ყველაზე მეტად მაშინ გაოცდებით, როდესაც შედეგად აღმოაჩენთ, რომ ის მართალი იყო, როდესაც ზუსტად ისე მოიქცა და არა სხვანაირად. განმარტება: ეს მისი არანორმალურად ძლიერი ინტუიციაა, რომელიც თითქმის არასოდეს ცდება.
ურთიერთობაში მას აკლია სითბო, ჩვეულებრივი ადამიანური ალერსი. ცოტა არ იყოს ხულიგანია. არ არის მიდრეკილი სინაზის და სენტიმენტების გამოხატვისკენ. ითხოვს თავისუფლებას, გენდერულ თანასწორობას. უყვარს ახალი ფაქტების განხილვა მეცნიერების, აღმოჩენების, უფოლოგიის, მისტიკის სფეროდან. შეიძლება მოექცეს სხვადასხვა ტიპის ფსიქოტროპული ნივთიერებების თუ მოდური მიმდინარეობების გავლენის ქვეშ.
მისი რჩეული არავითარ შემთხვევაში არ უნდა ეცადოს, გამოკეტოს ოთხ კედელს შუა. სჯობს მისთვის აუცილებელი თავისუფლება მიანიჭოთ და თქვენ იხილავთ, როგორი მადლიერებით გიპასუხებთ ასეთ დიდსულოვან ჟესტზე. პრინციპში, არც არსად აპირებდა წასვლას, მისთვის მთავარია, თავად ნდობის გამოცხადების ფაქტი პარტნიორის მხრიდან. ის ხანდახან თავადაც მზადაა, ითმინოს გაუგებარი ტიპის დამოკიდებულება, როდესაც მისთვის სიმპათიური ადამიანი რეალურად საკმაოდ უღირსად იქცევა. განა ის, რომ მისი წესიერების და ღირსების სჯერა, უბრალოდ მას თავში აზრად არ მოსდის, რომ ასეთი ტიპის ცხოვრების წესი და ურთიერთდამოკიდებულება განსხვავდება საერთოდ მიღებული წესისგან და არ სურს ისტერიკების მოწყობა. ხდება ისეც, რომ ასეთი მიდგომით სხვებზე მეტს აღწევს ოჯახის შენარჩუნების თვალსაზრისით და მტკიცედ იმყარებს პოზიციებს ურთიერთობაში.

მამაკაცს, ვენერით მერწყულში, უკომპლექსო ქალები ხიბლავს, ცხოვრებაზე ორიგინალური ხედვით, ქარივით თავისუფალი, ოდნავ გულუბრყვილო, ვისაც გულწრფელად სწამს საყოელთაო სიკეთის ძალის ზემოქმედების. თუ კომპანიასაც გაუწევთ ღამეულ გასეირნებებში, უცხო ცივილიზაციასთან კონტაქტის დამყარების მიზნით (მენტალურად რა საკვირველია), თქვენ უდავოდ მის დედაფლად იქცევით. მისი ურთიერთობები, მისივე შეხედულებით, თავისუფალი უნდა იყოს ნებისმიერი ვალდებულებისგან, იმის გარდა, რაც მეგობრობას და საერთო პროექტებს უკავშირდება. მისი გულის დასაპყრობად ჩვეულებრივი მეთოდები არ გამოგადგებათ, მაგრამ დაპყრობის შემდეგ აუცილებლად მიანიჭეთ სრული თავისუფლება და ისე გიერთგულებთ, როგორც არავის. ადამიანი, რომელმაც მას თავისუფლების შეგრძნება მიანიჭა, სამუდამოდ დაიმკვიდრებს ადგილს მის გულში. მართალია, არა პირდაპირი გაგებით, მაგრამ მთავარია, რომ მისი მეხსიერება თქვენზე მხოლოდ ყველაზე თბილ მოგონებებს შეინახავს.

მარია ქეი სიმსი „თქვენი შესანიშნავი ბავშვი“  
თქვენი პატარა ვენერიელი მერწყული, ალბათ, ძალზედ კონტაქტური, მეგობრული და გახსნილი ბავშვია, თუმცა ზედმეტადაც ნუ მიუახლოვდებით. ადამიანური სიახლოვე ნეგატიურ ზეწოლას ახდენს მის ფსიქიკაზე, მესაკუთრული ინტინქტების გამოვლენა კი ძალიან აშინებს. მას უსაზღვრო სივრცე და თავისუფლება სჭირდება. ძალიან უყვარს, როდესაც გარშემომყოფთა სიმპათიებს იმსახურებს. სურს ბევრი მეგობარი ჰყავდეს, თუმცა ეს  იქამდე, სანამ მისგან არ მოითხოვენ ვინმე “სხვად” იქცეს, ანუ მის ინდივიდუალობასა და უნიკალობას შეეხებიან. მას ურჩევნია, საერთოდ არ ჰყავდეს საუკეთესო მეგობრები  და ყველასთან თანაბარ პირობებში იმეგობროს. მას ეშინია ახლო მიჯაჭვულობის, რაშიც თავისუფლების დაკარგვის საფრთხეს ხედავს.
ეს ბავშვი ძალიან ტოლერანტული დამოკიდებულებით გამოირჩევა განსხვავებული აზროვნებისა და შეხედულებების მქონე ადამიანთა მიმართ. ის იხიბლება არაშაბლონური, უცნაური პიროვნებებით.
სინამდვილეში, მისი მიჯაჭვულობა არ არის ცვალებადი და ერთგულების გამოჩენაც შეუძლია, მაგრამ ამისათვის აუცილებელია, ურთიერთობა იყოს გახსნილი, სახალისო და საინტერესო, ცხადია, პირადი თავისუფლების შეუზღუდავად.
ის კარგად იმუშავებს სხვა ადამიანებთან ერთად გუნდში, მაგრამ თუ მისი მიზნები გუნდის მიზნებს აცდა, ის ან გუნდის გადააწყობას შეეცდება, საკუთარი გემოვნების შესაბამისად, ან დატოვებს და სხვა თანამოაზრეების ძიებას დაიწყებს.
ხელოვნებაში, ისევე როგორც ყველაფერში, მას იზიდავს ყველაფერი ახალი და არატრადიციული. თუმცა ეს სულაც არ ნიშნავს იმას, რომ თქვენ ყოველთვის მოზარდული მუსიკის ან მოდური ჩაცმულობის ყველაზე რადიკალური მიმდინარეობის ატანა მოგიწევთ. მაგალითად, თუ მისი თანატოლები ძალიან ორიგინალურები არიან დაუმორჩილებლობის გამოხატვაში და ვთქვათ,პანკროკი ან თრეშმეტალი იზიდავთ, თქვენი ვენერიელი მერწყული თავის ინდივიდუალობის გამოხატვას საოპერო მუსიკისა და სიმფონიების სიყვარულით გადაწყვეტს.
თუმცა რა სიურპრიზიც არ უნდა მოგიწყოთ, ნებისმიერ შემთხვევაში, შეინარჩუნეთ ცივსისხლიანი!

სამანტა დევისი „საბავშვო ფსიქოლოგია. ბავშვი ფსიქოლოგიის გასაღები“  
ვერ ვიტყვით რომ მერწყული ვენერასთვის კარგი მდებარეობაა. მერწყულის გრძნობები და ემოციები არასოდეს არ არის მიმართული კონკრეტული ადამიანისკენ. სწორედ ამიტომ ახლო ურთიერთობებს ბევრი პრობლემა მოაქვს მისთვის. მერწყულის სიყვარულის ადრესატი მთელი კაცობრიობაა და არა ცალკეული ინდივიდები, თანაც აუცილებლად მიუკერძოებელ და თანასწორუფლებიან პირობებში, რაც ხშირად იწვევს კონკრეტულ “ინდივიდთა” გაღიზიანებას.
ვენერიელი მერწყულები ყველაზე მეტად თავისუფლებასა და დამოუკიდებლობას აფასებენ და თუ ურთიერთობა რაიმე ფორმით შეზღუდვებს გულისხმობს, ისინი უბრალოდ წყვეტენ მას. ნებისმიერ საზოგადოებაში არ ემორჩილებიან საერთო წესებს და ცდილობენ არ დაკარგონ ინდივიდუალობა. მათ სურთ, გარშემომყოფებმა ისეთებად მიიღონ, როგორებიც არიან.  სასიყვარულო და მეგობრულ ურთიერთობებში არაპროგნოზირებადად იქცევიან. რა თქმა უნდა,ასეთი ბავშვებთან რთულია,მაგრამ ყველაფერს თავისი პლუსები აქვს: ისინი არიან უჩვეულო, საინტერესო და აბსოლუტურად გახსნილი ბავშვები.
მათ არ ახასიათებთ სენტიმენტები და ყოველთვის თავშეკავებულნი არიან ემოციების გამოხატვის დროს. ვერც რომანტიკოსებს უწოდებთ და ტაქტილური შეგრძნებებსაც მათთვის ნაკლები მნიშვნელობა აქვს. ისინი ყოველთვის დამოუკიდებლად იქცევიან და ამ აზრს უნდა შეეგუოთ. სამაგიეროდ, განვითარებული აზროვნება აქვთ და კარგად სწავლობენ.
იზიდავთ თანამედროვე ხელოვნება. წარმატებით ნერგავენ ახალ მეთოდებსა და საშუალებებს.
ამ პატარა მკვლევარებს ნებისმიერი “აღმოჩენა” შეუდარებელ სიხარულს ანიჭებს. თქვენ უბრალოდ ვალდებული ხართ დაეხმაროთ მათ თავიანთი შესაძლობები სწორ კალაპოტში მიმართონ. მხოლოდ არ დაივიწყოთ, იყოთ თავაზიანი და ტაქტიანი.

ცნობილი ადამიანები ვენერით  მერწყულში

მშვილდოსნები: Чингиз Айтматов, Н.А.Некрасов, Владимир Шаинский, Борис Щербаков, Галина Волчек, Илья Авербух, Gustave Flaubert, Kenneth Branagh, Taylor Swift, Tom Waits, Gem Archer, Don Johnson…

თხის რქები: ზურაბ წერეთელი, И.В.Курчатов, Константин Станиславский, Михаил Боярский, Рената Литвинова, Константин Хабенский, Сергей Бодров (мл.), Ирина Апексимова, Андрей Малахов, Раиса Горбачева , Людмила Путина, Cicero, Catherine of Aragon, Isaac Newton, Paul Cézanne, Mel Gibson, Nicolas Cage, Nostradamus, Kate Moss, Ricky Martin, Jared Leto, Janis Joplin, Michael Schumacher, Carlos Castaneda, Muhammad Ali, Helena Christensen,Sienna Miller, R. Kelly Marlene Dietrich, Dido, Mao Zedong, Sade, Simone de Beauvoir, J.R.R. Tolkien, Christy Turlington, Olivier Martinez, Mel C, Lars Ulrich, Lilian Thuram, Jack London, Emilie de Ravin, Amanda Peet, Sissy Spacek, Dexter Holland…

მერწყულები: Борис Березовский,Борис Пастернак, Владимир Высоцкий, Ванга, Михаил Жванецкий, Лев Лещенко, Дмитрий Маликов, Proclus Д.Менделеев, Nick Nolte Kelly Rowland, Nastassja Kinski , Wolfgang Amadeus Mozart, William BurroughsLord Byron, Chris RockFranklin D. Roosevelt, Jack Lemmon, Robertino Rossellini, Paris Hilton, Ashton Kutcher, Paco Rabanne,Oprah Winfrey, Mischa Barton, Ellen Degeneres, Stendhal, Gene Hackman, Leslie Nielsen, Robert Wagner, Axl Rose, Dr. Dre, Yoko Ono, Sheryl Crow, Minnie Driver, Mathilda May, Gong Li, Phil Collins, Charlotte Rampling, Jennifer Jason Leigh, Joseph Gordon-Levitt, Peter Gabriel, Heather Graham, Gianluigi Buffon…

თევზები: ნინო ანანიაშვილი,Юрий Гагарин , Игорь Кио, Надежда Бабкина, Николай Расторгуев, Олег Янковский, Татьяна Догилева, Вера Алентова, Glenn Close, Sharon Stone, Ariel Sharon, Bruce Willis, Albert II Prince of Monaco, Freddie Jr. Prinze, Jessica Biel, Ornella Muti, Daniel Craig, Frédéric Chopin, Adam Levine, Pete Doherty, Bow Wow, Eva Mendes, Michel de Montaigne, Sandrine Kiberlain, Ivanka Trump, Nina Simone, Johnny Knoxville, Jerry Lewis, Linda Fiorentino, Maurice Ravel,Vanessa L. Williams, Tea Leoni, Kristin Davis, Holly Hunter, George Frideric Handel…

ვერძები: ლავრენტი ბერია, Надежда Крупская, Владимир Познер, Валерий Сюткин, Александр Буйнов, Aretha Franklin, Elton John, Akira Kurosawa, Quentin Tarantino, Gary Oldman, Alec Baldwin, Elle MacPherson,Alyson Hannigan

  ავტორი: Qet Adastra