სავსემთვარეობა პირადი რუკის მიხედვით

სავსემთვარეობა პირადი რუკის მიხედვით

სავსემთვარეობის დროს თქვენი რუკის მიხედვით მთვარე რომელ სახლში ხვდება, შეგვიძია გავიგოთ უახლოესი ორი კვირის აქტიური სფერო. თუ ახალმთვარეობა შინაგან ცვლილებებსა და აქტიურობაზეა „პასუხისმგებელი“, ინტროსპექტულია, სავსემთვარეობა – საზოგადო და თვალისთვის ხილული ცვლილებების მომტანია. სავსემთვარეობის დროს ნახეთ მთვარე რომელ ნიშანშია და თქვენი რუკის მიხედვით რომელ სახლში ხვდება (სტატიის ქვემოთ მოცემულია ცხრილი. გრადუსი დაგეხმარებათ უკეთ გაგებაში. მაგ: 7 აგვისტოს მთვარე მერწყულისს მე-16 გრადუსზე იქნება. ნახეთ თქვენს რუკაში მერწყულის მე-16 გრადუსი რომელ სახლში ხვდება. სწორედ იმ სახლშია სავსემთვარეობა)

სავსე მთვარე 1-ელ სახლში

მთავარი საკითხი: დამოუკიდებლობასა და მორჩილებას შორის ბალანსის დაცვა.

როდესაც სავსე მთვარე 1-ელ სახლში ხვდება, უახლოესი პერიოდი ადამიანი ყურადღებას, სხვებისგან პატივისცემას ეძებს, ცდილობს ყურადღება მიიპყროს, მისი ღირსებები აღნიშნონ, შესაძლოა ფიქრობდეს, რომ სხვები მასზე მეტ ყურადღებას იმსახურებენ. ბალანსის დაცვა მოუწევს დამოუკიდებლობასა და მორჩილებას შორის. ამ პერიოდში განისაზღვრება სად, რომელ სფეროში არის წარმატებული ლიდერი; სად შეუძლია წარმატების მიღწევა.

ეცადეთ ბავშვური ქმედებები თავიდან აიცილოთ. გაანალიზეთ – რაში გამოიყენებთ ზედმეტ ყურადღებას, რა მნიშვნელობა აქვს თქვენთვის, რა გსურთ ამ პერიოდში, გამოყავით მნიშვნელოვანი მიზნები.

სავსე მთვარე მე-2 სახლში

მთავარი საკითხი: სიამოვნების, ტკბობის საშუალებების მიღებასა და გაცემას შორის ბალანსის დაცვა.

ინტიმურობა, ძალაუფლების საშუალებები, კონტროლი, ფინანსური მოგება, მიღწევები – აი, არასრული ჩამონათვალი იმ საკითხებისა, რაც მომავალი ორი კვირის განმავლობაში აქტიური ხდება.  ამ პერიოდში გააცნობიერეთ ის საგნები თუ საკითხები, რაც თავს კომფორტულად გაგრძნობინებთ. გაზიარებადი საშუალებები წინა პლანზე იწევს. გაიაზრეთ სად მთავრდება თქვენი ძალაუფლება და სად იწყება სხვისი; რა არის თქვენთვის კომფორტული, სად გრძნობთ თავს მშვიდად. ეცადეთ თქვენთვის სასურველს მიაღწიოთ ისე, რომ სხვების უფლებები არ დაარღვიოთ.

სავსე მთვარე მე-3 სახლში

მთავარი საკითხი: ბალანსის დაცვა ინფორმაციის მიღებასა და გაცემას შორის.

ცხოვრებისგან უფრო მეტის მიღების სურვილი ჩნდება, მოწყენილობის განცდა მოდუნების საშუალებას არ იძლევა; აქტიური ორი კვირაა, რომლის განმავლობაშიც ახალი ნაცნობობა, მგზავრობა, კომუნიკაციის სფეროების მეტად გააქტიურება გელოდებათ. მნიშვნელოვანი დოკუმენტების შედგენის ან/და მიღების ალბათობაა. ეცადეთ და-ძმასთან ურთიერთობას მეტი ყურადღება მიაქციოთ.

სავსე მთვარე მე-4 სახლში

მთავარი საკითხი: საზოგადოებრივ (პროფესიულ) და საოჯახო საკითხებს შორის ბალანსის დაცვა.

ყურადღების ცენტრშია პირადი და საზოგადოებრივი ცხოვრება, ოჯახური გარემო. გამოყავით თქვენი პრიორიტეტები. განსაზღვრეთ რით იცავთ თავს, სად ხართ უსაფრთხოდ. როგორც წესი, ამ პერიოდში ოჯახური საკითხების მოგვარება უფრო მეტად გვიწევს, ვიდრე სხვა დროს. ესაა ზრუნვის, ოჯახური საქმეების მოგვარების, წარსულის შეჯამების, მშობლებთან კავშირის პერიოდი.

სავსე მთვარე მე-5 სახლში

მთავარი საკითხი: გართობასა და საზოგადოებრივ აქტიურობას შორის ბალანსის დაცვა.

გსურთ გაერთოთ, ხანგრძლივად დაგეგმოთ როგორ გაატარებთ დროს, სად მიიღებთ სიამოვნებას. თვითგამოხატვა ძლიერად ვლინდება, გსურთ კრეატიული, აქტიური იყოთ და ყურადღების ცენტრში მოექცეთ, თუმცა რაც გსურთ რომ გააკეთოთ მისთვის დრო ნაკლებად გრჩებათ. გამოხატეთ თავი კრეატიულად, ორიგინალურად. განსხვავებული პროექტების განხორციელება დაიწყეთ. კარგი პერიოდია რომანტიული შეხვედრებისთვის, ბავშვებთან ურთიერთობისთვის, ჰობისთვის. შესაძლოა სწორედ ამ პერიოდში აღმოაჩინოთ თქვენი რეალური, ჭეშმარიტი ჰობი, გატაცება.

სავსე მთვარე მე-6 სახლში

მთავარი საკითხი: მატერიალიზმსა და სულიერებას შორის ბალანსის დაცვა.

დიეტისა და  ცხოვრების ჯანსაღი წესის პერიოდი – ხშირად სწორედ ამ მდებარეობის დროს გეგმავენ გამაჯანსაღებელი პროგრამების დაწყებას, მავნე ჩვევებისგან გათავისუფლებას. მოერიდეთ სხვების გაკრიტიკებას. დადებითი ცვლილებები გაატარეთ, შეცვალეთ ცხოვრება უკეთესი კუთხით. სასურველია თუ ლოგიკის გარდა ინტუიციასაც დაეყრდნობით. ამავე პერიოდში მეტი მუშაობა, დატვირთვა ან სხვების მომსახურება გვიწევს. ჯანმრთელობა მეტ ყურადღებას ითხოვს (იქცევს).

სავსე მთვარე მე-7 სახლში

მთავარი საკითხი: პარტნიორობა, თანამშრომლობა

ახალმთვარეობა მთლიანად თქვენ გეხებოდათ. ამჯერად სხვებთან ურთიერთობაში ბალანსის დაცვის დრო დადგა. მე-7 სახლი მნიშვნელოვნად განაპირობებს ერთი-ერთზე ურთიერთობებს, პარტნიორობას, თანამშრომლობას. ამ პერიოდში მოგიწევთ საკუთარ მოთხოვნილებებსა და სხვებთან საერთო საქმიანობებს შორის ბალანსის დაცვა, არჩევანის გაკეთება.

უახლოესი ორი კვირის განმავლობაში „მოწმდება“ რამდენად იცით კომპრომისზე წასვლა, პარტნიორული ურთიერთობების რეალურობა – რამდენად მყარია თქვენი ურთიერთობები.

სავსე მთვარე მე-8 სახლში

მთავარი საკითხი: რესურსების განაწილება, მოგება და დანაკარგი; მატერიალურ და სულიერ საკითხებს შორის ბალანსის დაცვა.

სავსემთვარეობა წინა პლანზე წევს მოგება-დანაკარგის თემას, რესურსების (მატერიალური და სულიერი) სწორად გამოყენებას. ამ პერიოდში მეტად დაფიქრდებით და აანალიზებთ თქვენთვის კომფორტულ საგნებს, მოვლენებს. სად გრძნობთ თავს უსაფრთხოდ? დაცულად? ბალანსის დაცვა მოგიწევთ საკუთარ უსაფრთხოებას, სურვილებსა და სხვებისთვის კომფორტის შექმნას, სურვილებს შორის. კარგი პერიოდია თვითანალიზისთვის, ეზოთერიკის, ფსიქოლოგიის საკითხების შესასწავლად.

სავსე მთვარე მე-9 სახლში

მთავარი საკითხები: რწმენა, იდეალები

უახლოესი ორი კვირის განმავლობაში წინა პლანზე იწევს რელიგიურ-ფილოსოფიური საკითხები, შემეცნების თემა, მოგზაურობის სურვილი. იმატებს მგზავრობის, გადაადგილების რიცხვი. შესაძლოა რწმენა, ნდობა „შემოწმდეს“ – რისი გწამთ? რამდენად გწამთ? ვის ენდობით? ამ პერიოდში ზოგად სურათს უფრო მეტად ვამჩნევთ ვიდრე დეტალებს, ეცადეთ მცირე დეტალები არ გამოგრჩეთ.

ასევე ანალიზდება რამდენად შევეფერებით ჩვენს იდალურ „მე“-ს, რა მორალურ-ეთიკური პრინციპებით ვხელმძღვანელობთ.

სავსე მთვარე მე-10 სახლში

მთავარი საკითხები: ჩვენი სოციალური სახე, რეპუტაცია

საუკეთესო დროა მიღწევებისთვის, საკუთარი თავის უკეთ წარმოსაჩენად, მიზნების მისაღწევად. ყურადღება მიაქციეთ თქვენს მიზნებს – როგორ აყალიბებთ? რა გზით ცდილობთ მის მიღწევას? პასუხისმგებლობის გრძნობა  მეტად ფასდება. სავარაუდოდ ბალანსის დაცვა მოგიწევთ ოჯახსა და კარიერას, ოჯახურ საკითხებსა და საზოგადოებრივი საქმეების მოგვარებას შორის. ამ თვეში ადვილად ხვდებით ყურადღების ცენტრში.

 

სავსე მთვარე ე-11 სახლში

მთავარი საკითხები: საზოგადოებრივი აქტიურობა, ლიდერობასა და ჯგუფურ აქტიურობას შორის ბალანსის დაცვა.

ყურადღება მეტად ექცევა სიამოვნების წყაროებს – ჰობს, რომანტიულ აქტიურობას, გართობას, სურვილებს. როდესაც სავსე მთვარე პირადი რუკის მიხედვით მე-11 სახლში ხვდება, ადამიანები მეტად უფიქრდებიან საკუთარ როლს სხვების ცხოვრებაში – რა როლს ასრულებენ, როგორ ჩანან, მათ ცხოვრებაში ვინ არის, მეგობრებად ვის თვლის და ა.შ.

ამ პერიოდში მოწმდება მეგობრული ურთიერთობები და მათი სიმყარე, ჯგუფური აქტიურობის უნარი.

სავსე მთვარე მე-12 სახლში

მთავარი საკითხები: თვითანალიზი, შეჯამება, დასრულება. ბალანსის დაცვა სხვებთან ურთიერთობასა და განმარტოებას შორის.

დასვენებისა და შეჯამების პერიოდია. როდესაც სავსე მთვარე მე-12 სახლში ხდვება, ადამიანებს მეტად აქვთ დასვენების, განმარტოების სურვილი. საკუთარ თავში ეფლობიან, მანამდე მომხდარ მოვლენებს აჯამებენ. ამ პერიოდში ყოველდღიური ცხოვრება რუტინულად ხშირად ეჩვენებათ. ბალანსის დაცვა ხდება განმარტოებასა და სხვებთან ურთიერთობას შორის. შესაძლოა მეტად გამოვლინდეს სხვების მხრიდან ვალდებულებების შეხსენება. ესაა განტვირთვის, განახლების პერიოდი.

სავსემთვარეობა 2017 წელს, თბილისის დროით:

თარიღი დრო ზოდიაქოს ნიშანი მთვარის დაბნელება
12.01.2016 15:34 23° კირჩხიბი
11.02.2017 04:33 23° ლომი  მთვარის ნაწილობრივი დაბნელება
12.03.2017 18:54 23° ქალწული
11.04.2017 10:08 22° სასწორი
11.05.2017 01:43 21° მორიელი
09.06.2017 17:10 19° მშვილდოსანი
09.07.2017 08:07 18° თხის რქა
07.08.2017 22:11 16° მერწყული  მთვარის ნაწილობრივი დაბნელება
06.09.2017 11:03 14° თევზები
05.10.2017 22:40 13° ვერძი
04.11.2017 09:23 12° კურო
03.12.2017 19:47 12° ტყუპები

მომზადებულია cafeastrology.com-ის მასალაზე დაყრდნობით.


About Tamta

Scroll To Top