ურანის შეერთება სინასტრიულ პლანეტებთან

ურანის შეერთება სინასტრიულ პლანეტებთან

მამაკაცის ურანი შეერთებაში ქალის მზესთან

აქ ქალმა, რომელიც ცდილობს შეინარჩუნოს თავისი „მე“,  წინააღმდეგობა უნდა გაუწიოს მამაკაცს, რომელიც მის შეცვლას ცდილობს. ქალს ძალიან მიმზიდველად მიაჩნია მამაკაცი, მისი არასტანდარტული მანერების გამო. თუმცა აუცილებელია მიმართულებაც საერთო მიზნისკენ აიღონ. უამისოდ მათი ურთიერთობა მართალია აქტიური, მაგრამ  ძალიან მყიფე იქნება, ფეირვერკის  თვალისმომჭრელი ეფექტივით, რომელიც რამდენი წუთში სრულდება.

 

ქალის ურანი შეერთებაში მამაკაცის მზესთან

ეს ასპექტი ურთიერთობას საოცარ სიცოცხლეს და დინამიკას ანიჭებს. ქალში ვლინდება უჩვეულო აღტკინება და ექსცენტრული იდეები, რაც მამაკაცს საკუთარ ძალაზე კონცენტრაციისკენ უბიძგებს. მოსალოდნელია ცვლილებები, სურპრიზები და უჩვეულო მოვლენები. მუდმივი ნერვული  დაძაბულობა ან დაელექტროებული აურა ამ ურთიერთობის ნორმალური მდგომარეობაა. იმავდროულად, ტრადიციულ და ინოვაციურ მიდგომებს შორის კონფლიქტსაც განაპირობებს. მართალია, ეს ურთიერთობა ძლიერი აღტაცებითა და მძაფრი შეგრძნებებით ხასიათდება, მაგრამ მას ძალიან აკლია სტაბილურობა, რაც ასე საჭიროა ხანგრძლივი ურთიერთობისთვის. ამიტომ, რაც უფრო ზრდასრული და ემოციურად მოწიფულები არიან პარტნიორები, მით უფრო დადებითად აისახება ამ ასპექტის  გავლენა მათზე.

 

მამაკაცის ურანი შეერთებაში ქალის მთვარესთან

ეს ასპექტი ძალიან საინტერესო ურთიერთობას აყალიბებს. ქალი მიდრეკილია იცხოვროს წარსულით, მაშინ როდესაც მამაკაცი მუდამ მომავლისკენ ისწრაფვის. ამ ურთიერთობაში შეიძლება იყოს ძლიერი და მყისიერი სექსუალური მიზიდულობა, მაგრამ მათ შორის არსებულ რეალურ სექსუალობას  საიმედოობისა და კმაყოფილების გრძნობა  აკლია. ქალის მხრიდან აღინიშნება ძლიერი ემოციური ჩართულობა, მაგრამ მის ინდივიდუალისტ პარტნიორს, როგორც ჩანს, არ შესწევს უნარი მისცეს საიმედოობის და სიმშვიდის შეგრძნება, რომელსაც ქალი ეძებს. მიუხედავად ამისა, ურთიერთობა ხასიათდება პიროვნული ზრდითა და სულიერი ევოლუციით.

 

ქალის ურანი შეერთებაში მამაკაცის მთვარესთან

ეს ასპექტი ძლიერი აღგზნებულობით და მყისიერი მიზიდულობით ხასიათდება. ხანგრძლივი ურთიერთობა გართულებულია, რადგან პარტნიორები შეიძლება ძალზედ არაპროგნოზირებადად იქცეოდნენ ერთმანეთთან მიმართებაში.  მათი ურთიერთმოლოდინები შესაძლოა ირეალური იყოს;  ან  სიყვარულის ორმხრივი დინება, რამაც ისინი უნდა გააერთიანოს, საერთოდ ვერ შედგეს. როგორც ჩანს, აქ მამაკაცი  თავის დამოუკიდებელ პარტნიორს ემორჩილება. ქალი ან ხელმძღვანელ პოზიციას უკავებს, თავისი თავნებობის გამო, ან წყვეტს ურთიერთობას, რადგან თავის სპონტანურობასა და თავისუფლებას ვერ ელევა.  თუ ისინი საკმარისად მოწიფულები არიან, რომ უკონფლიქტოდ აღიარონ საკუთარი განსხვავება, ეს ასპექტი მშვენიერ შანსს ქმნის ემოციებისა და გამჭრიახობის განვითარებისთვის.

 

 

მამაკაცის ურანი შეერთებაში ქალის მერკურისთან

ეს ასპექტი მნიშვნელოვნად აძლიერებს ინტელექტუალურ სტიმულაციას. ქალს მშვენივრად ესმის თავისი პარტნიორის უწესრიგო მენტალური პროცესები. მართალია, ხშირად მამაკაცის იდეები მას აბნევს, მაგრამ საბოლოო ჯამში, ისეთი რაღაცები ესმის, რასაც ადრე ვერ იგებდა. მკაფიოდ გამოხატული ორიგინალობა საოცარ სულისკვეთებას მატებს ამ პარტნიორობას. ეს ასპექტი ხელს უწყობს მამაკაცის ინდივიდუალიზმის სწრაფ ზრდასაც, რადგან ის იძლებულია მუდმივად გადააბიჯოს ურთიერთობის ტრადიციულ არქეტიპებსა და ჩვეული  ნორმების  საზღვრებს.

 

ქალის ურანი შეერთებაში მამაკაცის მერკურისთან

მამაკაცის ინტელექტი შერწყმულია ქალის უნიკალურ ორიგინალობასა და გამომგონებლობასთან. ეს ინტერესის და ძლიერი მენტალური აქტივაციის ასპექტია. თავისუფლად აზროვნების მეშვეობით, ქალს შეუძლია პარტნიორს მისი გონების საოცარი შესაძლებლობები აღმოაჩენინოს. ვინაიდან მამაკაცს მშვენივრად ესმის მისი იდეები, ეს მათ ურთიერთობას ისეთ  გონიერებასა და  მენტალური გარღვევების შესაძლებლობებს ანიჭებს, რამაც შეიძლება გენიალობამდეც მიიყვანოს.

 

 

მამაკაცის ურანი შეერთებაში ქალის ვენერასთან

ქალი, თავის აფროდიტეს როლში, ძლიერ იზიდავს ურანიელ მამაკაცს. ის მისი ცხოვრების ენერგია და ენთუზიაზმი ხდება _ ინტერესის ის წერტილი ან იმის გაგება, საერთოდ რა არის ცხოვრება. მამაკაცს შეუძლია გამოანთავისუფლოს რჩეულის ბუნებრივი სასიყვარულო ინსტინქტი, მაგრამ თუ ქალმა ზედმეტი მესაკუთრეობა გამოავლინა, მამაკაცი აჯანყდება. სამაგიეროდ, თუ მას ჭკუა ეყოფა იმის მისახვედრად, რომ  მამაკაცი ერთგვარ დისტანციურ სიყვარულს საჭიროებს, ეს სასიამოვნო მრავალფეროვნებას შეიტანს მათ ურთიერთობაში. ყოველ დღეს ახალი აღმოჩენა მოაქვს ორიგინალურ და კრეატიულ გზაზე, რომლის წყალობით მათი სიყვარული საოცრად ყვავილობს.

 

ქალი ურანი შეერთებაში მამაკაცის ვენერასთან

ამ ასპექტს მყისიერი მიზიდულობა მოაქვს, რომელიც შეიძლება იმდენად ძლიერი იყოს, ხანგრძლივი ურთიერთობის ჩამოყალიბებასაც შეუწყოს ხელი. მამაკაცი გულისხმიერად ეხმაურება ქალის თავისუფლებასა და დამოუკიდებლობას, რის მიღწევასაც თავადაც ისურვებდა. ის აღფთოვანებულია მისი ორიგინალობითა და არაშაბლონური ქცევებით.  მეორეს მხრივ, ქალი მასში თავის ქალურ მხარეს ხედავს, იმდენად ფაქიზს, რომ მისი გამოხატვა ფაქტობრივად შეუძლებელია. შედეგად, თითოეული მათგანი მუდმივად რაღაც ახალს სწავლობს ერთმანეთზე. როდესაც ადამიანის სიყვარულის უნარი(ვენერა) დამაელექტორებელ ცვლილებების(ურანი) უშუალო გავლენას(შეერთება)  განიცდის, ძლიერი მაგნიტზმი გაბატონდება.  თითოეული პარტნიორი გამოცდილებით მდიდრდება. მიზიდულობა კი იმდენად ინტენსიურია, ეს ასპექტი თავისუფლად შეიძლება იქცეს ხანგრძლივი ურთიერთობის წინაპირობად.

 

მამაკაცის ურანი შეერთებაში ქალის მარსთან

ქალი დაჟინებულად ცდილობს დაიპყროს მამაკაცის მიუკერძოებელი ყურადღება. ის შეიძლება საკუთარ ქალურ როლსაც აცდეს, პარტნიორის ინდივიდუალიზმის მიღების მცდელობაში, თავისთვის აუცილებელი ხელშესახები რეალობის შესაქმნელად. ამრიგად, ეს ურთიერთობა შესაძლოა ამაღელვებელიც იყოს, მაგრამ ქალი წინასწარ უნდა მოემზადოს და შეეგუოს, რომ ამ მამაკაცთან ურთიერთობაში ყველაფერი მოსალოდნელია.  მჭიდრო ურთიერთობის დამყარების მცდელობაში, ქალი ეცდება  უფრო პერსონალურად ჩართოს პარტნიორი, თუმცა მისი დაჟინებული მცდელობები მამაკაცს დისკომფორტს შეუქმნის. მას ამ ქალის ატანა მხოლოდ მცირე დოზებში შეუძლია. ამიტომ, იმისათვის რომ თავისუფლება შეინარჩუნოს, ამ ქალთან ის, ასე ვთქვათ,  სვენებ-სვენებით ურთიერთობს.

 

ქალის ურანი შეერთებაში მამაკაცის მარსთან

ეს დამაელოქტროებელი და ამაღელვებელი სტიმულის ასპექტია. ის აღნიშნავს „თაყვანისცემას“, რადგან მამაკაცს ერთგვარ სპორტულ ინტერესს უღვივებს, მიიპყროს ამ უჩვეულო ქალის ყურადღება. მართალია, ქალი ცდილობს შეინარჩუნოს თავისი მიუკერძოებლობა და დამოუკიდებლობა, მაგრამ ამით კიდევ უფრო ძლიერ იზიდავს მამაკაცს. ორივე ინდივიდი დიდ ენერგიას აძლევს ერთმანეთს. როდესაც პირველსაწყისი აღტკინება ცხრება, გვარიანი ქაოსის შემდეგ, მამაკაცი აცნობიერებს, რომ მიჯნურის ძიებაში მან მეგობარი იპოვა.

 

მამაკაცის ურანი შეერთებაში ქალის იუპიტერთან 

ქალის უმაღლესი გონება მამაკაცის ინტელექტს აფართოებს, ეხმარება რა ცნობიერების შეცვლასა და ზრდაში. ამ ურთიერთობაში გამორიცხულია მესაკუთრული მომენტები, რადგან ორივე ინდივიდი ძლიერ თავისუფლებას გრძნობს საკუთარი აზროვნებითი პროცესებისთვის. ეს პარტნიორობა გამოირჩევა სწრაფი დინამიკით, აქტიურობითა და ინტერესით. სწორედ ამიტომ, მათ ფრთხილად და მოზომილად უნდა ხარჯონ ენერგია. ასპექტის ასექსუალური ხასიათი ურთიერთობას პლატონურ შტრიხს შესძენს, სადაც პარტნიორები ერთმანეთისგან სწავლობენ და სწრაფად იზრდებიან.

 

ქალის ურანი შეერთებაში მამაკაცის იუპიტერთან

ეს მკაფიოდ გამოხატული მენტალური ასპექტია, რომელსაც, ინტელექტის გასხივოსნების წყალობით, ახლებური გაგება მოაქვს ორივე პარტნიორისთვის. დამახასიათებელია ტელეპათიური ურთიერთგაგება. მამაკაცის ექსპანსიური ბუნება ქალის თავნება ხასიათსა და გამჭრიახ ინტელექტს უერთდება.  ამრიგად, მენტალურ სტიმულაციას დიდი გამომგონებლობა ემატება. თუმცა აღსანიშნავია, რომ ამ ასპექტით გართულებულია ურთიერთობის სექსუალური მხარე, რადგან იუპიტერისა და ურანის ამაღლებული თვისებები, როგორც ჩანს, ასუსტებს ინტერესს ფიზიკური მოთხოვნილებების მიმართ.

 

 

მამაკაცის ურანი შეერთებაში ქალის სატურნთან

ამ ასპექტით ქალი მნიშვნელოვან რყევებს და ცვლილებებს განიცდის თავის კარმულ პატერნებში. ყველაფერი, რასაც ის მართებულად და სწორად თვლიდა, რისიც მრავალი წლის განმავლობაში სწამდა, ამ ურთიერთობის შედეგად, გზაჯვარედინზე დგება. მის რესპექტაბელურობასთან დაკავშირებულ იდეებს, ავტორიტეტული ფიგურების საამებლად ჩადენილ ქმედებებს თუ ტრადიციების შენარჩუნების მცდელობებს  საფუძვლიანდ შლის მისი პარტნიორი. ამის შედეგად, ის, ბოლოს და ბოლოს, შეძლებს განთავისუფლდეს წარსულის კარმისგან და შეუდგეს ახალ გზას. მეორეს მხრივ, მისი განმანთავისუფლებელი მამაკაცი, ამ ურთიერთობის შედეგად, უფრო ტრადიციული გახდება. იდეოლოგიათა ძლიერი შეტაკების შემდეგ, თითოეული მათგანი ცხოვრების უჩვეულო სტილს ეჯახება. როგორც წესი, ეს ძალიან რთული ასპექტია, თუმცა კარგი ის არის, რომ მისგან შექმნილი დაბრკოლებების წყალობით, ორივე მათგანი მნიშვნელოვან ცვლილებებს განიცდის, განსაკუთრებით ქალი. მამაკაცს კი მოუწევს ისწავლოს და დააფასოს შეზღუდვების არსი, ფორმები და ძალა. როგორც წესი, ეს ასპექტი არა ხანგრძლივ ურთიერთობას, არამედ დაგროვილი სულიერი გამოცდილების ურთიერთგაცვლას მოიაზრებს, ცხოვრების გარკვეულ ეტაპზე, როდესაც ისინი მზად არიან კარმული გაკვეთილების ასათვისებლად. მართალია, ახალი ცხოვრებისეული მიმართულებები  ქალის თვალწინ იშლება, მაგრამ მამაკაცი უფრო ხანგრძლივად იგრძნობს ამ ურთიერთობის ეფექტს.

 

ქალის ურანი შეერთებაში მამაკაცის სატურნთან

მამაკაცი სიბრძნეს, ფორმასა და მიზანს  მატებს პარტნიორის იდეებს. იმავდროულად, ეს ქალი მის ცხოვრებაში იმისთვის შევიდა, რომ შეცვალოს მისი აზრები და მიმართულებები. ყველაფერი, რასაც მამაკაცი თავის ფესვებად თვლიდა, მიმართულებას შეიცვლის იმ სფეროსკენ, რაზეც აქამდე ვერც იფიქრებდა, მაგრამ მოგვიანებით მისთვის გაცილებით მნიშვნელოვანი გახდება, ვიდრე ის სფერო, რომელზეც აქამდე იყო კონცენტრირებული.  როდესაც ქალი მას წარსულის ბორკილებისკენ გაანთავისუფლებს და მისი ცხოვრების პერსპექტივას მომავლისკენ მიმართავს, ეს შემობრუნების წერტილი გახდება მამაკაცისთვის. ის მოაცილებს ყველაფერს, რაც მანამდე თავდაჯერებას აძლევდა და ახალი კარმული გეზისკენ უბიძგებს. ეს ასპექტი წარმოადგენს ერთი კარმული პატერნის დასასრულს და ახლის დასაწყისს. ამრიგად, ამ ურთიერთობაში, მამაკაცმა რთული ცვლილებების მთელი სერია უნდა გადაიტანოს, რადგან მის თვალწინ სრულიად ახალი ცხოვრებისეული მიმართულებები იშლება. ის უნდა განთავისუფლდეს იმ ავტორიტეტული ფიგურების და იდეების გავლენისგან, რაც აქამდე აკავებდა და როდესაც ამას გააკეთებს, სწორედ მაშინ შეძლებს თავისი შიშების და თავდაუჯერებლობის გადალახვას. მან უნდა განავითაროს სრულიად ახალი შეხედულება ცხოვრებაზე, თუ სურს განიცადოს ახალი ციკლი, რომლისთვისაც მას ეს ქალი ამზადებს.

ურანების შეერთება

ეს ფართოდ გავრცელებული ასპექტი ძლიერ დაელექტროებას იწვევს. ორივე პარტნიორი ცხოვრების მიმართ ცოცხალ ინტერესს იზიარებს და ერთმანეთისთვის სტიმულს წარმოადგენენ. ეს ურთიერთობა  იდეების სწრაფი შემოდინებით, აღმოჩენებით და სიახლეების სწავლით გამოირჩევა, რადგან თითოეული ძალიან აფასებს პარტნიორის მიუკერძოებლობას და შემეცნებითობას. მათ არაერთი მოულოდნელი ცვლილება ელით, რომლის წყალობით, ორივე სწრაფ განვითარებას და ცნობიერების დინამიურ ზრდას განიცდის.

 

მამაკაცის ურანი შეერთებაში ქალის ნეპტუნთან

ქალი თავისი პარტნიორის ინტელექტის ინსპირატორია. ის ინტუიციას და მგრძნობიარობას მატებს მამაკაცის გონებას. თავის მხრივ, მამაკაცი ძლიერ აღაგზნებს ქალის წარმოსახვას, მის ცხოვრებაში ნათელი პროგრესის შეტანით. აქ თვისებრივია სულიერი გამონათებები, რადგან ორივე პარტნიორი თავისი მიუკერძოებელი მხრიდან მოქმედებს და მშვენივრად აცნობიერებს უხილავ რეალობას. ექსტრასენსორული აღქმის და ფსიქიკური ცენტრების კავშირი ძლიერ ტელეპატიურ კონტაქტს ქმნის. შედეგად სასწავლო გამოცდილების გაცვლა გაცილებით უფრო ამაღლებულ დონეზე ხდება, ვიდრე უბრალოდ ვერბალური საუბარია.

ქალი ურანი შეერთებაში მამაკაცის ნეპტუნთან

ქალი ბრწყინვალებას მატებს პარტნიორის ოცნებებს. ის აძლიერებს მის შეხედულებათა სისტემას და აიძულებს, გააცნობიეროს მისი შთაბეჭდილებების მართებულობა.  შედეგად, მას შეუძლია დაეხმაროს მამაკაცს, რეალობასთან კონტაქტის განმტკიცებაში, რომელზეც ამ უკანასკნელს ძალიან ბუნდოვანი წარმოდგენა აქვს. ორმხრივი ექსტრანსენსორული აღქმის გამო, ორივე პარტნიორი ცნობიერების ამაღლებულ მდგომარეობას განიცდის. მამაკაციც, თავის მხრივ,  გრძნობებს და ინტუიციას მატებს ქალის ინტელექტს. თუმცა ორივე პარტნორმა კონტაქტი არ უნდა გაწყვიტოს რეალობასთან. მათთვის მნიშვნელოვანია, მყარად იდგნენ მიწაზე. საქმე ის არის, რომ ვინაიდან ისინი ერთმანეთს ცნობიერების გაფართოებაში ეხმარებიან, ამ ურთიერთობაში უამრავი ისეთი აზრი, იდეა და შთაბეჭდილება იბადება, რომელიც ობიექტურ რეალობაში გადამოწმებას საჭიროებს.

 

 

მამაკაცის ურანი შეერთებაში ქალის პლუტონთან

ეს ასპექტი დინამიური ტრანსფორმაციის საშუალებას იძლევა. მამაკაცის უმაღლესი ცნობიერება ქალის ქვეცნობიერის ყველაზე ბნელ კუნჭულებს სწვდება, რომ მასში გამოიწვიოს ახალი, საოცარი ცნობიერება. კრეატივი, აღმოჩენები, პროგრესი და მნიშვნელოვანი ევოლუცია _ამ ურთიერთობის საკვანძო შტრიხებია. თუმცა არ იფიქროთ, რომ ეს მარტივი პროცესია. სექსუალურ სფეროში განცდილი მრავალფეროვანი ცვლილებების გამო, ქალი უკუაგდებს თავისი წარსულის „გადამუშვებულ მატერიალს“ და სწორედ ეს მამაკაცი უჩვენებს მას გზას მომავლისკენ. ამ პროცესს ძლიერი არეულობა ახლავს თან, რადგან ქალის კარმული უმეცრება ხშირად ებრძვის განვითარებას.

 

ქალის ურანი შეერთებაში მამაკაცის პლუტოთან

ქალს სინათლე, შთაგონება და მომავლის ხედვა მოაქვს თავისი ტრანსფორმირებადი პარტნიორისთვის. ამ ურთიერთობის მეშვეობით, მამაკაცი წყვდიადიდან გამოდის და ნოვაციური აღმოჩენებით სავსე რეალურ სამყაროს ხედავს. იმავდროულად, ქალიც მშვენივრად აღიქვამს მის იდეებს ტრანსფორმაციაზე. ურანი-პლუტონის ასპექტი ყოველთვის გულისხმობს სექსუალური ხასიათის ტრანსფრომაციას, რისი წყალობითაც პარტნიორები სპლირალისებურად მიიწევენ მაღლა და მაღლა, რადგან კარგად აცნობიერებენ თავიანთ ჭეშმარიტ პოტენციალს აწმყოში.


About Qet Adastra

Не от мира сего…

Scroll To Top