Tabula Smaragdina

 

Tabula Smaragdina

(ზურმუხტის დაფა)

 

დოკუმენტი, რომელიც, ლეგენდის თანახმად, ზურმუხტის დაფაზე დატოვა ჰერმეს ტრისმეგისტუსმა.

 

1. ჭეშმარიტია, სიცრუის გარეშე, სარწმუნო და მეტად ჭეშმარიტი.
2. რაც იმყოფება დაბლა, შეესაბამება იმას, რაც იმყოფება მაღლა; და რაც იმყოფება მაღლა, შეესაბამება იმას, რაც იმყოფება დაბლა, რათა აღსრულდეს სასწაულნი ერთისა.
3. ყველაფერი წარმოიშვა ერთისაგან, ერთიანის მეშვეობით: ყოველივე წარმოიშვა ამ ერთი არსისაგან, შეწყობის შედეგად.
4. მისი მამა მზეა, ხოლო დედა – მთვარე. ქარმა ატარა იგი თავის წიაღში. დედამიწამ გამოკვება იგი.
5. ეს არსი არის მამა ყოველი სრულყოფილებისა მთელს სამყაროში.
6. მისი ძალა მრთელია მაშინაც, როდესაც მიწად იქცევა.
7. შენ გაყოფ მიწას ცეცხლისგან, თხელს უხეშისაგან ფაქიზად, დიდი ხელოვანებით.
8. ეს არსი ადის დედამიწიდან ზეცაში და კვლავ ჩამოდის დედამიწაზე, შეითვისებს რა ძალებს უმაღლესისა და უმდაბლესისა. ასე შეიძენ მთელი სამყაროს დიდებას. ამრიგად, განგშორდება ყოველგვარი სიბნელე.
9. ეს არსია ძალა ყოველი ძალისა: რამეთუ ის გაიმარჯვებს ყოველგვარ თხელ ნივთზე და შეაღწევს ყოველგვარ მყარ ნივთში.
10. ასეა შექმნილი სამყარო.
11. აქედან ჩნდება ყოველი მოწყობა, რომლის წესი ასეთია(როგორც ზემოთ არის გადმოცემული).
12. ამიტომ არის ჩემი სახელი ჰერმეს ტრისმეგისტუს(სამგზის უდიდესი), რადგან ვფლობ სამყაროსეული ფილოსოფიის სამ ნაწილს.
13. დასრულდა, რაც ითქვა მზის მოქმედების შესახებ.