Astroblogi ასტრობლოგი
ნეპტუნის შეერთება „სულის უკვდავება დაუჯერებელია ისეთი ადამიანისთვის, ვისაც სული არ აქვს“
ნეპტუნთან შეერთებისას, ადამიანს უჭირს კონცენტრაცია პლანეტის მართულ სფეროში: მას ეწყება მედიტაციური პროცესები, რომელთაც, დაუმუშავებელი ასპექტისას, ქვეცნობიერის უმდაბლესი პროგრამები აწარმოებენ და ამ გზით ცდილობენ პლანეტის პრინციპების გამოვლენა მთლიანად ნეპტუნს დაუქვემდებარონ. ნეპტუნი კი პლანეტის შესაბამის სფეროებში, ცნობიერად თუ გაუცნობიერებლად, ყოველთვის წარმოშობს დამახინჯებულ ხედვებს, ცრუ მდგომარეობებს, მოტყუების ცდუნებებს. იმავდროულად, მისი გავლენისგან თავის დაღწევა საკმაოდ რთულია, რადგან დაუმუშავებელი შეერთებისას, ნეპტუნის უმდაბლესი პროგრამები ღრმად აღწევს პლანეტის პრინციპებში.
მაგალითად, ვენერა-ნეპტუნის შეერთებისას, ადამიანი ხშირად ხვდება ცრუ საზოგადოებრივ სიტუაციებში, ტყუის სოციალურ კონტაქტებსა თუ სასიყვარულო ურთიერთობებში. თუმცა მსგავსი მდგომარეობა მისთვის სიამოვნების ამოუწურავ წყაროს წარმოადგენს. სამაგიეროდ, ვენერა-ნეპტუნის დამუშავებული შეერთება იძლევა ხელოვნების ჭეშმარიტ მცოდნეს. შესაძლოა მხატვარსაც.
გაცილებით რთულია ნეპტუნის სატურნთან შეერთების დამუშავება, რადგან ნეპტუნის უმდაბლესი პროგრამა თვალს უხვევს სატურნს და ადამიანი პრაქტიკულად უუნარო ხდება კონცენტრაციის და თვითჩაღრმავების კუთხით, რაც აუცილებელია დისციპლინისა და შინაგანი პატიოსნების გამომუშავებისთვის.
ნეპტუნთან დამხმარე შეიძლება იყოს მხოლოდ პლუტონი, რომელიც, სხვათა შორის, XX საუკუნის მთელი მეორე ნახევრის განმავლობაში სექსტილში იდგა ნეპტუნთან. პლუტონი ერთადერთი პლანეტაა, რომელსაც ნეპტუნის ილუზიების ცრუ მომხიბვლელობის გაფანტვა შეუძლია.
დამუშავებული ასპექტი ადამიანს აძლევს პლანეტის პრინციპების ჭეშმარიტად გაგების იშვიათ უნარს და უმაღლეს მედიტაციურ პროგრამებს, რომლის მეშვეობით ის შეძლებს გამოხატოს გამოუთქმელი _ ისეთი რამ, რასაც ყველა ვერ ხედავს და არ ესმის.
ქირონის შეერთება: „სჯობს ღმერთს ანგარებით ემსახურო, ვიდრე ეშმაკს უანგაროდ“
ქირონთან შეერთება პლანეტას განსაკუთრებულ იუმორის გრძნობას ანიჭებს, რომელსაც თავიდან გარშემომყოფები უფრო აფასებენ, ვიდრე თავად ინდივიდი, რომელიც ხუმრობების მთავარი გმირი ხდება. ეს ასპექტი ბადებს პლანეტის პრინციპების არატრადიციული მეთოდებით დამუშავების კარმულ აუცილებლობას, რისი სტიმულიც გაურკვეველი და ქაოტური სიტუაციების ჩიხური განვითარება ხდება, სადაც, მართალია, შინაგანი აზრი იგრძნობა, მაგრამ ძალიან რთული გასაგებია, თუ ადამიანი მისთვის ჩვეულ პოზიციებზე რჩება. მაგალითად, ქირონისა და მთვარის შეერთება უცნაურ ან თუნდაც ჩვეულებრივ დაავადებებს იძლევა, რომლის მკურნალობაც ტრადიციულ მეთოდებს არ ექვემდებარება. დაავადება, პირდაპირი მნიშვნელობით, გააწამებს ადამიანს, სანამ ის მკურნალობის უჩვეულო მეთოდებს არ მიმართავს, რასაც ტრადიციული მედიცინა შარლატანობას უწოდებს, ყოველ შემთხვევაში, ეჭვქვეშ მაინც აყენებს.
სამაგიეროდ, ქირონთან ჰარმონიული შეერთება პრობლემის ძალიან სწრაფ, თითქმის სასწაულებრივ მოგვარების საშულებას იძლევა. როგორც წესი, ადამიანს მხოლოდ ახლებური, თავიდან ნახევრად სასწაულებრივი შეხედულებების, მეთოდების და ილეთების სერიოზული ათვისება და მატერიალიზაცია ევალება. იმავდროულად, აუცილებელია შინაგანი მუშაობა ქვეცნობიერის იმ პროგრამებთან, რომელსაც პლანეტა მართავს. მაგალითად, ქირონი-პლუტონის შეერთების დამუშავება გულისხმობს საკუთარი შეხედულებების გადახედვას ბედისწერაზე, პირადი და მსოფლიო კარმების ურთიერთკავშირზე (პიროვნების როლი ისტორიაში), სულიერ განწმენდაზე, მონანიებაზე და ა.შ.
ქირონთან შეერთების დამუშავება, პლანეტის მართულ სფეროებში, უჩვეულო შემოქმედებით უნარებს, მეთოდებსა და ილეთებს იძლევა, რასაც, მართალია, თანამედროვეებში სასწაულის ეფექტი აქვს, მაგრამ მომდევნო თაობებისთვის მაინც „მეცნიერული“ და „რაციონალური“ გახდება.
ქირონის ძირითადი მეთოდური პრინციპი ჟღერს ასე „გაიგო_ნიშნავს მიეჩვიო“, თუმცა ქირონთან შეერთების დამუშავება არა პლანეტის პრინციპების ხარისხობრივად ახალი მეთოდების განვითარებას, არამედ ცნობიერების გაფართოებას გულისხმობს.
ნეპტუნის და ქირონის ასპექტების ზოგადი დახასიათება
ესაა ორი პასიური საწყისის გაერთიანება, რომლებიც ერთმანეთს ფუნქციონირებაში ეხმარებიან. ნებისმიერი ასპექტის შემთხვევაში ინდივიდს თვითჩაღრმავებითი ანალიზი ახასიათებს. შემოქმედებითი უნარები გააჩნია. კონცენტრირებას რთულად ახერხებს. თითქოს ამ სამყაროს არ ეკუთვნის. თანაგრძნობის, წარმოსახვის, მეოცნებეობის ძლიერი გამოვლინება ახასიათებს.
სხვების დახმარებაზე ორიენტირებული, მუდამ დასახმარებლად მიდის. ამის გამო კი ხშირად შარში ეხვევა. ფაქტების გარეშე ღმერთისა და უმაღლესი ძალების რწმენა აქვს. ინფორმაციას ენერგეტიკულად საკმაოდ ადვილად იღებს და გასცემს. ასევე, ადვილად მედიტირებს. სასურველია, რომ გარკვეული გეგმის მიხედვით მოახდინოს მედიტაცია (მედიტაციის დაწყების, დასრულების გეგმა შეიმუშაოს), წინააღმდეგ შემთხვევაში შესაძლოა „დაიკარგოს“. ამ ორი პლანეტის ურთიერთკავშირი ყველა ადამიანში არ ვლინდება. სასურველია, რომ მგრძნობიარე ფსიქიკა, მატერიალური და არამატერიალური სამყაროების გარჩევის უნარი ჰქონდეს. რეკომენდებულია: წარმოსახვისა და აღქმის კონტროლი.
ნეპტუნის და ქირონის შეერთება
Hermann Hesse _ ♆ ☌ ⚷ ♉
შეერთება შერწყმას, ორი საწყისის გაერთიანებას იძლევა. ამ ასპექტის მქონე ადამიანი სიღრმისეული ანალიზისა და ღრმა ფსიქოლოგიური კონტაქტებისკენაა მიდრეკილი (როდესაც სულიერ-ენერგეტიკულ დონეს ეხება). ახასიათებს: სხვების გასაჭირის ჭეშმარიტი განცდა, მათთვის პრობლემების მოგვარების გზების ჩვენება. კარგად სწავლობენ, ძლიერი მგრძნობელობა ახასიათებთ. ადამიანთა დიდი მასების გაძღოლისა და მართვის უნარს ამჟღავნებენ. საფრთხე – შესაძლოა საკუთარი სურვილების „მონა“ გახდნენ. ქაოსიდან რაციონალური მარცვალი ყალიბდება. ამ შემთხვევაში ქირონი მამაკაცურ საწყისს ითავსებს და ახალი ციკლი, იდეა, რაღაც სიახლის წამოწყება იბადება. როგორც დედისგან და მამისგან, ამ ორი პლანეტის შეერთებისგან მსგავსად იბადება ახალი საწყისი (ინტუიცია+სამყაროსეული გონება=სიბრძნე; ინ+იან=ძენ). ასევე გასათვალისწინებელია, რომ „რაღაცის დაწყება მის დასასრულს ნიშნავს, სიკვდილი კი – ხელახლა დაბადებას“.
ამ ადამიანს შეუძლია დაარწმუნოს სხვები, რომ მხოლოდ მისი შეხედულება არის სწორი. ასეთი შთაგონების უნარი მნიშვნელოვან დახმარებას უწევს დასახული მიზნების მიღწევასა და პოპულარობის მოხვეჭაში. მას თანაბარი წარმატებით შეუძლია სწავლაც და სწავლებაც. უკიდურესად მგრძნობიარეა, შეიძლება ითქვას, მოწყვლადიც. დიდად არის დამოკიდებული გარემოზე, რომელშიც ხვდება.
ძირითადად დამუშავებულია vgoroskope.ru-სა და ა. და ლ. შმიდტების მასალა.
ავტორი: თამთა
