ქირონი თხის რქაში

„პროფესიონალიზმი პედანტურობით“

ფორმებისა და იდეების გაგების უნარი

ქირონი თხის რქაში ბრწყინვალე ტაქტიკურ მანიპულაციებსა და მოქმედებებს იძლევა. ინდივიდი ყველაფერს აღწევს მონდომებითა და შრომისმოყვარეობით. შესაძლოა შორეული, ზუსტად გათვლილი გეგმებიც გააჩნდეთ.  არჩევნის საბოლოო გადაწყვეტამდე სრულ და გონებრივ ანალიზს აკეთებს. ინტერესი ძლიერია ჯგუფური ფსქოლოგიისა და ფსიქოანალიზისადმი, ეს ცოდნა ჯგუფური მოქმედებების ეფექტურ მართვაში  ხელს უწყობთ.

ამ მდებარეობის მქონე ადამიანებს ურთიერთობებში დისტანციურობა ახასიათებთ. მიაჩნიათ, რომ ყველამ საკუთარ ბედნიერებაზე თავად უნდა იზრუნოს და შინაგან კანონს უნდა დაემორჩილოს. საზოგადოებაში ხშირად მაღალ ადგილს იკავებენ. ქორწინებაში შესაძლოა შარიანები იყვნენ. მათი დამახასიატებელი სიტყვაა „უნდა!“, „უნდა გაკეთდეს, უნდა წავიდეთ, უნდა ვიმოქმედოთ…“. სამართლიანობის, რესურსების სამართლიანად განაწილების, ორგანიზებულობის გრძნობა, სირთულეებისკენ მიდრეკილება ძლიერად ვლინდება. საკუთარ ცხოვრებაში ქაოსს, უწესრიგობას არ უშვებს. მისთვის აუცილებელია სამყაროზე საკუთარი წარმოდგენა შექმნას, რასაც უმეტესად 30 წლის შემდეგ აღწევს. თუ პოლიტიკოსია, სასურველია ინფორმაცია გადაამოწმოს ხოლმე.

ქირონი თხის რქაში მოქმედებს კონტროლისა და ორგანიზების უნარზე. შესაძლოა გადაჭარბებით მეტი თვითკონტროლი გამოვლინდეს. ინდივიდს მუდმივად სურს პრესტიჟული, ორგანიზებული, ბეჯითი ადამიანის შთაბეჭდილება დატოვოს. კარგი მდებარეობაა კარიერისთვის, რომელიც ორგანიზების საკითხებში სხვების დახმარებას გულისხმობს.

ქირონი თხის რქაში მიანიშნებს სამსახურსა და კარიერაში პრობლემებზე. ამ ადამიანს სხვების სურვილების დაკმაყოფილებისა და სამსახურში აყვანისთვის სხვების დარწმუნება და ზალისხმევის ხარჯვა უწევს. მისი შიშები დაკავშირებულია მატერიალურ უსაფრთხოებასთან, მარტო დარჩენასთან, სოციალურ სტატუსთან. უარყოფითი კუთხით შესაძლოა მუდმივი დაგროვებისკენ ჰქონდეს მიდრეკილება (აგროვებს და არ ხარჯავს).

ქირონის დამუშავების შემდეგ ადამიანი ჯგუფურ მოქმედებებსა და იერარქიაში ნებისმიერი ადამიანის როლსა და მნიშვნელობას ხვდება. შეუძლია ჯგუფში ენთუზიაზმის გაღვივება, ერთი მიმართულების მიცემა, ხელმძღვანელობა. ამისთვის კი, პირველ რიგში, ცნობიერებისა და მოტივების გაფართოებაა აუცილებელი. ქირონის დამუშავებით კონკრეტულ მატერიალურ საქმეებთან ერთად, მენტალურ დონეზე იდეებისა და პროექტების შექმნა, ჯგუფური მედიტაციის მოწყობაც შესაძლებელია.

ქირონი თხის რქაში ან მე-10 სახლში

ძირითადი მისწრაფებაა სოციუმში გამორჩეული ადგილის დაკავება. მიზანსწრაფული, მუდმივად მომუშავე ადამიანია, ხშირად გადაჭარბებულადაც შრომობს, გეგმებს აწყობს. სასურველია პერიოდული შესვენება, რათა სრულიად არ გამოიფიტონ. ამ მდებარეობის მქონე ადამიანებს ბავშვობაში ნაკლებ ყურადღებას აქცევდნენ, უმეტესად დედის მხრიდან უყურადღებობა სწყინდათ. ამიტომ ხშირად დაუცველობის გრძნობა აქვთ.

ინფორმაცია აღებულია რამდენიმე საიტიდან (astromeridian.ru; astro-club.net; cafeastrology.com; …) რედაქტირებულია და დამატებულია საკუთარი აზრიც.

სტატიის ავტორი: თამთა