მზე ვერძი, მთვარე ნიშნებში

 მზე-ვერძი, მთვარე-ვერძი

“ვერძი კვადრატში”

ამ მდებარეობის მქონე პიროვნება არის საკმაოდ ექსპრესიული, ადვილად გამოხატავს ემოციებს, “შიგნით” და “გარეთ” ერთნაირია. მზე ვერძი,მთვარე ვერძი არის ინდივიდუალისტი წარსულში, აწმყოსა და მომავალში. პიროვნება არის დინამიური, ძლიერი, მოუთმენელი, იმპულსური, სწრაფად ფეთქებადი და მაგნეტიზმით დაჯილდოებული. მას თითქოს ვერაფერი შეაჩერებს.. თუ ასეთი ადამიანი არ ისწავლის საკუთარი ენერგიის კონტროლს, შეიძლება გაუჭირდეს პირადი ურთიერთობების მოწესრიგება.

ამ მდებარეობის მქონე ადამიანმა კარგად იცის რა უნდა და როგორ მიაღწიოს. დაჟინებულია და საკუთარ შესაძლებლობებს ბოლომდე იყენებს. სხვების თვალში შეიძლება დაუფიქრებელი იყოს; სწრაფად იღებს გადაწყვეტილებებს. ძალიან ხშირად სხვებს რჩევებს ეკითხება, მაგრამ არა იმიტომ, რომ გაითვალისწინოს, უფრო მეტად სხვების მხრიდან მოსმენა სჭირდება. ამ ადამიანებს სხვებთან საერთო ენის გამონახვა მანამდე გაუჭირდებათ, სანამ უფრო მეტად არ დაინტერესდებიან გარშემომყოფებით.

მზე-მთვარე ვერძები ნაკლებად არიან დაინტერესებული განათლებით და არც დიდი ინტელექტუალური მონაცემები აქვს, რადგან ძირითადად ორიენტირებულია მიზნის მისაღწევად ძალის გამოყენებაზე. მათთვის სწავლა და მიზანზე ორიენტირებულობა მოსაწყენ “საქმიანობად” ჩანს და შეიძლება ვთქვათ, რომ ფაქტობრივად ისინი გონების აბსტრაქტულ ნაწილს არ იყენებენ. ერთ წინადადებაში შეიძლება ეს პიროვნებები ასე დავახასიათოთ “ წინ, რა დროს ფიქრია!”.

ისინი არ აზროვნებენ აბსტრაქტულად, მაგრამ ეს არ ნიშნავს, რომ საერთოდ არ აზროვნებენ. ამ მდებარეობის მქონე ადამიანი თუ იურიდიულ სფეროში აღმოჩნდება, დიდ წარმატებას მიაღწევს. ამ ადამიანებს გააჩნიათ ლიდერობისკენ დიდი მისწრაფება, თუმცა ლიდერობა გაუჭირდებათ თუ არ ისწავლიან ტაქტს და სხვების გრძნობებზე ფიქრს.

დამახასიათებელი თვისებებია:

ეგოცენტრიზმის მაღალი დონე, სწრაფი აზროვნება, მაღალი აგრესიულობის დონე, წინა პლანზე წამოწეული “მე”, დამოუკიდებლობის სურვილი როგორც ფიზიკურ, ისე სულიერ დონეზე, საკუთარ თავში დარწმუნებული, ტოლერანტობა=0 ,

რამდენიმე ცნობილი ადამიანი მსგავსი მდებარეობით:

მზე ვერძი, მთვარე- კურო

“წყნარი ვერძი”

ეს ადამიანები მათ რიცხვს მიეკუთვნებიან, რომლებსაც ბევრი რამის მიღწევა გამოსდით. ვერძების იმ კატეგორიას მიეკუთვნებიან, რომელტათვისაც ტაქტი და პასუხისმგებლობის გრძნობა უცხო არაა. მათი ენერგია გარშემომყოფებს მაგნიტუად იზიდავს. ამ ვერძებს დამახსოვრება შეუძლიათ და მტრებთან ღირსეულად ანგარიშის გასწორებაც. თუმცა, ამავე დროს, შეუძლიათ  კამათს თავი აარიდონ. შეუძლიათ ხელმძღვანელი პოსტების დაკავება, ადმინისტრაციული ხელმძღვანელობა, საქმიანი ურთიერთობები ყველაზე უკეთ გამოსდით.

ამ ადამიანებს სუსტებს ნამდვილად ვერ უწოდებთ, რადგან ყოველთვის შეუძლიათ ფეხზე წამოდგომა; დროს ფუჭად არ კარგავენ, საქმეების კეთება კი სწრაფად და ეფექტურად შეუძლიათ. კაცის რუკაში შეიძლება ნიშნავდეს ფინანსურად შეძლებული მეუღლის ყოლას, რომელიც მატერიალურ სტაბილურობას შემატებს. ქალის რუკაში კი – ოჯახის უფროსობასა და ოჯახის გაძღოლის კარგ უნარზე მიანიშნებს. ვერძები მთვარე კუროთი საკუთარ თავში დარწმუნებულები არიან, თუმცა ქუჩაში ყვირილს და დამტკიცებას ნამდვილად არ მოყვებიან.

მზე ვერძი, მთვარე კურო მდებარეობის მქონე ადამიანები საქმით ადასტურებენ თუ როგორ შეიძლება ენერგია და პირდაპირობა შეუთავსდეს ტაქტს. მთვარე კურო ვერძის მანერებს მატებს უფრო მეტ შარმს, მიმზიდველობას. ვერძის იმპულსურობა, აგრესიულობა თვალში შესამჩნევი აღარაა. ამ გავლენით ვიღებთ პიროვნებას, რომელიც უფრო ადვილად დათანხმებადი და მშვიდია, ვიდრე წინა მდებარეობის მქონე პიროვნება.

ეს ადამიანები ტაქტიანები და მშვიდები იქნებიან, სანამ თავის გზას მიყვებიან. მათ ოჯახს “ტკბილი და მწარე” არ აკლიათ. მათი ძლიერი მაგნეტური შარმი და ძლიერი ნება კარგ გავლენას ახდენს მათ მისწრაფებაზე-გახდნენ ლიდერები. ნებისმიერი ვერძი ისწრაფვის ლიდერობისკენ,მაგრამ ცოტას თუ გააჩია სტაბილური თვისებები, რაც ასე აუცილებელია “ხარისხიანი” ლიდერობისთვის.

ერთადერთი , რაც ამ მდებარეობის მქონე ვერძებმა უნდა ისწავლონ, ესაა – ისე მართვა, რომ არ გახდნენ ზედმეტად დომინანტურები და გამოიჩინონ უფრო მეტი სურვილი სხვათა ბედნიერების ხელშეწყობაზე.

მიუხედავად სქესისა, ვერძი მთვარით კურო არის ნებისმიერ პირად ურთიერთობაში დომინანტი/მთავარი და ყოველთვის ეცდება ურთიერთობაში საკონტროლო ბერკეტებს ის ფლობდეს. ამასტანავე ვერძის სიჯიუტე კიდევ უფრო თვალში საცემია- მას ან ყველაფერი უნდა, ან არაფერი.

დამახასიათებელი თვისებები: პრაქტიკულობა, იდეალიზმისა და კონსერვატიული ხედვის მაღალი შეთავსება, ნაკლებად კონფლიქტური, ბიზნესის ალღო.

ცნობილი ადამიანები მსგავსი მდებარეობით:

მზე ვერძი, მთვარე- ტყუპები

“ვერძი მიკროფონით ხელში” 

ეს მდებარეობა ერთ-ერთ აქტიური და რაც მთავარია, საუბრის მოყვარული ვერძის მდებარეობაა. ისინი ცდილობენ იყვნენ ნებისმიერი შეკრების ცენტრში, რომელშიც რამეს განიხილავენ და აქტიური კამათი მიმდინარეობს. ვერძი მთვარით ტყუპები ფლობს განსაკუთრებულ უნარს- სწრაფად გადაამუშაოს ინფორმაცია და ასევე სწრაფად მიიღოს გადაწყვეტილებები ( განსაკუთრებით თუ მერკური ვერძი უწყობს ხელს). ისინი ვერ ახერხებენ გაჩუმებას, რაც იციან შეუძლიათ ყველაფერი თქვან გონების საბოლოო გათიშვამდე.

ამ ადამიანისთვის ყველაზე ადვილი გასაკეთებელია კარგად მოკალათდეს და ისაუბროს, ვიდრე ჩაიკეტოს საკუთარ თავში და გადასაწყვეტი გზები ეძებოს. მისთვის დამახასიათებელია ჯერ საუბარი და შემდეგ გადახტომა

ვერძი მთვარით ტყუპები წარმატებას ადვილად მოიპოვებენ თუ ისწავლიან ინფორმაციის გადამუშავების შემდეგ დაფიქრებას და ისე მოქმედებას. ამ მდებარეობის მქონე ვერძები ადვილად იკეთებენ კარიერას იურისპრუდენციაში საკუთარი სწრაფი აზროვნებისა და გადაწყვეტილებების გამო. ასევე წარმატებას მიაღწევენ ბიზნესისა და ყველა იმ სფეროში, რაც დაკავშირებულია კომუნიკაციასთან.

მათ კარგად შეუძლიათ საუბრის დროს ოპონენტების კუთხეში მიმწყვდევა,ამ ვერძებს ხომ ინტელექტუალური და ემოციური კავშირი აქვთ საკუთარ არაცნობიერსა და ცნობიერს შორის,რაც მთლიანობაში საკუთარ თავთან ჰარმონიულ პიროვნებად აყალიბებს.

ეს მდებარეობა ზოდიაქოს სისტემაში ერთ-ერთი კომუნიკაბელური, აქტიური და უარყოფითად განვითარების შემთხვევაში „ყბედი“ ადამიანის კომბინაციაა. მათი მთავარი ამოცანაა – ენაზე კბილის დაჭერა ისწავლონ. როგორც წესი, ერთ საგანზე კონცენტრაცია არ ახასიათებთ. მათ უმრავლესობას მიაჩნია, რომ თუ პრობლემაზე ხმამაღლა ისაუბრებს, პრობლემა ასე მოგვარდება, მაგრამ საკმაოდ არაეფექტური მეთოდია. ამ მდებარეობის მქონე ადამიანებს, ძალიან ხშირად უყვართ სხვების ცხოვრებაში ჩარევა, მათი პრობლემების განხილვა. საკმაოდ მწარე ენა აქვთ და კამათის დროს ხშირად იარაღიც სწორედ ენაა.

უყვართ სიახლეების გაცნობა, ჭორაობა, გართობა, დრამის გათამაშება. ნაკლებად ტაქტიანები არიან, სხვების ლოგიკას კი სიტყვების კორიანტელს უყენებენ წინ, ამიტომ კარგად შეუძლიათ ნებისმიერი ნათქვამი სათავისოდ შეაბრუნონ. კაცის რუკაში შესაძლოა ნიშნავდეს ერთზე მეტ ქორწინებას, განსაკუთრებით თუ ვენერა კუროს ნიშანში ეყოლება. ქალის რუკაში კი ჭკვიან ქალზე მიანიშნებს, რომელსაც ქალების გარემოცვაში უადვილდება ყოფნა.

დამახასიათებელი თვისებები:

ინტერესების ხშირი ცვალებადობა, სწრაფი საუბარი, ხშირი ნერვული გაღიზიანება ან “წყობიდან გამოსვლა”, “მწარე” ენა, ადვილად იჩენს მეგობრებს.

ცნობილი ადამიანები მსგავსი მდებარეობით:

მზე ვერძი, მთვარე-კირჩხიბი

“მგრძნობიარე”

ეჭიც არაა, ეს მდებარეობა მგრძნობიარე, ზე-მგრძნობიარე და ზე-განვითარებული ადამიანის კომბინაციაა. ამ მდებარეობის მქონე ადამიანები ამაყობენ საკუთარი შესაძლებლობებით, დამოუკიდებლობითა და მიისწრაფიან ცხოვრების უკეთესად მოწყობისკენ. აძლიერებს ინტუიციას და ინტელქტუალური საქმიანობებისადმი მიდრეკილებას. ვერძებმა მთვარით კირჩხიბებმა კარგად იციან როგორ მართონ აუდიტორია, ადამიანები. თუმცა მიდრეკილება აქვთ დრამატიზებისკენ.

განწყობა სწრაფად ეცვლებათ – ეიფორიიდან სრულ უგრძნობელობამდე, გულღიაობიდან – ჩაკეტვამდე  მცირე დრო სჭირდებათ. უარყოფითად განვითარების შემთხვევაში, ადამიანებს ხშირად საკუთარი მიზნებისთვის იყენებენ. ინტუიციით გრძნობენ სხვა ადამიანებს რა უხარიათ ან გაუხარდებათ. ამ ადამიანებს განსაკუთრებით უყვართ საკუთარი სახლი, ოჯახი. თუ უნდათ რომ უფრო დიდ წარმატებას მიაღწიონ, პირადი ცხოვრება სერიოზულად უნდა მიიღონ, ემოციური „აფეთქებები“ კი გარეთ მიმართონ, შინაგანი გარეთ გამოუშვან.

 ეს მდებარეობა გვაძლევს უნიკალურ პიროვნებას. ესაა “სამეფო” მთვარე, რომელიც უხეშ ვერძს მატებს მგრძნობელობას, ინტუიციას. ამ ადამიანებში იკლებს ვერძისთვის დამახასიათებელი პირდაპირ შეჯახების სურვილი. ვერძი მთვარით კირჩხიბი ბევრს ფიქრობს, სანამ იმოქმედებს. მათ კარგად იციან როგორ მოახდინონ გავლენა ადამიანებზე და სათავისოდ იყენებენ კიდეც. მიუხედავად ამისა, ეს ადამიანები სულაც არ არიან ტირანები. მათში ვერძის ბუნება მაინც ჩანს, ასეთ ადამიანებს სულ მცირე რამდენიმე საკუთარ მე-ზე ორიენტირებული მისწრაფება აქვთ, რომელსაც კარგად მალავენ მგრძნობიარობის მიღმა.

ეს ვერძი შეიძლება სხვებისთვის ტკივილის მომტანი იყოს, ოღონდ ისე, თვითონაც ვერ ხვდებოდეს საკუთარი ქცევის უარყოფით მხარეს.რაც უფრო სოციალურები იქნებიან ეს ადამიანები, მით უფრო ადვილად მოიპოვებენ წარმატებას. ხშირად შეიძლება თავადვე გაუკვირდეთ საკუთარი მიზნების სწრაფად მიღწევა. ერთადერთი, რაც ვერძმა მთვარით კირჩხიბმა უნდა დაიმახსოვროს ესაა- ნაკლებად დრამატულად და (ნაკლებად) სერიოზულად აღიქვას სიტუაცია.

დამახასიათებელი თვისებები:

გაძლიერებული ინტუიცია, მაღალი მგრძნობელობა, ადვილად ბუტიაობა, საკუთარი ოჯახის წინა პლანზე წამოწევა ( მაგრამ არა “მე”-ზე წინ)

ცნობილი ადამიანები:

მზე-ვერძი, მთვარე-ლომი

“ამაყი”

ვერძს მთვარე ლომი აჯილდოვებს ძლიერი პიროვნული თვისებებითა და უფრო მეტი სითბოს გამოხატვით (ღუნღულა ვერძი), ასეთი ვერძი აქტიური, შემტევი, მებრძოლი, გახსნილი და თავგადასავლების მოყვარულია. იდეებს აფრქვევს ენთუზიაზმით “ის ყველაფერში სწორია!”. თვითშეფასება და საკუთარ თავზე წარმოდგენა ყველაზე მეტად ამ ვერძისთვისაა მნიშვნელოვანი და საკუთარი თავის შეფასებისკენ აქვთ მიდრეკილება, ხშირად მაღალი თვითშეფასებაც ახასიათებთ.მათთვის ყველაზე მეტად დამახასიათებელია ღირსებაზე ხაზგასმა და თავადაც ამ პრინციპით აფასებს სხვებს- რამდენად ღირსეულია კონკრეტული ადამიანი მასთან ურთიერთობაში.

რომანტიულობა და თავგადასავლებისადმი მიდრეკილება მათ ცხოვრებას საინტერესოს ხდის. მიზანდასახულობა, მაღალი მიზნების ქონა საუკეთესო მეგობარს ხდის. მათ ადამიანები მოსწონთ არამხოლოდ კონკრეტული პიროვნებების მიხედვით, არამედ, ზოგადად, როგორც ადამიანი, პიროვნება. უარყოფითად განვითარების შემტხვევაში შესაძლოა მივიღოთ „დონ-ჟუანის“ ტიპი. კარგი კომბინაციაა ხელმძღვანელი პოსტების დასაკავებლად.

როგორც წესი, ამ მდებარეობის მქონე ადამიანებს მელოდიური, თბილი ხმა აქვთ. თუ მოახერხებენ, რომ არამხოლოდ საკუთარ ამბიციებზე იზრუნონ, არამედ სხვა ადამიანებზეც, უფრო დიდ წარატებას მიაღწევენ. ცხოვრებაში საფრთხე არის ინერციით სიარულისკენ. ვერძს მთვარით ლომს წყალივით სწყურია პოპულარობა და ლიდერობა, მათ ხომ გამოსადეგი და ღირებული აზრები აქვთ, რომელთაც განხორციელება სჭირდება. ბევრი ადამიანი ექცევა მათი გავლენის ქვეშ და ხშირად ჰყავს მსმენელი.

ეს ვერძი არასდროს გამოხატავს, რომ სხვა ადამიანების მხარდაჭერა ან დახმარება სჭირდება, ის თავად ეცდება მიაღწიოს მიზანს.

დამახასიათებელი თვისებები:

ენერგიული, ამაყი, თავის თავში დარწმუნებული, უყვარს საკუთარი თავით მოწონება.

ცნობილი ადამიანები:

მზე ვერძი, მთვარე- ქალწული

“კრიტიკოსი ვერძის ტყავში”

მზე ვერძი,მთვარე ქალწული მდებარეობა მიუთითებს ემოციურად ცივ პიროვნებაზე. კრიტიკისკენ მიდრეკილება ცვლის ვერძის ბუნებას. ამ პიროვნებებს ფაქტობრივად მართავს გონება რომელიც მუდმივადაა დაკავშირებული მატერიუალურ საგნებთან,საქმეებთან,სფეროსთან.

ეს ადამიანები “შემნახველები” არიან, ცივი გონებით შეუძლიათ განსაჯონ ნებისმიერი ადამიანის საქციელი,მაგრამ მათ აკლიათ კრეატიულობა და ორიგინალურობა. მიზნის მისაღწევად იყენებენ საკუთარ გონებას. ეს მდებარეობა რთულია იმ მხრივ, რომ ვერძის თვისებები “იჩაგრება” ქალწულის პედანტურობით,დეტალებისადმი კრიტიკით. ხშირად ამ მდებარეობის ვერძს უნდა ერთი და აკეთებს მეორეს.

ეს ადამიანები წარმატებას მოიპოვებენ თუ შეძლებენ ქალწულის კრიტიკულობისა და შინაგანი აგრესიის დავიწყებას (სწორედ ეს ზედმეტი კრიტიკულობა უჩენთ მტრებს). ვერძი მთვარით ქალწული არაა რომანტიკოსი და სოციალურად გარემოზე ორიენტირებული პიროვნება, ის უფრო “მარტოხელას” მოგვაგონებს

დამახასიათებელი თვისებები:

პრაქტიკული, წვრილმანებზე ორიენტირებული, რეალისტი, პრობლემებისადმი მეთოდოლოგიური,დეტალური მიდგომა/განხილვა

ცნობილი ადამიანები:

მზე-ვერძი, მთვარე-სასწორი

“ვერძი გრაცია”

მზე ვერძი, მთვარე სასწორი საკმაოდ რთული მდებარეობაა, რადგან მზე და მთვარე ერთმანეთის საპირისპირო ზოდიაქოს ნიშნებში მდებარეობს, რამაც შეიძლება წარმოქმნას შინაგანი კონფლიქტი. ვერძი ბუნებით დამოუკიდებელია, სასწორი კი შინაგანად მოითხოვს ვინმესადმი დამოკიდებულებას, რაც ემოციურ და მენტალურ დონეზე პრობლემებს წარმოქმნის ინდივიდში. მას გააჩნია როგორც თავისუფლების მოთხოვნილება, ასევე სურვილი, რომ სხვა აფასებდეს, მასში დადებითს ხედავდნენ,მხარს უჭერდნენ და ა.შ. 

ერთ-ერთი კონფლიქტური მდებარეობაა, რადგან ემოციური და ინტელექტუალური ბუნება ერთმანეთს ნაკლებად ან არ ემთხვევა. სამართლიანი, მებრძოლი ადამიანების კომბინაციაა. სხვებთან ისე ურთიერტობენ, თითქოს მათგან დახმარებასა და მხარდაჭერას ელოდებიან.  ცდილობენ, რომ სხვებისგან განსხვავებულები იყვნენ. საკუთარი ხისტი ქცევების გამო ხშირად ნანობენ ან მოგვიანებით მათ გამოსწორებას ცდილობენ. ამ მდებარეობის მქონე ადამიანები წარმატებას მიაღწევენ შემოქმედებით სფეროებში.

როგორც კი შეწყვეტენ გარე სამყაროდან მხარდაჭერის, სიმპათიის ძებნას და მას შიგნით დაიწყებენ, საკუთარ თავს სარკეში ჩახედავენ, მიწაზე მყარად დადგებიან და თვითშეფასების დონეც მოიმატებს. ეს ვერძები გულის სიღრმეში ზედმეტად რომანტიულებიც კი არიან.  ზოგჯერ ზედმეტი რომანტიზმი სინამდვილის დანახვაში ხელს უშლით. დამუშავებისა და განვითარების შემთხვევაში, უმაღლესი მორალური პრინციპების მატარებლებად გვევლინებიან.ვერძი მთვარით სასწორი არის ამბიციური და ამავე დროს თავაზიანი,რბილი ადამიანი, ან უნდა რომ მასეთი იყოს. ხირად სარგებლობს სხვების სიმპატიით

ამ ადამიანისთვის რთულია ერთ საგანზე კონცენტრირება, მიდრეკილია ოცნებისკენ, იმ პერიოდშიც კი, როცა მძიმე სამუშაოს შესრულება უწევს.წარმატებას რომ მიაღწიოს, პრაქტიკულობა უნდა ისწავლოს და მიწაზე დაეშვას. 

დამახასიათებელი თვისებები:

დიპლომატი, მიდრეკილება მოდური სამოსისკენ,აქსესუარებისკენ, სილამაზე- N 1 პრიორიტეტი.

ცნობილი ადამიანები:

მზე ვერძი, მთვარე მორიელი

“ტრანსფორმაცია”

მზე ვერძი მთვარე მორიელის მდებარეობა ადამიანს მატებს დაჟინებულობას/ასერტიულობას, კონტროლის უნარს და აყალიბებს ძლიერ ადამიანად. ასევე ერთ-ერთი რთული მდებარეობაა, რადგან მორიელი ვერძს მატებს “სიღრმეს”, მგრძნობელობას. ისინი აღმოაჩენენ ახალ “მთებს” და შეეცდებიან მათ დაპყრობას, არ არსებობს მათთვის მიზანი, რომლის შესრულებასაც ვერ შეძლებენ. სხვა მზის ზოდიაქოსგან განსხვავებით, აქ მთვარე მორიელი უფრო მეტად მჟღავნდება რევოლუციური იდეების გამოხატვასა და ცვლილებებისკენ მისწრაფებაში. 

არ აქვს მნიშვნელობა, მათ ცხოვრებაში დადებითი თუ უარყოფითი მოვლენა მოხდება, ისინი მოწყენილები არასდროს იქნებიან. საკმაოდ ძლიერები, სიცოცხლითა და ენერგიით სავსე, საკუთარ ძალებში დარწმუნებული ვერძები არიან. მძაფრად აღიქვამენ შესაძლებლობებსა  და პატივმოყვარეობას.  საკუთარი თავის რწმენას იშვიათად კარგავენ და არც მიწაზე ეცემიან. ამ ვერძებს ფერფლიდან აღდგომა ახასიათებთ.

მიდრეკილება აქვთ საიდუმლო საქმეებისკენ, საიდუმლოებებისკენ. საკმაოდ ხშირად არიან საზოგადოებაში მიღებული და კომპეტენტური ადამიანები. უმაღლესი ძალებისგან ხშირად მფარველობას გრძნობენ. საკუთარი მოქმედებებით ამაყობენ და პასუხისმგებლობას გრძნობენ. შინაგანად ბევრად ფეთქებადები არიან, თუმცა თავის შეკავების უნარი აქვთ. თუმცა, ამავე დროს, მიდრეკილება აქვთ შურისძიებისკენ, მათი გონება კი იმახსოვრებს როგორც კარგ, ასევე უარყოფით მოვლენებს. საკუთარი ემოციების დაფარვას ბოლომდე იშვიათად ახერხებენ.

მიდრეკილია ერთიანი დარტყმისკენ, რომ მტერი გაანადგუროს. ამ მდებარეობის მქონე ადამიანებმა უნდა ისწავლონ, სხვებისთვის ნაკლებად მტკივნეული დარტყმის მიყენება, რადგან პირველ რიგში თვითონ ზარალდებიან.ამ ადამიანებს შეუძლიათ წლების განმავლობაში შეინარჩუნონ მეგობრობა, თუმცა გამოყენებას არავის პატიობენ. ვერძი მთვარით მორიელი არც მატერიალისტია, არც ჰუმანური, ის უფრო მართვისკენ და გარდაქმნისკენაა მიდრეკილი. სხვებისთვის ისაა მაგნეტიზმით დაჯილდოვებული და ქარიზმატული, მათ ჰყავთ მხოლოდ რამდენიმე მეგობარი., უჭირთ გარშემომყოფებისგან უპირობო მხარდაჭერისა და სიმპატიის მიღება,რაც შეიძლება მათი უნდობლობითაც იყოს გამოწვეული.

დამახასიათებელი თვისებები:

აგრესიული, თავის თავში დარწმუნებული, მიზნის მისაღწევად იყენებს ნებისმიერ გზას, ყოველთვის მოქმედებაში -in action, იდუმალებისკენ მიდრეკილება

ცნობილი ადამიანები:

მზე ვერძი, მთვარე- მშვილდოსანი

“უტაქტო მოგზაური”

მზე ვერძი, მთვარე მშვილდოსნის მდებარეობის მქონე ადამიანს უყვარს დამოუკიდებლობა. ის ფიქრობს, მოქმედებს და საუბრობს დამოუკიდებლად, არ უყვარს როცა სხვები ცდილობენ მასზე გავლენის მოხდენას. ამ ადამიანს გააჩნია გლობალურად აზროვნების უნარი , შეიძლება გახდეს რაიმე იდეის ფანატიც კი. ეს ვერძი საკმაოდ დაბალანსებულია, ვერძებისთვის დამახასიათებელ ცეცხლს, პირველობის, ბრძოლის სურვილს კი არ აქრობს, არამედ უფრო წინ სწევს მთვარე მშვილდოსანი. მთვარე თავის მხრივ უმატებს ფილოსოფიისკენ, თავგადასავლების მოყვარულობისკენ მიდრეკილებას. ამ ვერძებს შეუძლიათ იყვნენ უტაქტოები მათთან, ვინც არ მოსწონთ და არც დამალავენ საკუთარ უკმაყოფილებას.

ვერძს მთვარით მშვილდოსანს შეუძლია თავისუფლად იყოს ლიდერი და გაუძღვეს ჯგუფს,მაგრამ შეიძლება აკლდეს მგრძნობელობა. ან უნდა ისწავლოს ტაქტის გამოჩენა, რაც მისთვის ყველაზე ძნელია 

დამახასიათებელი თვისებები:

აქტიური, უტაქტო, იდეალისტი, ახასიათებს სწრაფი მოქმედებები და თავგადასავლებისადმი მიდრეკილება

ცნობილი ადამიანები:

მზე ვერძი, მთვარე- თხის რქა

“ სერიოზული“

ვერძს მთვარე თხის რქა ყველაზე მეტად ეხმარება ამოაცანების, გეგმების დასახვასა და სიმაღლეების დაპყრობაში. ამ ადამიანებს აქვთ ტალანტი სიტუაციისა და ორგანიზაციის მართვის,წარმატების მიღწევისთვის გააჩნიათ შინაგანი პოტენციალი. ვერძმა მთვარით თხის რქამ იცის როგორ, რა გზებით მიაღწიოს მიზანს და არავის მისცემს უფლებას გზიდან გადაახვევინოს. მათ შეუძლიათ პრობლემების გადაჭრა და მიმართულნი არიან თვითონ პრობლემურ სიტუაციაზე,არა ხალხის განსჯაზე.

სხვა მთვარის გავლენის მქონე ვერძებისგან განსხვავებით ამ ვერძებს შეუძლიათ მოითმინონ, მოუცადონ ხელსაყრელ სიტუაციას და სწრაფად არ მოიპოვონ გამარჯვება,არამედ ნელ-ნელა მიდიან მიზნისკენ. ენერგიით სავსე ვერძი მთვარე თხის რქა არ დაკარგავს დროს ფუჭად იმ საქმეზე,რაც მნიშვნელოვნად არ მიაჩნია.

ხშირად ასეთმა ადამიანებმა ინსტინქტურად იციან როგორ მოიქცნენ სხვების დაინტერესების გამოსაწვევად. მათ უყვართ როცა გულწრფელად გამოხატავენ მათდამი სიმპატიას, ამ მთვარის მდებარეობით ხომ სწორედ აღიარებისკენ მიიწევენ .

ამ ადამიანებისთვის შეიძლება ქორწინება არ იყოს ერთადერთი მნიშვნელოვანი მამოძრავებელი მიზანი,მათ ასევე სჭირდებათ კარიერა და სავარაუდოა, რომ თუ არჩევანი მოუწიათ კარიერას დააყენებენ ოჯახზე წინ.

დამახასიათებელი თვისებები:

საკუთარი შესაძლებლობებზე ამომწურავი ცოდნა, ფრთხილი, პრაქტიკული, დიპლომატიური, ჩაკეტილი

ცნობილი ადამიანები:

მზე ვერძი, მთვარე მერწყული

“დიპლომატი”

მზე ვერძი, მთვარე მერწყული მდებარეობის მქონე ადამიანი არის სოციალური პიროვნება, რომლისთვის მნიშვნელოვანია ინფორმაციის გაგება და საზოგადოებასთან კონტაქტი. აქვს სურვილი საზოგადოებრივი აღიარების მოპოვების.მისი აზროვნების სტილი გარშემომყოფებისთვის პროგრესულად აღიქმება. თავად ამ ადამიანისთვის აქვს დიდი მნიშვნელობა ჩათვალონ ის პროგრესულად მოაზროვნედ, სწორედ ასე რეალიზდება მისი შინაგანი სამყარო. ვერძს მთვარით მერწყულს გააჩნია ლიბერალული შეხედულებები და მიაჩნია, რომ ყველა თანასწორია და შეუძლიათ საკუთარი ცხოვრებით იცხოვრონ. მოკლედ, ესაა “თავისუფალი სული”.

მას მიდრეკილება აქვს სხვებისა და სიტუაციის განსჯისკენ. მათ ინტერესს ადამიანების მიმართ ხშირად მოაქვს კარგი ნაცნობობა, ფართო დონეზე ნაცნობობა, საჭირო კავშირები. ვერძები მთვარე მერწყულით კარგი ორატორები, მოსაუბრეები, სასიამოვნო მეკავშირეები არიან. ადამიანებში პოპულარობით სარგებლობენ თავისუფალი იდეებისა და პიროვნების გამო. ხშირად ისეთ შთაბეჭდილებას ტოვებენ, თითქოს გარშემო ყველაფერი აინტერესებთ, მაგრამ ეს ბოლომდე სიმართლეს არ შეესაბამება.

კარგად გამოსდით ნივთების, იდეების, პროექტების გაყიდვა. ამ ვერძების ცხოვრება სწრაფ ტემპში მიმდინარეობს, მეგობრების ფართო წრე ხშირად მოწყენის საშუალებას არ აძლევს. როგორც წესი, ამ ადამიანებს ინდივიდუალური, განსხვავებულად თავის გამოხატვის მანერა აქვთ. ჰუმანური მიდგომა, დემოკრატიული იდეების, ინდივიდუალური მიდგომის გამოხატვა მათთვისაა დამახასიათებელი.

ამ კომბინაციის მქონე ვერძებს სხვა ვერძებთან შედარებით  ნაკლებად აქვთ საკუთრების გრძნობა, მესაკუთრეობას ნაკლებად გამოხატავენ. სიყვარულში რომანტიულები, იდეალისტები და ნაკლებად იმპულსურები არიან, რაც მატერიალური წარმატების მიღწევაში ეხმარებათ.

დამახასიათებელი თვისებები:

ადამიანებზე დაკვირვების სურვილი, დემოკრატიულობისკენ მიდრეკილება, თავისუფლების სურვილი, ორატორული მონაცემები, ორიგინალური იდეების გამოხატვის სურვილი

ცნობილი ადამიანები:

მზე ვერძი, მთვარე თევზები

“მორიდებული”

ვერძს მთვარე თევზები აქცევს ინტროვერტ, საკუთარი თავის ანალიზისკენ მიმართულ ადამიანად. ეს ვერძი ყველაზე ნაკლებად ჰგავს ვერძებს. მას აქვს მიდრეკილება მუდმივად გადააფასოს საკუთარი შესაძლებლობები. ყველაზე მგრძნობიარე ვერძები არიან, რომლებიც სხვების გრძნობებს ყურადღებას აქცევენ და განიცდიან კიდეც როგორც საკუთარს. ისინი გრძნობებით და გაცნდებით “ფიქრობენ” და არა გონებით.

ამ მდებარეობის მქონე ვერძები იდუმალი, მეოცნებე, კაპრიზულები და ტემპერამენტიანები არიან. ერთი შეხედვით ძლიერი ადამიანის შთაბეჭდილებას ტოვებენ, რაც შინაგან დაურწმუნებლობას ფარავს. ხშირად დარწმუნებულები არიან, რომ სიმართლე იციან სხვადასხვა სფეროსა და საქმეში, მაგრამ ნაკლებად გამოხატავენ იდეებსა და აზრებს.

მოკლედ, რომ ვთქვათ, ეს მდებარეობა იძლევა ადამიანს, რომელიც დარწმუნებულია სიმართლეში, მაგრამ შეიძლება არავინ დაუჯეროს. მიუხედავად იმისა, რომ ენერგიულ ნიშანს მიეკუთვნება, ხსირად უწევს ჯანმრთელობაზე ზრუნვა, ზოგჯერ გადაჭარბებითაც. პერიოდულად საჭიროებენ მარტო ყოფნას, დაფიქრებას. მიდრეკილები არიან ოცნებისკენ, ფანტაზია უხვად აქვთ, ამიტომ წარმოდგენა არ უჭირთ.

მიდრეკილება აქვთ თვითშეცოდებისა და სიბრალულისკენ, ამის გამო ზოგჯერ საკუთარ თავს თავად უქმნიან პრობლმებს. თვითშეფასების დაბალი დონის შემთხვევაში საკუთარ თავს არ აფასებენ, სასივარულო ურთიერთობას კი ბევრად ნაკლებ ადამიანთან აბამენ, რაც მომავალში მდგომარეობას ურთულებთ. მათთვის მთავარია საკუთარი ძალებისა და თავის ირწუმუნონ.

ვერძმა მთვარით თევზებმა თავიდან უნდაა ირიდოს ყველაფერზე ფიქრი, წუხილი. ის წარმატებას მიაღწევს ხელოვნების სფეროში.

დამახასიათებელი თვისებები:

სხვისი გავლენის ქვეშ ადვილად მოქცევა, ფანტაზიის უნარი, მგრძნობელობა

ცნობილი ადამიანები:

გამოყენებულია რამდენიმე საიტის მასალა

სტატიის ავტორი: თამთა