მზე სასწორში

24 სექტემბერი – 23 ოქტომბერი

ასტროლოგიაში მზე ზოდიაქოს ნიშანს განსაზღვრავს. მაგალითად, თუ თქვენ სასწორი ხართ – ნიშნავს, რომ “მზე სასწორში გყავთ”, შესაბამისად, აქ მოცემულია სასწორების დახასიათება სხვადასხვა ასტროლოგთა მიხედვით.

წყარო: პაველ გლობა (პლანეტები ზოდიაქოს ნიშნებში)

სასწორები _ ეს სტაბილურობის ზონის მესამე, საკუთარ გამოვლინებაში ჰაერის სტიქიის ნიშანია. მთავარი მმართველები _ ქირონი და ვენერა. სასწორი _ ეს ჰაერის სტიქიის მეორე დონეა, რომელიც აქ უფრო სტაბილურია, ვიდრე ტყუპებში.

ადამიანს, მზით სასწორში, ჩვეულებრივ, მისწრაფება აქვს სტაბილურობისკენ, კომფორტისკენ, წონასწორობისკენ. მისთვის დამახასიათებელია სილამაზისკენ (ყველა მისი ფორმებისკენ) სწრაფვა. სასწორი _  ზოდიაქოს ყველა ნიშნებიდან ყველაზე დიდი ესთეტია, არ ითმენს კონფლიქტებს, კამათებს და შეჯახებებს და მუდამ ისწრაფვის და ცდილობს მათ მოშორებას. მისი კრედოა _ მოწოდება: “მეგობრებო, მოდით ვიცხოვროთ მეგობრულად!” მას, როგორც წესი, წარმატება აქვს იმ საქმეებში, რომელშიც საჭიროა კარგი გემოვნება, არტისტულობა, განვითარება და მდიდარი წარმოსახვა, ამიტომ სასწორებს შორის ვპოულობთ მრავალ ცნობილ მხატვარს, პოეტსა თუ მწერალს. სასწორები იყვნენ: ბატტო, ბუჟე, რემბო, სენ-სანი, ი. ბუნინი.

სასწორი ყოველთვის ისწრაფვის ცხოვრებაში აირჩიოს გარკვეული, განსაზღვრული წრე და ელიტა. ხოლო სხვადასხვა შეხედულებების შეჯახებისას, თუ ამ შეხედულებების გაწონასწორება და გათანაბრება არ უხერხდება, უფრო გონივრულის მხარეს იკავებს, ხოლო უარეს შემთხვევაში _ გამარჯვებულის მხარეს. ამიტომ ცხოვრებაში ძალიან ადვილად შეუძლია იმ ადამიანების ღალატი და გაცემა, რომლებთანაც ურთიერთობდნენ. აღსანიშნავია, რომ გამცემლებს (მოღალატეებს) შორის ყველაზე მეტი პროცენტი სასწორებს ეკუთვნით. სასწორებს შორის ასევე მრავალი კურტიზანი და მსუბუქი ყოფაქცევის ქალია, მაგრამ ასტროლოგები აღნიშნავენ, რომ ბოლო დროს ეს რიგები შეივსო ქალი-კირჩხიბების რაოდენობით. სასწორებს შორის სამხედროები ნაკლებია, მაგრამ იყვნენ ისეთებიც, როგორებიცაა, მაგალითად, ადმირალი ნელსონი, გენერალი ეიზენჰაუერი.

ის ბრწყინვალედ იცნობს კანონებს, გრძნობს მათ და ცდილობს დაიცვას. სასწორებს შორის იუსტიციის მრავალი მუშაკია: პროკურორები და ადვოკატები (მაგალითად: ფ. პლევანკო). მაღალი დონის სასწორი _ ეს ნიჭიერი დიპლომატია, სასწორებში დიპლომატიურობა ქირონიდან მომდინარეობს.

მისთვის სტაბილურობის განსახიერებას წარმოადგენს ჰარმონია, ამიტომაც ყველაფერში ეძებს მას. სასწორების ქვეყანა _ ინგლისი, ამიტომაც ამ ნიშანს მჭიდროდ და ინტიმურად აკავშირებენ ინგლისელ ერთან.

სასწორებს შორის მრავალი პოლიტიკოსია, რომლებსაც შეუძლიათ ერთდროულად ორ სკამზე ჯდომა, ხოლო ცუდ შემთხვევაში _ ორი მხარის ერთმანეთზე წაკიდება, რათა ამ დაპირისპირებიდან რაიმე სარგებელი მიიღონ.  “რკინის ლედი” _ მარგარეტ ტეტჩერი, ვილსონი და რიჩარდ III _ ასევე სასწორები იყვნენ.

კიდევ ერთხელ ხაზი ესმება იმას, რომ დაბალი დონის სასწორი _ ეს გამცემი და მოღალატეა. სასწორებში გამოვლინების სპექტრი საერთოდ ძალიან ფართეა, სასწორები იყვნენ: ესენინი, ლერმონტოვი და პავლე I.

მისთვის დიდ პრობლემას წარმოადგენს საკუთარ თავში ხელოვნების საწყისის ჩამოყალიბება. საკუთარი შინაგანი ენერგიის და უნარის – არ იყოს ცივი _ ფაქიზი გამოყენებაა. საქმე იმაშია, რომ სასწორებს შეუძლიათ იყვნენ ზოდიაქოს ყველა ნიშნებიდან ყველაზე ცივი ნიშანი, რამეთუ ერთადერთია, რომელიც წარმოდგენილია უსულო ბუნებით _ მეტალის ცივი სასწორის სახით.

მისი კარმული ამოცანა _ იყოს ფაქიზი, “სააფთიაქო” სასწორი. მან არანაირ შემთხვევაში არ უნდა დაუშვას, რომ “სასწორის ღერძი დაჟანგდეს”, წინააღმდეგ შემთხვევაში, ვერ შეძლებს სიტუაციის გაწონასწორებას, არადა, აუცილებლად სჭირდება სიტუაციაში ფაქიზად ჩართვა. მხოლოდ მისი არსის გაანალიზებით შესძლებს სიტუაციაში ჩართვას და ადამიანების დახმარებას, რათა მიაღწიონ ჰარმონიას.

წყარო: ავესალომ პოდვოდნი (პლანეტები ზოდიაქოს ნიშნებში)

სასწორი.

მმართველი ვენერა.

პასუხისმგებლობიანი სასწორი

ქმნადობის ზონიდან, მისი გაფორმების აქცენტის ზონაში ფუნქციის კავშირიდან (რომელიც ტყუპებისთვისაა დამახასიათებელი) გადასვლისას, აქცენტი გადადის სტრუქტურის ფუნქციებზე, რაზეც მუდმივადაა მიმართული სასწორების ყურადღება. სტრუქტურა არის ელემენტებს შორის კავშირების ერთობლიობა, რომლის წყალობითაც ისინი (ელემენტები) ქაოტური ნაკრებიდან ხარისხობრივად ახალ ობიექტად _ ერთ მთლიანობად იქცევიან. ამიტომაც სასწორებისთვის (ტყუპებისგან განსხვავებით), სულაც არ არის სულერთი ელემენტების ბუნება, რამდენადაც სხვადასხვა წარმოშობის ელემენტების შეკავშირება ერთ მთლიანობაში სხვადასხვანაირადაა საჭირო. უფრო მეტიც, სასწორებმა თვალყური უნდა მიადევნონ სხვადასხვა კავშირების იმ რაოდენობასა და ურთიერთქმედებას, რომლებიც ქმნიან სტრუქტურას.

სასწორები _ გადაჭარბებულად რთულია ამ ნიშნის გაგება და აღწერა. ისინი სავსენი არიან წინააღმდეგობრიობებით და, ამავდროს, მიუწვდომელი სახით აბალანსებენ არა მხოლოდ ამას, არამედ, თავად დრამატულ შინაგან სიტუაციებსაც.

ერთის მხრივ, სასწორი _ კარდინალური მამაკაცური ნიშანია, თამამი, გადაწყვეტილების მიმღები და აქტიური, ხოლო მეორე მხრივ _ იმართება ქალური პლანეტა ვენერათი.

ერთის მხრივ, ისინი მიეკუთვნებიან ცივი ჰაერის სტიქიას, მეორეს მხრივ _ ანსახიერებენ ეგზისტენციალური (და არამც და არამც მენტალური) წონასწორობის, სილამაზისა და ჰარმონიის პრინციპს, რომელიც საერთოდ ჩაუწვდომელია გონებისთვის.

სასწორი _ ერთადერთი უსულო ნიშანია ზოდიაქოში (დანარჩენი ნიშნები _ ადამიანებისა და ცხოველების სიმბოლოებით აღინიშნება), და ისინი ახდენენ უშუალო უპიროვნო აბსოლუტის სიმბოლიზებას. ჰარმონიისა და წონასწორობის მთავარი პრინციპი, რომელიც ადამიანისთვის თანდათანობით, მაგრამ მისი ევოლუციური განვითარებისა და ცნობიერების გაფართოების ზომით, იხსნება. სასწორი ახდენს არა სტატიკური, არამედ დინამიკური წონასწორობის სიმბოლიზებას: ველოსიპედისტს რთულ ვირაჟზე*, ადიაბატას** აირის გაფართოებისას, ეკოლოგიურ პროცესებს ახალი სახეობის დაღუპვის ანდა დაბადებისას. სასწორებს, როგორც გაფორმებულ ჰაერს, მიცემული აქვთ არა მენტალური, როგორც ტყუპებს, არამედ უფრო მეტად მაღალი, სამყაროს წონასწორულ-სტრუქტურულ-მთლიანი აღქმელობა. მაღალი დონის სასწორები ხედავენ ობიექტსაც, მის შემადგენელ ელემენტებსაც, მათ შორის კავშირებსაც _ როგორც განსაზღვრული აუცილებელი და გამაწონასწორებელი სტრუქტურისა, _ და სამყაროსგან განცალკევებულ ობიექტსაც და, იმავდროულად, მასთან (სამყაროსთან) მის კავშირსაც. ჰარმონიის რაციონალური სახით წვდომა ადამიანისთვის არაა მოცემული, მაგრამ სასწორები ადამიანს უთითებენ ერთ-ერთ იმ გზაზე, რომლითაც ჰარმონიის წვდომაა შესაძლებელი: ობიექტის შინაგანი წონასწორობის ძიების მეშვეობით, რომელიც განიხილება როგორც სისტემა _ ელემენტებს შორის ურთიერთობის რთულ სისტემასთან.

ადამიანი სასწორი

წარმოადგენს რა ჰაერის სტიქიას გაფორმების ზონაში, სასწორი კარგად აცნობიერებს საკუთარ სტიქიას და დაწვრილმანებას არ იწყებს. განსხვავებით ტყუპებისგან, სასწორი არ გაეცნობა ნებისმიერს და არ გადასცემს ინფორმაციას, სანამ არ განსაზღვრავს მასთან საკუთარ ურთიერთობას. სასწორებისთვის დამახასიათებელია რამდენადმე განმაკერძოებელი, ცივი სილამაზე და ესთეტიკურ-გამაწონასწორებელი გამოხედვა; ყველა საკითხისადმი მიდგომა _ განსაკუთრებით სოციალურთან _ ტყუპებში უფრო მეტად დემოკრატიულია. სასწორების ნათელი მაგალითია _ საზოგადოების ყველაზე მაღალი წრეებიდან ესთეტ-ინტელიგენტი, მომხრე კონცეფციისა “ხელოვნება ხელოვნებისთვის” და შეხედულების წერტილიდან, რომ: ყოველი სპეციალური ფენა იყენებს (და აწარმოებს) საკუთარ კულტურას _ სხვებისთვის შეუვალსა და არასაჭიროს. რა თქმა უნდა, რჩება რა ჰაერის სტიქიის კარდინალურ ნიშნად, სასწორი (თუ მოისურვებს და საჭიროდ ჩათვლის) ადვილად შეძლებს უცხო სოციალურ ფენაში გადასვლას და ბრწყინვალედ აღიქვამს ყველაფერს, რაც იქ ხდება, მაგრამ თავადაც და გარემოცვაც მთელი დროის მანძილზე შეიგრძნობენ სასწორის უცხოტომელობას. სასწორისთვის ზედმეტადაა დამახასიათებელი ინტელექტუალური და ესთეტიკური სნობიზმი (ღრმა ეგოს საფუძველი აქვს _ აბსოლუტთან სიახლოვე, _ მაგრამ ნაკლებ სავარაუდოა, რომ სასწორი ამას ზუსტად ასეთი სახით ჩამოაყალიბებს), რომელიც საკუთარი ზედაპირულობის შეგრძნებისგან დაცვის ყველაზე ეფექტურ საშუალებას წარმოადგენს. საქმე იმაშია, რომ სასწორს მოცემული არ აქვს ცხოვრების ის უშუალო (არსობრივი) შეგრძნება, რომელიც აქვთ ქალურ ნიშნებს (განსაკუთრებით კი მიწის ნიშნებს); სასწორები გათვლილები არიან გამონაკლის ფაქიზ, დახვეწილ სამყაროს აღქმაზე და თუ ამ ფაქიზ, დახვეწილ აღქმელობას არ ავლენენ, მაშინ საკუთარ თავებს ხისტებად, მოწყვლადებად, მეორადებად და არაორიგინალურებად გრძნობენ. იქ, სადაც სქელკანა კურომ დიდი ხანია უკვე (მისთვის არსობრივი) გაიგო, სასწორები კიდევ დიდი ხნით საჭიროებენ განწყობას, ორჭოფობენ, უყურებენ და სხვადასხვა მხრიდან აფასებენ, სანამ მოცემული სიტუაციის (რომელიც საშუალო დონის კუროსთვის შეიძლება სრულიად მიუწვდომელი იყოს) განსაზღვრულ, ფაქიზ ჰარმონიას არ შეიგრძნობენ და საკუთარ თავდაჯერებულობას მხოლოდ ამის შემდეგ იგრძნობენ. თუ ეს მაინც არ მოხდება, სასწორები იძულებულნი არიან საკუთარი შეფასებისას რაიმეზე მოახდინონ ორიენტირება (უფრო ხშირად ეს მათი სოციალური ფენის საზოგადოებრივი ქვეცნობიერია, რომელიც მათთვის საკმაოდ ავტორიტეტული პირის სახით არის გამოხატული) და მეორადი სასწორები ხდებიან, რომელთა პირადი გრძნობა _ სილამაზისა, სამართლიანობისა და ჰარმონიისა, _ შეცვლილია საზოგადოებრივით.

სასწორები _ ყველაზე უფრო ფაქიზი და დახვეწილი მოწყობილობაა ზოდიაქოს ყველა ნიშნიდან და ვალდებულნი არიან საკუთარ თავებს ექსპლუატირება მხოლოდ განსაზღვრულ პირობებში გაუწიონ; სხვანაირად რომ ითქვას, გირები არ უნდა იყოს ძალიან მძიმე, რათა არ გადაწონონ ისარი, ხოლო ხანდახან სასურველია მინის თავსახურიც (სარქველიც) კი. ეს პირობები, პირველ რიგში, ეხება იმ სოციალურ ფენას, რომელშიც სასწორია: თუ ის უცხოტომელია, შეიძლება სასწორი დაიმსხვრეს (მწყობრიდან გამოვიდეს). სამაგიეროდ, თუ სასწორი თავის ადგილზეა, საზოგადოებაში მთავარი ავტორიტეტი, მოსამართლე და მოდის კანონდებელი ხდება.

სასწორი _ წონასწორობისა და სიბრძნის ნიშანია: მათი მთავარი კარმული დანიშნულება იმაშია, რომ ყველა სიტუაციაში, რომელშიც მოხვდებიან, შეიტანონ სილამაზე და ჰარმონია; მხოლოდ ერთია, ეს სიტყვები სწორად უნდა იქნეს გაგებული. პირველ რიგში, ყოველი სიტუაცია, თავისი მაღალი შეხედულების წერტილიდან, უკვე ჰარმონიულია, მაგრამ ეს, ჩვეულებრივ, იმ მონაწილეებისთვის მიუღწეველია, რომლებიც სხვაგვარად ფიქრობენ. მეორე რიგში, ყოველ სიტუაციას აქვს ზოგიერთი, შინაგანი შინაარსი და შინაგანი ლოგიკური განვითარება, რომელიც სასწორებმა მანამ უნდა გაიგონ, სანამ მათში ამუშავდება წონასწორობისა და ჰარმონიის გრძნობა. ზუსტად სიტუაციის ეს შინაგანი შინაარსი უნდა იყოს აღქმული ფაქიზი სასწორების მიერ, რის შემდეგ ისინი დაინახავენ მის ჭეშმარიტ (მონაწილეთა დონეზე) დისჰარმონიას, მის ფაქიზად დაბალანსებასა და ჰარმონიზაციას.

სასწორების ზემოქმედების ჩვეულებრივი გზა _ გონებრივი საქმიანობის ანდა სტრუქტურის გარდაქმნის მეშვეობით მიემართება.

ერთი შეხედვით ძალიან უცნაურად ჩანს, რომ სასწორი ეს მამაკაცური და ამავდროს კარდინალური ნიშანია. სასწორში ეს თვისებები იმაში ვლინდება, რომ მიდრეკილია (და უნდა იყოს კიდეც) ინიციატივის მუდმივად გამოვლენისკენ და აქტიურად უნდა მოახდინოს ზემოქმედება  ყველა იმ სიტუციაზე, რომელშიც აღმოჩდება; აქ სირთულე იმაში მდგომარეობს, რომ მანამდე, სანამ ზემოქმედებას მოახდენს, სიტუაციაში უნდა ჩაერთვას და ყველაფერი დეტალურად შეაფასოს და აწონოს.

ვენერას მმართველობა სასწორებს  ბრწყინვალე შესაძლებლობას აძლევთ, აღიქვან სოციუმი და ესთეტიკურად შეაფასონ რეალობა. სასწორები ესთეტიკურ კრიტერიუმებს იღებენ უშუალოდ იმ ეგრეგორიდან, რომელსაც ემსახურებიან; საშუალო განვითარების სასწორები საკუთარ თავში ანსახიერებენ საკუთარი წრის ესთეტიკას. ესთეტიკა სასწორებისთვის ნიშნავს შეუდარებლად მეტს, ვიდრე ზოდიაქოს სხვა ნიშნებისთვის, ის მნიშვნელოვან წილად განსაზღვრავს მათ ეთიკას, ანუ სასწორები თვლიან კარგ და სწორად იმას, რაც ლამაზად ეჩვენებათ, და ცუდად და უზნეოდ იმას, რაც სიმახინჯედ წარმოუდგენიათ. ვენერა, გარკვეული დოზით, ახდენს სასწორების სიცივის კომპენსირებას მათი ყურადღებისა და ლამაზად გამოხატვის უნარით (ხოლო ხშირად ლამაზი გარეგნობითაც კი); საშუალო ოქტავის ტიპიური სასწორები წარმოდგენილნი არიან დახვეწილი-ლამაზი და გარეგნული ბრწყინვალე აღზრდა-ზრდილობიანობით, ხოლო მოდური სალონის დიასახლისისთვის _ შინაგანი სიცივითა და გულრილობით, რომლისთვისაც ზოგიერთი ადამიანი იმ დოზით ფასობს, რომლითაც ეს ადამიანი მისი -დიასახლისის – სახლის სამკაულად მოიაზრება (მაგრამ ამ სიდიდეს, მიუხედავად მოდის ნახტომებისა, ძალიან ზუსტად იცნობს). ვენერას მმართველობა სასწორებს, ასევე, აძლევს დიდ რეალურ ძალაუფლებას, რომელიც ხშირად სათანადოდ არ ფასდება _ ძალაუფლება სილამაზისა და წონასწორობისა, რომელიც იკავებს სტრუქტურას. რთულია უარის თქმა, როცა რაიმეს გთხოვთ ლამაზი ადამიანი (ქალი ან კაცი), მაგრამ უფრო რთულია წახვიდე საზოგადოებრივი აზრის საწინააღმდეგოდ, რომელიც გამოხატულია, თითქოს–და, არც ისე თავს მოხვეული სიტყვებით: “რა არა სასიამოვნოა, ასე არ იქცევიან”. ეს გამოხატულებები ახდენენ განსაზღვრული სტატიკური მდგომარეობის სიმბოლიზებას, მისი შექმნის (ეგრეგორის გაფორმება)  პროცესში მოცემული საზოგადოების ანდა სოციალური წრის მხრიდან რთულად მიღწეულსა და ძალიან მყარს _ აქ სასწორის წონასწორობა საჭიროა წარმოვიდგინოთ არა მერყევი სააფთიაქო პინების სახით, არამედ  ღრმა ფოსოში (ღმულში) მოთავსებული ბურთულის წერტილიდან: პატარა ბიძგის შემთხვევაშიც კი ის იმ წამსვე ბრუნდება უკან _ თავის საწყის პოზიციაში. როცა სასწორები განწყობილნი არიან ამ წონასწრობაზე, უკვე სხვა ადამიანები ხდებიან: უხეშები, მძლავრები და მძიმეები, მაგრამ, ამავდროს, საკმარისად ფაქიზად ადევნებენ თვალყურს საზოგადოებისთვის არსობრივ მომენტებს _ და მხოლოდ მათ. ასეთი სამართლიანობის მანქანა, და ცენზურაც კი, ფხიზლად ადევნებს თვალყურს მწუხარებასა და ბედნიერებას პოეტების ლირიულ ლექსებში, რომელიც ცოცხლობს მოცემული საზოგადოების აყვავების ეპოქაში.

განვითარებული სასწორების ძალაუფლება იმაში მდგომარეობს, რომ მათ შეუძლიათ დააბალანსონ ყველაზე რთული, დაძაბული და წინააღმდეგობრივი სიტუაცია, სარგებლობენ ამ სიტუაციის ძალიან ღრმა და ზუსტი აღქმით (რის გამოც, ვენერასთან ვალში არიან) და მსუბუქი ზემოქმედებით _ შესრულებული ვენერასეული ზღვარით და ძალდაუტანებლობით; ზუსტად შესრულებულ ვენერასეულ ღიმილს უფრო მეტის გაკეთება შეუძლია, ვიდრე უფრო სწორხაზოვნად მოაზროვნე პლანეტებსა და ნიშნებს ჰგონიათ.

მარსის ტყვეობა ვენერას აძლევს შინაგან ენერგიასა და აქტიურობას, მაგრამ ერთდროულად აყენებს ამ მისწრაფებების ადეკვატური გამოხატვის პრობლემას. სირთულე იმაშია, რომ მარსი სასწორს აძლევს ძალიან გამძაფრებულ სამართლიანობის გრძნობას, რომელიც უსამართლობისას  დაუყოვნებლივ გამოხატვას ითხოვს; მხოლოდ იმისთვის, რომ აღდგეს სამართლიანობა და შეიქმნას ჰარმონია, საჭიროა სიტუაცია თავიდან ძალიან ფაქიზად შეიგრძნოს (რაც ყოველთვის დროსა და ძალებს ითხოვს), და მხოლოდ ამის შემდეგ ეძიოს ადეკვატური და ხშირად საკმაოდ დელიკატური გავლენის საშუალებები; და ისიც და ესეც, ძალიან რთულად გამოსდის მოუთმენელ და სწორხაზოვან მარსს. ამიტომ, ცუდი დამუშავებისას, სასწორები იძენენ მოუქნელობას და აგრესიულობას, იმის მაგივრად, რომ აღადგინონ წონასწორობა, მას უხეშად არღვევენ და, გარკვეული დროის შემდეგ, არეკვლის კანონით იღებენ უკუგებით დარტყმას, რის გამოც უფრო მეტად დისჰარმონიული სიტუაცია წარმოიშობა, ვიდრე საწყისი იყო. ამავდროს საჭიროა გვახსოვდეს, რომ სასწორი _ ჰაერის ნიშანია და აქ მარსიანული სიუხეშე და აგრესია უფრო მეტად მენტალურ-კომუნიკაციურ ხასიათს დებს; სასწორები არ დაიწყებენ მუშტების გამოყენებას, ხოლო მათი ლანძღვა რამდენადმე აბსტრაქტული იქნება.

კულმინაციაში მყოფი სატურნი განვითარებული სასწორის ღერძის სიმბოლიზებას ახდენს, რომელიც მას კონკრეტულ სიტუაციებში, ჰარმონიის მიღწევის პრობლემების გადასაწყვეტად ერთდროულად  სიმყარეს და სიბრძნეს აძლევს. სატურნი ზუსტად ახდენს ძალიან ჰაეროვანი სასწორის მატერიალიზებას, აბრუნებს რა უფრო პრაქტიკული შეხედულებისკენ და იდეალურ–მენტალურ სფეროებში მათ ორჭოფობას ზომებში ამცირებს, რისკენაც, საკუთარ მაღალ ოქტავაში, მიდრეკილება აქვთ.

დაუმუშავებელ სასწორებს შეუძლიათ გამოიწვიონ ძალიან ძლიერი გაღიზიანება, კონკრეტული პრობლების გადაწყვეტისას მიდიან ენ–რაოდენობის სხვადასხვა შეხედულების წერტილიდან განხივლის გზით, რომელიც არანაირად არაა დაკავშირებული საქმის არსთან. დამუშავებული სატურნი სასწორებს აძლევს მეფე სოლომონის სიბრძნეს და მის მეთოდებს საჩივრების გადაწყვეტისას (ხანდახან ძალიან ბრძნულსაც კი მარსის საზიანოდ, რომელიც, სატურნის გამოვლინებისას, შესაძლებელია, საბოლოო ტყვეობაში მოექცეს); მხოლოდ მაღალი ოქტავის სასწორებისთვისაა მისაღწევი ამ პლანეტების პრინციპების სრული შეთანხმებული განვითარება; ეს – ჭეშმარიტი დიპლომატები, იურისტები და კანონმდებელ-პრაქტიკოსები, ფაქიზად შეიგრძნობენ საკუთარ ერს და ერის შესაძლებლობას მოახდინოს კანონის, სასამართლოების და ციხეების სისტემების ინტერპრეტაცია.

მზის ვარდნა დაბალი ოქტავის სასწორებს აძლევს (სწორ) უკიდურეს დაურწმუნებლობას საკუთარ თავში და ძლიერ ორიენტაციას საკუთარი წრის საზოგადოებრივ შეხედულებებზე, პირადი ნება სუსტია, მაგრამ ადვილად განეწყობა კოლექტივზე და, ხანდახან, ძნელია ადამიანის გადართვა და გადარწმუნება, ხოლო მთავარი _ ეს უაზრო საქმიანობაა, რამდენადაც დაბალი დონის სასწორს საკუთარი პირადი აზრი და ნება მაინც არ აქვს. მხოლოდ დამუშავებისას (მოცემულ შემთხვევაში ეს რთულია) სასწორები იწყებენ გაგებას, რომ პირადი ნების სისუსტე მათთვის უბრალოდ აუცილებლობაა (და შედარებითი სიმსუბუქეა) საკუთარ კარმულ ეგრეგორზე (და არა სიტუაციაზე ანდა სოციალურ ფენაზე, როგორც დაბალ და საშუალო დონის სასწორებს აქვთ) ზუსტად განწყობისთვის, რომელიც (რამდენადაც შესაძლებელია) ზუსტად ეტყვის _ მოცემულ სიტუაციაში რა და როგორ არის საჭირო რომ გაკეთდეს და სად არის თავისუფალი ნების საზღვრები. აქ ისევე, როგორც ვერძში, სიმბოლური მზის დამუშავება ნიშნავს: პირადი ნების გაცნობიერებას როგორც წმინდა ყურადღების შესაძლებლობას, ხოლო თავისუფლებისა _ როგორც ამ ყურადღების მიმართულების თავისუფალი არჩევანი; მზის ვარდნა ამ ამოცანას სასწორისთვის უფრო ადვილს ხდის, ვიდრე ვერძისთვის, სადაც მზე კულმინაციაშია.

სასწორების სიტუაცებს ხშირად აქვს ხარისხობრივი სიტყვა “სამართლიანობა” ანდა მისი ძიების ხასიათი. ეს ხშირად სასამართლო, ოჯახური თათბირი ანდა ძიების შედეგების ანალიზია. სასწორის სიტუაციებისთვის დამახასიათებელია ემოციებიდან ყურადღების გადატანა, მრავალმხრივი განხილვა, არჩევანისა და შეფასების სხვადასხვა სახის კრიტერიუმები. სასწორის სიტუაციების ესთეტიკური ვარიანტი _ მაგალითად, მხატვრის მდგომარეობა, რომელიც ხვეწს სურათს, წონასწორობის ძიების გზებით, მასზე დადებული ფორმებისა და ფერების მეშვეობით. სასწორის სიტუაცია რეალობაში ძალიან ხშირად წარმოიშობა, მაგრამ საკუთარი სიფაქიზის ძალით, მონაწილეების მიერ, მეტწილად არ ცნობიერდება  და მისი გადაწყვეტა ესთეტიკის და ჰარმონიის შეხედულების წერტილიდან საკმაოდ გავრცელებულია, მაგრამ რთულად ყალიბდება და ამიტომ იშვიათად ცნობიერდება. ამავდროს მოცულობითი მაჩვენებლებით სიტუაციის შეფასების (ვთქვათ, ერთი თვის განმავლობაში ბანაკში მყოფი მოზარდის წონაში მატების საშუალო მაჩვენებელის) შესაძლებლობა იშვიათია, მაგრამ გამოთვლადია ცნობიერებისთვის და ამიტომ ფარავს მომდევნო გზას; ის უფრო მეტად ეკუთვნის მერკურსა და ქალწულს.

დაბალი ოქტავის სასწორის სიტუაცია წარმოდგენილია სასამართლოს მიკერძოებულობით ტოტალიტარულ სახელმწიფოში; მისი მაღალი ოქტავა ადამიანის ცნობიერებისთვის ფაქტიურად მიუწვდომელია, რამდენადაც კარმის კანონს ეხება, რის გამოვლინებასაც ვხედავთ მხოლოდ არასრულყოფილ მოდელებზე. აქ საჭიროა გვახსოვდეს, რომ უმაღლესი სამართლიანობა და უმაღლესი სასამართლო ხორციელდება მუდმივად, მაგრამ იმისთვის, რომ დავინახოთ, საჭიროა ფართო ცნობიერების ქონა და სამყაროზე ეგოისტური და პირადი შეხედულებებისგან გათავისუფლება. მაღალი ოქტავის სასწორის სიტუაცია _ ეს, ბუდის თვალებით დანახული სამყაროა.

მზე სასწორში აყენებს ერთ-ერთ ყველაზე რთულ კარმულ ამოცანას, რომლის რეალიზება შეიძლება მხოლოდ პირადი ნებისგან მაქსიმალურად გათავისუფლებით, რაც სიმბოლიზდება მზის ვარდნით.

მზის ეს მდებარეობა ნიშნავს, რომ ადამიანის მეშვეობით უშუალოდ ტრანსლირდება ეგრეგორის ნება, რომელიც მართავს იმ სიტუაციას, სადაც ადამიანი იმყოფება.

განვითარების დაბალ დონეზე ამ გარემოების ქვეცნობიერის მიერ ინტერპრეტაცია შემდეგი შეგრძნების სახით ხდება: “მე _ მოსამართლე და მეფე, ჩემი მსჯელობა შეუცდომელია, ხოლო ნება წმინდაა”.

დამუშავებისას, ყველაზე რთულ და დაძაბულ სიტუაციებში, თანდათანობით ვლინდება შესანიშნავი ალღო  სწორ ქმედებზე (ადამიანს, თითქოს–და, რაღაც  შიგნიდან უბიძგებს), რომელიც მით უფრო უკეთ მუშაობს, რაც უფრო ყურადღებიანია ადამიანი სიტუაციებისადმი და პირადად მისით, ცნობიერად და ქვეცნობიერად, ნაკლებადაა დაინტერსებული.

დაზიანებისას, ჩდება სოციალური სნობიზმისა და მორგებულობა-შემგუებლობისკენ, ხოლო, რთული სიტუაციების გაწონასწორების მცდელობებისას კი დაუფიქრებელ-გაუზრებელი მსჯელობებისა და ქმედებებისკენ მიდრეკილება;

ხშირად ვლინდება აგრესია სოციალური ფენის მხრიდან, განსაკუთრებით _ მენტალური.

მზე სასწორში უთითებს მიდრეკილებაზე _ საკუთარ თავზე აიღოს სიტუაციის მართვა, რომელიც დისჰარმონილად იშლება.

* ვირაჟი Fr. virage”მობრუნება”1. მობრუნება, მოხვევა, მრუდ ხაზზე მოძრაობა (თვითმფრინავისა, ავტომობილისა, გემისა და სხვ.).
2. საავტომობილო გზის, ველოტრეკის ან სპორტული ბილიკის შიგნითკენ დახრილი ნაწილი მრუდხაზოვანი მოძრაობისათვის. Source: უცხო სიტყვათა ლექსიკონი.

** ადიაბატა L. თერმოდინამიკურ დიაგრამაზე ადიაბატური პროცესის გამომსახველი წირი. Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. – I-ლი გამოც.. – [თბ.] : ფანტაზია, 2006. – 28სმ.[MFN: 136149].

წყარო: ს. ვ. შესტოპალოვი (ასტროფსიქოლოგიის ცნობარი)

აქ მზე იმყოფება ვარდნაში, ამიტომ მისი თვისებების გამოვლინება რამდენადმე შესუსტებულია, მაგრამ ჰარმონიულ ასპექტებში პიროვნებას აძლევს დიპლომატიურობასა და მშვიდობისმოყვარეობას, კომუნიკაბელურობასა და კომპრომისების პოვნის უნარს. არ უყვართ კამათები, კონფლიქტები. ჰარმონიული ასპექტები ასევე, აძლევს: თანამშრომლობისკენ მისწრაფებას, დახვეწილობას, ხელოვნების, ინტელექტუალური შრომისა და გონებრივი საქმიანობის სიყვარულს. სუბიექტს აქვს ჰაეროვანი, მსუბუქი და კომუნიკაბელური ხასიათი, სამართლიანობას, როგორც თანასწორობას, ისე იგებს. გარეგნულად ძალიან სასიამოვნო, საყვარელი და მეგობრულია. სასწორებს მუდამ აქვთ განსაზღვრული თავდაუჯერებლობა; თანამშრომლობის, თანაავტორობის აუცილებლობის მოთხოვნილება; ისინი საჭიროებენ შექებას, წახალისებას, კეთილგაწყობას; ადვილად ღელდებიან, მაგრამ ასევე ადვილად წყნარდებიან. ეს კარგი მდებარეობაა კულტურისა და ხელოვნების მუშაკებისთვის, იურისტებისა და დიპლომატებისთვის, ადმინისტრატორებისა და სახელმწიფო სტრუქტურების მართვის აპარატის თანამშრომლებისთვის.

თუ მზე დაზიანებულია, ადამიანის ხასიათში ვლინდება ისეთი შტრიხები, როგორიცაა: მიდრეკილება ღელვისა და განცდისკენ (ნებისმიერი მიზეზით), ადვილად და უცბად შეყვარებისკენ; თავქარიანობა, დაუფიქრებლობა, ქარაფშუტობა, ფუქსავატობა, განგაშიანობა; მიდრეკილება გუნების გაფუჭებისკენ; ამაღლებული აღგზნებადობა, პატივმოყვარეობა, მფლანგველობა, ეგოიზმი, რაციონალობა, მერკანტელიზმი, სხვების პრობლემებისადმი გულგრილი დამოკიდებულება, სხვისი ხელით ცეცხლის დანთებისკენ მისწრაფება, გამძაფრებული აღმქმელობა, ესთეტიურობა, მეოცნებეობა, ზიზღიანობა. არ უყვართ ფიზიკური შრომა, ბინძური საქმე. ასევე აძლევს: თანასწორობის გათანაბრებულობით შეცვლას, შურიანობას, ზედაპირულობას, დილეტანტიზმს, სხვების პრობლემებში ღრმად წვდომის სურვილის უქონლობას, ამაღლებულ დამქანცველობას, დასვენების აუცილებლობას, თავდაჯერებულობის უკმარისობას.

ომისთვის, რომ სასწორი თქვენდამი დადებითად განაწყოთ, საჭიროა გამოხატოთ შექება, კეთილგანწყობა, წახალისება და თანაგრძნობა, არაა საჭირო მათი აღელვება, მათთვის სხვების პრობლემების თავსმოხვევა, აუცილებელია მათი სიწყნარის დაცვა, მათ დასვენებაზე ზრუნვა. ყველაზე უპირობო საშუალება სასწორის მოსაშორებლად _ თავს მოახვიოთ საკუთარი პრობლემები და ჩამოართვათ სიწყნარის საშუალება.

წყარო: ფრენსის საკოიანი (პლანეტები ზოდიაქოს ნიშნებში)

დიპლომატიურები, ელეგანტურები, ჩამწვდომები. ქცევა ხაზგასმულია გონებითა და ინტელექტით. გრძნობების მოჭარბებისას, ვნებებს სადავეების ხელში აღების საშუალებას არ აძლევენ, ცდილობენ შეინარჩუნონ წონასწრობა. მთელი თავისი მგრძნობიარობის მიუხედავად იცავენ მათი გამოვლენის კულტურას, მათთვის ძალიან მნიშვნელოვანია ურთიერთობის ფორმა. მათთან ურთიერთობა სასიამოვნო და ჰარმონიულია, უყვართ და ანვითარებენ ხელოვნებას. ძლიერ განვითარებული აქვთ შესანიშნავის, სილამაზის გრძნობა. იმოსებიან გემოვნებით. უყვართ დიდი დღესასწაულები. არ უყვართ არაფერი ვულგარული. ესთეტიკას დიდ მნიშვნელობას ანიჭებენ, უკულტურო, ზედმეტ გამოვლინებებს უარყოფენ. ძლიერ განვითარებული აქვთ ფორმის გრძნობა, რასაც არსამდე წვდომის სურვილის უქონლობამდე მიჰყავთ, აქედან მოდის იმედგაცრუება, ზედაპირულობა, რჩება რაღაც მოწყვლადი, უფორმო. მოქნილი ზრდილობიანობა, სხვებთან ყოველთის დისტანციას იკავებენ, მიუხედავად მათი კონტაქტურობისა _ მარტოობის საშიშროებაა. ხასიათი _ აღმქმელი, ინტერესები _ სხვადასხვა სახის, ძალიან კომუნიკაბელურები არიან, უყვართ წაკამათება, ურთიერთობებში _ ცივები არიან, რაც სხვებს იზიდავს, რადგანაც ამ სიცივის  მიღმა იგრძნობა შეკავებული გრძნობა.

თუ გრძნობები აფეთქდება, წონასწორობა ირღვევა, რაც მათთვის რთული და სახიფათოა, ამიტომაც უპირატესობას ანიჭებენ ზოგადად სიყვარულს, ცხოვრობენ ილუზიებით. წლებთან ერთად შესაძლებელია თვალთმაქცები, ნიჭიერი მსახიობები გახდნენ. იციან ადამიანური სისუსტეებისა და მათი დაძლევის აუცილებლობის შესახებ, ამიტომაც საკუთარი თავის აღზრდა შეუძლიათ. აღიარებენ საკუთარ შეცდომებს, საკუთარ თავში პოულობენ ბოდიშის მოხდის ძალას, შესარიგებლად პირველები იწვდიან ხელს. გონებამახვილები და საინტერესო თანამოსაუბრეები არიან. მათი დანიშნულება _ გაწონასწორება, მოლაპარაკებების წარმოება, წარმომადგენლობაა. ხელოვნება, მუსიკა, ყველაფერი, რაც ცხოვრებას ალამაზებს და კარგ გემოვნებას ითხოვს _ მათი საქმეა (პარიკმახერიდან კულტურული დაწესებულების ხელმძღვანელამდე). ჰარმონიის ძლიერი მოთხოვნილებისა და საკუთარი კომუნიკაბელურობის წყალობით გარშემო ყოველთვის კარგ კლიმატს ქმნიან, მათთან ადვილი და სასიამოვნოა მუშაობა. სხვების წარმატებები არ აბრკოლებთ, მხოლოდ თვალყურს ადევნებენ იმისთვის, რომ მაგალითი აიღონ. მხოლოდ ერთია, არ უყვართ, თუ მათ ღირსებას აკნინებენ. ბუნებით თავდაუჯერებლები არიან, რადგანაც ერთდროულად ორ მხარეს ხედავენ და მერყეობენ, ცდილობენ შეინარჩუნონ წონასწორობა, ამის გამო საჭიროა მათი შექება, მაგრამ ხელმძღავნელობამ უნდა გაითვალისწინოს და დაიმახსოვროს სასწორის გაფანტულობა, წვრილმანებს ვერ ამჩნევენ, მათი გონება მოძრავია, არ ჰყოფნით კონცენტრაცია. თუმცა, უნდა აღინიშნოს, რომ, დაშვებულ შეცდომებზე ბოდიშს წამსვე იხდიან _ ამას  მათი ჰარმონიის გრძნობა ითხოვს. ძალიან მწარმოებლები არიან, მაგრამ საჭიროებენ კარგ თანამშრომლებს, რადგანაც არ შეუძლიათ საქმის ბოლომდე მიყვანა. მათ  სამართლიანობის გრძნობა ძლიერგანვითარებული აქვთ. შრომისმოყვარეები არიან, განსაკუთრებით 29 წლის ასაკის შემდეგ. ეძებენ ცოდნას, სულიერ ინტერესებს.

კავშირების საფუძველი _ სიყვარულია, პირველ ადგილზე ჭეშმარიტი ერთიანობაა (ოცნების განსხეულება იდეალზე), მაგრამ უყვართ ფლირტაობაც, კეკლუცობაც, ამასთან ერთად, ფლირტი ყოველთვის არ მიდის სიახლოვემდე და არ მეტყველებს მათ მზაობაზე. მხოლოდ ეროტიული კავშირი ცოტაა, საჭიროა საერთო ინტერესები, ხელოვნების სიყვარული. აბსოლუტურ ერთგულებას არ ელოდოთ, ხელს უშლით ცნობისმოყვაროება და დამყოლობა (ხათრიანობა), თუმცა–ღა, შეკავებულნი და კულტურულებიც არიან. ბავშვები აღიზრდებიან გემოვნებით და დამოუკიდებლობით.

საშიშროებები: როცა წონასწორობა რატომღაც ირღვევა, კარგავენ ქცევის ხაზს, სახეს, და ხდებიან საკუთარი თავისთვის სამარცხვინოები, იწყება შეცდომების დაუსრულებელი ჯაჭვი. მეორე საშიშროება _ პარტნიორისადმი გადაჭარბებული პრეტენზიები _ საქმეში, სიყვარულში, მეგობრობაში, ეძებენ იდეალს და საეჭვოა იპოვონ. დაურწმუნებლები და არამყარები, რასაც მიჰყავს ქედმაღლობამდე, ფრანტობამდე*. გულღრძოები არიან, თუმცა, საკუთარ მრისხანებას იშვიათად აძლევენ გამოვლინების უფლებას.

ჰარმონია და დაბალანსებულობა _ ძირითადი ტონალობებია მისი ცხოვრების მუსიკაში. ის ინსტიქტურად გრძნობს ინტერესებისა და ადამიანების სურვილს შორის შეგუების (მორგების) აუცილებლობას; მუდამ მზადაა, მათ შესახვედრად წავიდეს. ის ტაქტიანი, კარგი დიპლომატია და აკეთებს ყველა შესაძლებელს, რომ თავი აარიდოს კონფლიქტებსა და უთანხმოებებს. მისგან თითქოს  თანამშრომლობისა და კომპრომისის სული მოდის. შარმის წყალობითა და სიფრთხილით აღწევს საჭირო შედეგებს იქ, სადაც ეს შეუძლებელია მიაღწიოს პირდაპირობით და რქებით გატანით.

ადამიანებთან ურთიერთობის აწყობის უნარი მისთვის ძალიან მნიშვნელოვანია, რამდენადაც საკუთარი გადაწყვეტილების მიღებისას რისკავს აღმოჩნდეს სხვა ადამიანების აზრსა და წახალისებაზე გადაჭარბებულ დამოკიდებულებაში. იშვიათად იწყებს ქმედებას, თუ არ მოეთათბირება და რჩევას არ სთხოვს ვინმეს და არ ექნება მხარდაჭერა. დამოუკიდებელ ქმედებებზე მეტად უპირატესობას ანიჭებს თანამშრომლობას და ამ თანამშრომლობიდან მიღწეული წარმატებიდან საკუთარ წილ ჯილდოს მიღებას. მარტოობას, როგორც რაღაც საკმაოდ არაბუნებრივს, ისე გრძნობს. მას პარტნიორისა და მასთან ახლო ურთიერთობის უდიდესი მოთხოვნილება აქვს.

საკუთარი ენერგიის დიდ ნაწილს აძლევს იმ ადამიანს, რომელიც უყვარს. დიდი იდეალისტი და რომანტიკოსია ქორწინებას საკითხში, ეძებს პარტნიორს, რომელიც ერთგული იქნება როგორც ინტელექტუალურ ურთიერთობაში, ასევე ფიზიკურადაც და სულიერადაც. ხდება სერიოზული, მზრუნველი მეგობარი ანდა შეყვარებული და დიდ სიამოვნებას იღებს სიყვარულის ტრადიციული ატრიბუტებიდან _ ყვავილები და ა.შ. ასეთი ტიპის ურთიერთობები მას დახვეწილად აქვს წარმოდგენილი, რომელზეც არ ენანება დრო, ყურადღება და შემოქმედებითი ძალისხმევა. პარტნიორში აფასებს დახვეწილობას, სიფაქიზეს. პარტნიორი არ უნდა იყოს მოსაწყენი, უხეში და მკვეთრი.

ინარჩუნებს კეთილგანწყობილ ობიექტურობას და ადამიანს (რომელსაც ცხოვრება ახვედრებს) თანასწორი შესაძლებლობების საშუალებას აძლევს როგორც საკუთარ პირად ცხოვრებაში, ასევე დიდ სამყაროში, რომელშიც ის პირად მონაწილეობას არ იღებს. თუ რაიმესთვის იბრძვის, მაშინ ძალიან ხშირად ეს არის ობიექტურობა ადამიანთან ურთიერთობაში. თანასწორობა გადაჭარბებულად მნიშვნელოვანია მისთვის. სწამს ოქროს შუალედის, გაურბის ფანატიზმსა და ნებისმიერი სახის უკიდურესობებს.

სილამაზის და გარემომცველი ჰარმონიის ძლიერი მოთხოვნილება აქვს. სტილის ბუნებრივი გრძნობა და გემოვნება აისახება იმაზე თუ როგორ იცვამს, როგორ ორგანიზებას უკეთებს საკუთარ სახლს, სამუშაო ადგილს და ა.შ. _ ყველაფერი უნდა ეალერსებოდეს თვალს. ის სიამოვნებას იღებს, ადამიანებთან _ ადვოკატის, მრჩევლის, კონსულტანტის, სპეციალისტის, მოლაპარაკებების მწარმოებლის რანგში _ მუშაობისგან, ასევე ხელოვნების სამყაროში საქმიანობისგან, როგორიც შეიძლება იყოს დიზაინი ანდა ფოტოგრაფია.

* ფრანტი [პოლონ. frant < გერმ.] – ჩაცმა-დახურვას გადაყოლილი მამაკაცი.

წყარო: ინდუბალა (პლანეტები ნიშნებში _ ინდური ტრადიცია)

სასწორი _ “ჰაერის” ნიშანია, გამოსახულია გაწონასწორებული სასწორის სახით; იმართება მგრძნობიარე ვენერას მიერ. როგორც “ჰაეროვანი” ნიშანი, ის ამ ადამიანებს აძლევს ფილოსოფიის ინტერესს, ასევე უთითებს მათ უნარზე – საკუთარ ცხოვრებაში გააწონასწორონ სულიერი და მატერიალური მხარეები. დაჯილდოვებულნი არიან ყიდვა-გაყიდვის ნიჭით; ამ ნიშანთან ასევე დაკავშირებულია ადამიანებს შორის ურთიერთობებში მიუკერძოებლობა. ხშირად გატაცებულნი არიან პროექტებით, რომლებსაც მრავალი ადამიანისთვის სარგებელი მოაქვთ და არა უბრალოდ თავად მათთვისაა სარგებლიანი. ვენერათი მართული, – რომელიც უთითებს ცოლებსა და ქალებზე, – ჩვეულებრივ, ქორწინებაში იმყოფებიან და მუშაობენ (მეუღლეები) დამხმარეების ანდა პარტნიორების რანგში. თავად ანდა საკუთარი ინტერესების მიდევნით, როგორც წესი, არც ისე წარმატებულად მოქმედებენ.

სასწორის ნიშანში მზე დასუსტებულია, ამიტომაც ეს ადამიანები შესაძლებელია დაიტანჯონ მხედველობის სისუსტით, გულის დაავადებებით, ხშირი თავის ტკივილებით და საჭმლისმომნელებელი სისტემის დასუსტებით. მიდრეკილები არიან გადაჭარბებულად მოიხმარონ ტოქსიკური ნივთიერებები, ზოგადად, ქედმაღლები, მედიდურები, ამპარტავნები არიან და მიდრეკილება აქვთ თავაშვებულობისკენ. ეძებენ მშვიდობიან, ჰარმონიულ გარემოს. კარგი გემოვნება აქვთ, მეგობრულები, კეთილგანწყობილები არიან; ძალადობისკენ მიდრეკილება არ აქვთ. სხვების მიმართ თანაგძნობას გამოხატავენ და იზიდავთ დახვეწილი ანდა საზოგადოებაში მაღალი მდგომარეობის მქონე ადამიანები. არიან მიუკერძოებელნი, განვითარებული სამართლიანობის გრძნობით. სხვა ადამიანებს ხანდახან უჭირთ მათი ქცევის მოტივების გაგება.

შეუძლიათ ბრწყინვალედ შეადარონ ერთი ნივთი მეორეს და ამ დროს საკუთარ შეფასებებში გულწრფელები იყვნენ. ჩვეულებრივ, განწყობილნი არიან ავტორიტეტების წინააღმდეგ; აინტერესებთ პოლიტკური მოვლენები, რომელიც მთელ მსოფლიოში ხდება. მათ სჭირდებათ სიფრთხილე დაბალი განვითარების დონის ადამიანების საზოგადოებაში და მავნებელ პროდუქტებთან მიმართებაში. სიამოვნებას იღებენ მოგზაურობებისგან და შეუძლიათ დაკავებულნი იყვნენ ბიზნესით, რომელიც დაკავშირებულია ძვირფასეულობასთან და სხვა იმ ნივთებთან, რომელიც გრძნობებს აღაგზნებს. საჭიროებენ შინაგანი სიმყარის და ძალის განვითარებას.

წყარო: ჰეტ მონსტერი (პლანეტები ზოდიაქოს ნიშნებში)

24 სექტემბერი _ 23 ოქტომბერი

ადამიანი-სასწორი: ფაქიზი, დახვეწილი, დელიკატური. მცირედი უსიამოვნება, კამათი წონასწორობიდან გამომყვანია. ის მთელი ცხოვრება მხოლოდ იმითაა დაკავებული, რომ ზრუნავს და აღადგენს წონასწორობას.

სურს სიყვარული და საყვარელად ყოფნა; საერთოდ თავს კარგად მხოლოდ მაშინ გრძნობს, როცა ატმოსფეროში სიმპატიის ელემეტებია. გულგრილობის ატმოსფეროში იწყენს და შეიძლება დაავადდეს კიდეც. მიდრეკილია სხვის აზრს დაუთმოს და კამათისას შესარიგებლად პირველმა გაუწოდოს ხელი.

ყიდულობენ იშვიათ, დახვეწილ საგნებს (ე.წ. “ბეზდელუშკებს”) და შემდეგ ჩუქნიან საკუთარ ახლობლებს ანდა საერთოდ სრულიად უცნობ ადამიანებს. რთულ პრობლემებს გაურბიან. მზის ქვეშ ადგილისთვის ბრძოლა, ძალადობა მათთვის უცხოა, განსაკუთრებით თუ პირად ჰოროსკოპში არაა გამოხატული მარსი ანდა ურანი.

არ უყვართ მატერიალური პრობლემების გადაწყვეტა, ცდილობენ იცხოვრონ განსაკუთრებული ძალისხმევის გარეშე. საბედნიეროდ, მათი გემოვნება და დეკორატიული უნარები, როგორც წესი, ახლობლების მხრიდან სიყვარულის გარანტიას იძლევა და ისინი ეხმარებიან, მათ შორის ფულითაც.

თუ მთლიანობაში ჰოროსკოპი დადებითია, შეიძლება საკუთარი ცხოვრების მატერიალურ უზრუნველყოფაში მნიშვნელოვან წარმატებებს მიაღწიოს. ჩვეულებრივ, სიყვარულში ბედნიერია. თუ მარტოობაში აღმოჩნდა, თავს მიტოვებულად და ღრმად უბედურად გრძნობს, განსაკუთრებით _ თუ სატურნი ცუდ ასპექტშია მთვარესთან ანდა ვენერასთან. მხოლოდ ერთია, ჩვეულებრივ, სასწორები მარტოები არასდროს რჩებიან.

მთლიანობაში სასწორი _ ფაქიზი, აკურატული და ტრავმირებადი ადამიანია. მცირედი წყენა, ვინმეს მხრიდან გამოვლენილი ხამობა და შესაძლებელია ავად გახდნენ (განცდებისა და ნერვიულობის გამო). სასწორებისთვის ნაჩვენებია დასვენების საათებში დიდი რაოდენობით სითხის მიღება, საკუთარი თავისთვის “ვაშლის დღის” მოწყობა (თირკმელების დრენაჟი). ელემენტებიდან ნაჩვენებია _ ფოსფორი, გოგირდი. ბალახებიდან _ რეჰანი. არცთუიშვიათად აქვთ მოყვითალო ანდა “დაბინძურებული” კანი (ამისთვის კარგია _ ბალბისა და ვირისტერფას ნახარში). მატონიზირებელი აბაზანები ბეგქონდარათი, როზმარინითა და რეჰანით. სასარგებლოა სეირნობა, ბაღში მუშაობა, ცეკვები. სასწორებისთვის აუცილებელია გულისხმიერი და თბილი ატმოსფერო, ასევე, სექსუალური თანასწორობა (დამაკმაყოფილებელი პარტნიორი).

სტატიის ავტორი: ნინო