მზე ტყუპებში

21 (20) მაისი – 21 ივნისი

ასტროლოგიაში მზე ზოდიაქოს ნიშანს განსაზღვრავს. მაგალითად, თუ თქვენ ტყუპები ხართ – ნიშნავს, რომ “მზე ტყუპებში გყავთ”, შესაბამისად, აქ მოცემულია ტყუპების დახასიათება სხვადასხვა ასტროლოგთა მიხედვით.

წყარო: პაველ გლობა (პლანეტები ზოდიაქოს ნიშნებში)

მზე ტყუპების ნიშანში შედის 20 მაისს და ამ ნიშანს ტოვებს 22 ივნისს, ეს შესანიშნავი კანონზომიერებაა. პლანეტების ინგრესიის* გამოთვლა უნდა მოხდეს ეფემერიდების ცხრილით, კუროსა და ტყუპის ზღვარზე დაბადება არც ისე სასიამოვნოა, რადგანაც ასე ადამიანი ორ ნიშანს შორის ნაწილებად იხლიჩება: ფეხები კუროში, ხოლო ხელებით ტყუპის ნიშანი ექაჩება. მაგრამ ორ ნიშანს შორის ზღვარზე მუდამ ყველაზე ამოუცნობი, იდუმალი ბუნების ადამიანები იბადებიან, რომლებიც ახერხებენ საკუთარ თავში შეათავსონ ერთიც და მეორეც. და თუ ჟურნალში “მეცნიერება და რელიგია” წაიკითხავთ პუბლიკაციებს იოსებ სტალინზე, მაშინ შესაძლებლობა გექნებათ გაეცნოთ ადამიანს, რომელიც დაბადებულია ორი ნიშნის ზღვარზე.

თუ ადამიანი დაიბადა ტყუპების ნიშნის ქვეშ, მაშინ მისი პიროვნების სტრუქტურა გაფორმებული იქნება ჰაერის სტიქიის პირველადი გამოვლინებით. ტყუპები _ ეს პირველი ჰაერის ნიშანია. ჰაერი აქ პირველყოფილია, ჯერ კიდევ არაა გაჩერებული, მერყეობს, ცვალებადია. მეორე მნიშვნელოვანი ფაქტორი, რომელიც აყალიბებს ტყუპის არქეტიპს, არის პლანეტა მერკურის ვიბრაცია. ჰაერის სტიქია ტყუპებში _ ეს უპირველესად, შეუჩერებელი მისწრაფებაა კომუნიკაციისკენ, სხვა ადამიანებთან კავშირისკენ, ინფორმაციასთან მუშაობისკენ. ტყუპებს, როგორც პური, ისე სჭირდება ინფორმაცია. როცა ისინი გრძნობენ ინფორმაციის დეფიციტს, იწყებენ მოწყენას, კარგავენ სახეს და ეძებენ ახალ ინფორმაციულ წყაროს და სანამ არ იპოვიან, თავს როგორც თევზი ხმელეთზე, ისე გრძნობენ. ასე რომ, ტყუპების კომუნიკაბელურობა წარმოადგენს ამ ადამიანების მთავარ არქეტიპულ ნიშანს. მათთვის თვისობრივია მისწრაფება კავშირის დამყარებისკენ, ინფორმაციის მიღებისკენ, რათა შემდეგ, მიღებული ინფორმაცია გაავრცელონ. მერკურისგან ტყუპებს მიღებული აქვთ გონების უდიდესი მოძრაობა და “ჰაერში” ნებისმიერი ინფორმაციის (მასალის) დაჭერის უნარი, რაც ბრწყინვალედ ერწყმის ამ ნიშანში ჰაერის სტიქიის გამოვლინებას. ტყუპებს შორის იპოვით მარტოხელა ადამიანებს, ინტროვენტებს, რომლებიც ჩაღრმავებულნი არიან საკუთარ თავში.

ეს _ არათანმიმდევრული ადამიანები არიან, რომლებიც მუდმივად იმყოფებიან მოძრაობაში, ახალი ნაცნობობის ძიებაში და ყველა დონის კავშირებში. თუ ვისაუბრებთ ადამიანის სახებასთან დაკავშირებით, მაშინ ეს, რა თქმა უნდა, ტყუპია, მერკურიანელია. სიამოვნებით კავდებიან პედაგოგიკით; თუ მიიღეს ინფორმაცია, ეს ნიშნავს, რომ ვალდებულნი არიან გასცენ იგი. ჟურნალისტებს შორის ძალიან ბევრი ტყუპის ნიშნითაა. საერთოდ, ჟურნალისტიკა იმყოფება ამ ნიშნის მმართველობის ქვეშ. თუ გსურთ წარმოიდგინოთ ტიპიური ტყუპი, მაშინ გაეცანით ადამიანებს, რომლებიც ტიპიური ჟურნალისტები არიან. მხატვრული სიტყვის ოსტატებს შორის იყო კონალ დოილი. ტყუპებისთვის დამახასიათებელია ბრწყინვალება და მწერლის წიგნეში ბევრი სიმსუბუქე და დახვეწილობაა, მისი წიგნები ადვილად იკითხება. ტყუპები იყო ა. პუშკინი. როგორი ღვთაებრივი სიმსუბუქეა მის თითოეულ ლექსში! ეს მოდის ტყუპების არქეტიპის არსის სიღრმეებიდან. ტყუპებისთვის დამახასიათებელია მისწრაფება _ საკუთარი თავის მიმართ გამოიწვიონ ყურადღება, მაგრამ არა ისე, როგორც ეს გამოკვეთილია, მაგალითად, ვერძის ნიშნისთვის. ვერძი ბოლომდე იტანჯება ყურადღების უკმარისობის გამო. ტყუპები კი ისწრაფვის ყურადღების მიქცევისკენ მხოლოდ იმიტომ, რომ მიიღოს საჭირო ინფორმაცია ანდა გასცეს ის. ეს რაღაც მენტალურ-ინტელექტუალური მოუსვენრობაა. ამიტომ ტყუპები იმყოფებიან მუდმივ ურთიერთობაში. ისინი ბრწყინვალე კომერსანტები, კომივოიაჟორები, რეკლამის სპეციალისტები არიან.

ტყუპისეული არქეტიპის ნეგატური გამოვლინება _ ლაქლაქი (დაბალი დონის ტყუპებს  გამოშტერებამდე საუბარი შეუძლია), მიდრეკილება ჭორებისკენ, მოუსვენრობისკენ. მათ იმდენად დიდი ინფორმაციული და საკონტაქტო არხი აქვთ, რომ სხვადასხვა მიმართულებით დარბიან და მენტალურ და ინტელექტუალურ დონეზე ცდილობენ მოუხელთებელის მოხელთებას. ტყუპების ასევე სერიოზულ ნაკლად შეიძლება ჩაითვალოს ზედაპირულობა, რამდენადაც თავს დამტყდარი მთელი ინფორმაციის ათვისების უნარი არ აქვთ. ტიპიური ერუდიტი _ ეს ტყუპია, იცის ბევრი, მაგრამ არა – სიღრმისეულად და საფუძვლიანად. ხანდახან ტყუპების კამპანიაში ადამიანს სიმყუდროვის უკმარისობის განცდა ეუფლება, რადგან ასეთ ერუდიტებთან ურთიერთობისას, შესაძლებელია, ადამიანს  არასრულფასოვნების კომპლექსი გაუჩნდეს.

ტყუპები სიყვარულში საკუთარ თავს საკმაოდ უცნაურად ავლენენ. ხშირად  აქვთ ბევრი ოჯახი (ბევრი ცოლი ანდა ქმარი ჰყავთ) და, უფრო ხშირად, ქორწინების გაფორმებაზე არ ზრუნავენ. მეტწილად, ინტერესს მენტალური დონით ავლენენ: უბრალოდ,   ადამიანთან ურთიერთობა სურთ. სამწუხაროდ, ქალებში ეს ხშირად მახინჯი სახით ვლინდება _ სურთ ურთიერთობა ადამიანთან, ხოლო ეს უკანასკნელი თუ არაფრით ინტერესდება, მაშინ  სხვადასხვა ქალურ ეშმაკობებზე წასვლა უწევთ, _ ძალიან ახლო ურთიერთობაში შესვლამდეც კი.

ტყუპ-მამაკაცებში მრავალი ტიპიური დონ ჟუანია, მათ აინტერესებთ ყველა ქალთან ურთიერთობა, იმის გაგება, თუ როგორი არიან ისინი, რას ფიქრობენ და რაც უფრო მეტად ეცნობიან, მით უფრო ამაღლებულად აფასებენ საკუთარ თავებს; ვულგარულ ვარიანტში, ეს სექსუალური აგრესორია, რომელიც ადგენს კატალოგს და ყველას აჩვენებს მას.

თუ ვისაუბრებთ ტყუპების ქვეშ მყოფ ქვეყნებზე  _ ეს ამერიკის შეერთებული შტატებია. მსოფლიოში არაა უფრო მოძრავი, უფრო კომუნიკაბელური, მეგობრული და კონტაქტებისთვის მსუბუქად განწყობილი ხალხი, ვიდრე ამერიკელებია. სხვა მაგალითია _ რუმინეთი, სადაც ადვილად და სწრაფად კეთდება ყველაფერი.

* ინგრესია  _ ლათ;  ingressio – შესვლა

წყარო: ავესალომ პოდვოდნი (პლანეტები ზოდიაქოს ნიშნებში)

ტყუპები.

მმართველი მერკური.

ხელმძღვანელი ტყუპები.

ადამიანი ტყუპები

ტყუპების დაბალი ოქტავა წარმოდგენილია ლაქლალად და ჭორიკნად, რომელიც ახორციელებს უაზრო, არასაჭირო ონფორმაციის გადაცემას ანგარებიანი მიზნებით. ჭორიკანასთვის დამახასიათებელია სიუჟეტის გადაჭარბებული სივიწროვე, სადაც გათვალისწინებულია 3-4 ხისტი სქემა; მათი საზღვრების იქით გასვლა აკრძალულია საზოგაოდებრივი აზრით, რომელსაც საკუთრივ, ტყუპებისთვის უდიდესი მნიშვნელობა აქვს. რამეთუ ტყუპები ცხოვრობენ მენტალური ფორმების წრეში, საკუთარ და შექმნილ განსხვავებულ ჯგუფებში და სიტყვებში, სადაც ისინი ტრიალებენ და თამაშობენ მნიშვნელოვან დამაკავშირებელ როლს. ამ საკუთარი როლის სპეციფიკური ძალით, ტყუპებს ძალიან ადვილად შეუძლიათ ინტუიციურად განსაზღვრონ ამა თუ იმ აზრის ანდა მოცემული სოციალური წრის შეტყობინების შესაფერისობა ანდა შეუფერეობლობა, და ამდენადვე რთულია მისი ჭეშმარიტების განსაზღვრა, ანუ, სინამდვილესთან შესაბამისობა. ამიტომ, ძალიან ხშირად, ტყუპები პირველს მეორედ ასაღებენ (მიამიტური ვარიანტი) ანდა შუამავალი ფუნქციებით ცნობიერად ზღუდავენ საკუთარ როლს, ცდილობენ, არასდროს ჩაუღრმავდნენ მოვლენების არსს. ტიპიური პოზიტიური მაგალითი _ ბრწყინვალე მენეჯერი ინჟინრული განათლების გარეშე საწარმოო დაწესებულებაში.

ტყუპების ნიშნის უფრო ღრმა დამუშავება იძლევა შესაძლებლობას შეიქმნას ის მენტალური ფორმები, რომელიც რეალობის მოდელირებას ახდენს, ანუ, ის, რაც მათემატიკაში იწოდება სტრუქტურებად. უფრო მაღალი დონის ტყუპები დადის ამ სტრუქტურების ოპერირების უნარამდე, ანუ მენტალური კონსტრუქციების ენების შექმნამდე (ფორმალური ენები);

აბსტრაქტულობის მიხედვით უკიდურესობის მაგალითებად შეიძლება გამოგვადგეს მათემატიკა, პროგრამირების ენა და მონაცემთა ბაზების ავტომატიზაცია, ხოლო რკინიგიზის მატარებლების განრიგად და კართოტეკის ნიშნად _ ნებისმიერი რამ. ამიტომ ტყუპებს ბუნებრივი ენების ათვისების უდიდესი უნარი აქვთ, მაგრამ ეს _   როგორც ინფორმაციის გადაცემის საშუალება, ისე განიხილება; ენის “სიმსუქნე”, სტილისტური შეფერილობები, ჩვეულებრივ, ან დაიგნორებულია, ანდა ცუდად გამოსდით. ტყუპები ადვილად სწავლობენ საგასაღებო სიტყვების ნაკრებს და ნებისმიერი ჟარგონის ფორმებს, მაგრამ მათი ინტონაცია ძალიან რთულად გამოსდით; სამაგიეროდ, ცნობების ეს ნაკრები და ერუდიცია ფაქტების ნებისმიერ სფეროში (ანუ ინფორმაცია, რომელიც ყველას მიერ აღიქმება ერთნაირად), სხვა ნებისმიერ ნიშანთან მიმართებში, მათ შეუდარებელს ხდის. ტყუპებს (ქმნის ზონა!) ძალიან უძნელდებათ საკუთარი შეხედულებების ჩამოყალიბება. ისინი ექვემდებარებიან იმ ინფორმაციულ ნაკადს, რომელიც მათზე გადის; სხვა სიტყვებით, ისინი ფიქრობენ ზუსტად იმდენს, რამდენსაც საუბრობენ, და ჯერათ იმის, რაც ესმით და განსაკუთრებით, რასაც კითხულობენ. შემდეგ ისინი წაიკითხავენ ისეთ რამეს, რაც წინანდელთან წინააღმდეგობაში მოდის და  ახლა ამას იჯერებენ  _ მაგრამ ეს ნაკლებად ადარდებთ: საკუთარი ბუნების წინააღმდეგობრიობას ადვილად ეთანხმებიან _ ისინი არ უფიქრდებიან ამას, ამისთვის არ სცალიათ.

თუ ტყუპები თქვენთან კამათობენ (ეს კი მათ უყვართ), მაშინ ადვილად (განსაკუთრებით, თუ თქვენ ვერძის, ლომის ანდა კირჩხიბის ნიშნის ქვეშ ხართ დაბადებული) წარგკვეთენ სასოს. პირველი, მათი ერუდიცია და კარგად მოქნილი ენა დაგთრგუნავენ; მეორე, ისინი თქვენ არ გისმენენ, პასუხობენ ფორმის მიხედვით და არა თქმულის არსის მიხედვით; და მესამე, რაც ყველაზე საშინელებაა, საერთოდ არ გამოთქვამენ საკუთარ აზრს (რომელიც არც აქვთ), არამედ ამბობენ იმ აზრს, რომელიც განსაზღვრულია სოციალური წრის მიერ ანდა საერთოდ აღებულია საიდანღაც. ამიტომ იმ იშვიათ შემთხვევებში, როცა თქვენ წარმოუდგენელი ძალისხმევით გამოგდით ტყუპების გადარწმუნება, მათ ეს საერთოდ არ სწყინთ, რამაც, ხანდახან, შესაძლებელია, გაცოფებამდე მიგიყვანონ.

ტყუპების პრობლემა იმაში მდგომარეობს, რომ მათ ძალიან ადვილად შეუძლიათ  ნებისმიერი რამის წარმოდგენა (მოდელირების მენტალურად მოხდენა), მათ შორის ემოციებისაც კი. ენერგეტიკული არხები, და ჩაკრებიც კი, მენტალურად მოდელირდება, მაგრამ ეს მაინც არაა ნამდვილი არხები და ცრუ ჩაკრებია, ხოლო ტყუპები ამას ივიწყებენ (ხანდახან კი არც კი ეჭვობენ). მეორე მხრივ, საკმარისად ფაქიზი და დიფერენცირებული მოდელი, _  თუმცა-ღა ,მკვდარი ელემენტებისგან შემდგარი (ვთქვათ, მათემატიკური წერტილები), _ იწყებს საკუთარი ცხოვრებით ცხოვრებას, ხანდახან რაღაცით ორიგინალს ჰგავს და მაშინ ეს ტყუპებისთვის უდიდესი წარმატებაა; საჭიროა ისწავლონ მხოლოდ მოდელირების ფაქიზი დონეები და საკუთარი მოდელების გამოყენების ზუსტად განსაზღვრული საზღვრები, ანუ ჩარჩოები, რომელთა გარეშეც ისინი არ ასახავენ რეალობას, ეს კი, მათ უჩვეულოდ ურთულდებათ, რამეთუ მათთვის სინამდვილე აღიქმება ზუსტად ამ გასაგები მენტალური მოდელების (სქემების) მეშვეობით, ხოლო ზუსტი მოდელი და თან მათ მიერ აშენებული _ ეს უკვე ზუსტად აბსოლუტია!

ფსიქოლოგიური  მიმართულებით ტყუპები (და მერწყული) _ ყველაზე ცივი ნიშანია ზოდიაქოში, ამავდროს, ტყუპებს შეუძლიათ იყვნენ ძალიან დაკვირვებულები და მზრუნველებიც კი, მაგრამ იმ ნიუანსების სისტემის ჩარჩოებში (აუცილებელია კონკრეტული), რომელიც იციან (ანუ პრინციპში, მათ შეუძლიათ შეამჩნიონ ყველაფერი, რაც შეიძლება აღიწეროს ზუსტი სიტყვებით: “ტუჩების დაშვებული კიდეები”, მაგრამ არა _ “სახის პირქუში გამომეტყველება”). მხოლოდ ერთია, ზოგიერთი სახის სიცივის გამოვლინება არ უნდა აგვერიოს სულიერების უქონლობაში, რომელიც ადამიანს (ტიპიურ ტყუპებს), ზოგადად რომ ითქვას, იმაზე ცუდი (დაბალი) არ აქვს, ვიდრე – სხვა ადამიანთა მოდგმას; უბრალოდ, ტყუპები სამყაროს აღიქვამენ  და  საკუთარ თავს ძლიერი მენტალური ფილტრის მეშვეობით გამოხატავენ. ტყუპები, შემგუებლობის მხრივ (მორგების მხრივ), უფრო უნარიანია,  ვიდრე ზოდიაქოს სხვა ნიშანი, _ გარდა (ისიც, შესაძლებელია) თევზისა (მოძრავი ჯვარი). მათ შეუძლიათ ნებისმიერთან და ნებისმიერ რამეზე საუბარი და აუცილებელი ინფორმაციის გადასაცემად შესაძლებლობას ყოველთვის იპოვიან; მაგრამ აქ, ასევე, დაფარულია მათი აქილევსის ქუსლი _ ისინი  წვრილმანებზე იხარჯებიან. ხანდახან მსხვილ პრობლემებს თავს ვერ აღწევენ  და, ამ დროს, ამ პრობლემებს ათ პატარა სიდიდედ “ახურდავებენ”.

მაღალი ოქტავის ტყუპი _ ეს ის ადამიანია, რომელიც დაკავებულია ფილოსოფიით და სიტყვის ჭეშმარიტი აზრით, ერთდროულად ეგზისტენციალური და კონსტრუქციულით, რომლის მოდელიც საკმაოდ დიდი ფრაგმენტების სამყაროში მდებარეობს, თან ფაქიზიცაა და თან ხილულიცაა, ხოლო ენა, რომელზეც შექმნილია _ ცოცხალია.

მერკურის, როგორც ტყუპების მმართველის, გავლენა გამოიხატება მათი გონების უიშვიათეს მოძრაობაში და ინფორმაციის ყველა მიმართულებით გადაცემის სიმსუბუქეში (მერკური _ ღმერთების ელჩი ოლიმპოზე); ტყუპებისთვის, სასწორებისგან განსხვავებით, უცხოა კასტურობა და ელიტარულობა. ამავდროს, მერკური მათ მობილიზების და სწორი მენტალური ფორმის მიღმა უფრო ღრმად ჩახედვის საშუალებას არ აძლევთ, რომლის მიღმაც მინიშნებაა არსსზე. მეორე მხრივ, ტყუპების რეალობაში ჩაღრმავების დონე განისაზღვრება არა მხოლოდ მენტალური კონსტრუქციების სიფაქიზით და სირთულით, არამედ, უშუალოდ მისი შეგრძნებადი შემადგენელი ელემენტების დონით, რაც სრულიად უცხოა მერკურისთვის, რომელიც კურიერს უფრო გვახსნებს, ვიდრე ყურადღებიან დედას.

იუპიტერის ტყვეობა ტყუპებში გამოიხატება  მათი ინფორმაციული არხების სიუხვით და ქაოტურობით. ტყუპები მთელი ძალებით ცდილობენ მოუხელთებელის მოხელთებას, ხოლო უკიდურს შემთხვევაში, მის ყველა მხრიდან გააზრებას; ტყუპებისთვის არაა უცხო აღფრთოვანება: “რა ჭკვიანია, რამდენი რამ იცის!”, და ძალიან უჭირთ იმის გაგება, რომ ჭეშმარიტი ცოდნა არის, პირველ რიგში, უნარი; მეორე მხრივ, განვითარებული ტყუპები იუპიტერისგან იღებენ საგნებზე ფართო ხედვას და ერთი მთლიანი წერტილიდან ხედვის უნარს, ანუ ფილოსოფიურ მიმართულებას, რომელსაც შეუძლია მათი მენტალური დომხალიდან სინთეზის გაკეთება.

მერკურის მმართველობისა და იუპიტერის ტყვეობის შეთანხება, ტყუპებს უნიკალურ ბრწყინვალებას აძლევს, რომლის გამოც, ხანდახან, თვალების მოჭუტვაც კი საჭირო ხდება.

ტყუპების სიტუაციას ხშირად თან სდევს საშინელი მოუსვენრობა და ხმაური, როცა ყველა ერთდრულად ლაპარაკობს და ერთმანეთის ცუდად ესმით, რის გამოც  უფრო ხმამაღლა ყვირილს ცდილობენ, რაც, რატომღაც, არ აუმჯობესებს სმენადობას.

ეს ცუდი ლექციაა, რომელზეც ლექტორი (რომელსაც არ აქვს ძალა, გამოიწვიოს აუდიტორიის ენთუზიაზმი) ცდილობს აუდიტორიას თუნდაც მხოლოდ   განსაზღვრული ინფორმაცია მიაწოდოს.

ტყუპების სიტუაციის უფრო კონსტრუქციული ვარიანტი _

ეს სწავლულების, მეცნიერების ჯგუფია, რომელიც  იმ მოდელის აგებას ცდილობს, რომელიც აღწერს ემპირიულ მასალას. ეს, ასევე, ყოვლად შესაძლებელი წყნარი სიცივეა მომავალზე, “ნეოემოციონალურ” გეგმებზე მსჯელობით, რომლის დროსაც ხდება პროგნოზირება და ვარიანტების შერჩევა და ა.შ. და, რა თქმა უნდა, ყველა შესაძლო კომბინაციური თამაშებია: შაში, “მიმციობანა”, “ბატებო, ბატებო” და ა.შ. როცა თქვენ ეუბნებით მოსაუბრეს: “აბა, დაფიქრდი” ანდა “შეგიძლია წარმოიდგინო?”, თქვენ სთავაზობთ, მოახდინოს ტყუპების აქტივიზაცია. ტყუპები _ ეს მთელი თანამედროვე დასავლეთ ცივილიზაციის ძირითადი დამახასიათებელი ნიშანია.

მზით ტყუპების ბუნებრივი თანამდებობა _ ეს უფროსის მოადგილე ორგანიზაციულ სამუშაოში; უფროსის ადგილის დონე განისაზღვრება ტყუპების ევოლუციის დონის თანაფარდობით.

თუ უფრო სერიოზულად ვიტყვით, მაშინ მზე ნიშნის პრობლემას ხისტად, მკაცრად აყენებს და ტყუპები საკუთარ ბედს განსაზღვრავენ შემდეგი ალტერნატივების ჩარჩოებში: ან ისინი აცნობიერებენ მათკენ მომავალ სიტუაციებს და (ნაწილობრივ) მათი მეშვეობით ინფორმაციულ-მენტალურ არხებს და სწავლობენ მათ მართვას, ანდა მისი სრული ძალაუფლების ქვეშ ექცევიან. უნდა ითქვას, რომ ტყუპისეული არხის გაცნობიერება მნიშვნელოვნად რთულია, ვიდრე, მაგალითად, ვერძისეული, რამდენადაც აზრი უფრო ფაქიზი და ფრინავია, ვიდრე ენერგია. აქ სირთულე იმაშია, რომ მენტალურ სიტუაციებში მოხდეს განსაზღვრული კანონზომიერებების დაჭერა და ზოგიერთი შეხედულების წერტილიდან _ (საუკეთესოა სულიერ-მორალური წერტილიდან, აქ ადამიანს ეხმარება დატყვევებული იუპიტერი და ხელს უშლის აჩქარებულ და კონკრეტულ მერკურს, რომლისგანაც, ხანდახან, ყურადღების გადატანაა საჭირო) _ ინფორმაციული არხების დახარისხება და იმის გაგება-გაცნობიერება, თუ რა სურს ბედს უშუალოდ ამ ადამიანისგან: ზუსტად რომელ არხებშია საჭირო უკეთესად ორინტირება (ანდა რომელშია შესაძლებელი უფრო უარესის გამოვლინება) და რაში (და როგორ) უნდა მოხდეს წესრიგის დამყარება. ზოგიერთი აზრით, ტყუპების ამოცანა არსობრივად რთულია, – ვიდრე საშუალო ვერძის ანდა კუროსი, – რამდენადაც აზრი უფრო ფაქიზი მატერიაა, ვიდრე ენერგია და მყარი ფორმა. გარდა ამისა, ტყუპებს მენტალური მოდელებით დაკმაყოფილების გზით უწევთ წესრიგის დამყარება და მართვა, რომელიც ყოველთვის უხეშია, ანუ არაადეკვატურია, მაგრამ, სამაგიეროდ, ხილულია და  ხელების მოქნილობაში და დამჯერი ინსტრუმენტის სახითაა წარმოდგენილი. აქ საშიშროება იმაში მდგომარეობს, რომ იარაღი (სამუშაო ინსტრუმენტი) შესაძლებელია ძალიან მოქნილი და ძალიან თვინიერი აღმოჩნდეს, წამიერად მოექცეს ტყუპების ყურადღების ცენტრში და ისინი ამ დროს ივიწყებენ სამყაროს, _ რომელსაც უნდა ემსახურონ, _ და ეცემიან სადღესასწაულო განცხრომებს და უკვე უიმედოდ ქაოტურ ონფორმაციულ არხებს, რომელიც, საბოლოოდ, დუმდება.

წყარო: ს. ვ. შესტოპალოვი (ასტროფსიქოლოგიის ცნობარი)

მზე ტყუპებში აღნიშნავს სულიერებას, აზრებისა და ქმედებების სისწრაფეს, პირობითობის არარსებობას. ხასიათი მოუხელთებელი, შემგუებელი (მომრგები), ცნობისმოყვარეობა – ტემპერამენტით სავსე; გამაღიზიანებლები და ზედაპირულები არიან, რადგანაც ის, რასაც ისინი აღიქვამენ, ვერ ასწრებს გადამუშავებას. ძალიან კომუნიკაბელურნი არიან, აინტერესებთ ყველაფერი, სწრაფად ახდენენ ორიენტირებას, ბევრს კითხულობენ და ახალი შთაბეჭდილებებისთვის მუდამ მზად არიან, ენების ათვისების  უნარი აქვთ. მათ ორატორული უნარებიც აქვთ, საუბარი უყვართ, მაგრამ მოსმენა არ შეუძლიათ, აღიქვამენ მხოლოდ არსს, ხოლო დანარჩენს ყურს მიღმა ატარებენ.

ისინი არ იწყენენ, მათ უბრალოდ ამის დრო არ აქვთ. არ უყვართ მარტოობა, აქედან გამომდინარე,  მრავალი კონტაქტი აქვთ. ადვილად ეცნობიან ყველაზე განსხვავებულ ადამიანებს, ყოველთვის  რაიმე სათქმელი აქვთ, თუმცა, მათი ისტორიები სინამდვილეს მხოლოდ სანახევროდ შეესაბამება. თუ შეცდნენ, ამ მდგომარეობიდან სწრაფად გამოძვრებიან. საკუთარ თავებს შეუცვლელებად თვლიან, შეუძლიათ საათობით დაკავდნენ საზოგადოებაში, იქ, სადაც ისინი ჩდებიან, _ ბოლო ეღება სიწყნარეს. როცა ჩდება ნამდვილი პრობლემები, გაფანტულები ხდებიან.

წესრიგი _ მათი ძლიერი თვისება არაა, ისინი მუდმივად ეძებენ საკუთარ ნივთებს, რომლებიც ყველაზე საჭირო წუთებში სადღაცას ეკარგებათ. სხვების მიბაძვისკენ ძალიან დიდი მიდრეკილება აქვთ, – კარგი პაროდისტები არიან, სხვებში სწრაფად ამოიცნობენ სისუსტეებსა და სასაცილო მხარეებს და ამას ცხოვრებაში იყენებენ. ძალიან თანამედროვენი არიან, ანუ  ყველაფერში და ყველგან მოდას მისდევენ. უყვართ ჭორაობა. თუმცა, ამავდროს, შეუძლიათ მხარდაჭერა და საკუთარი დახმარების შეთავაზება მათთვის, ვინც ცხოვრებაში ჩაიკარგა. მონდომებულნი არიან, მაგრამ საქმე ბოლომდე ყოველთვის არ მიჰყავთ, რადგანაც საქმის დროს უკვე სხვა იდეა იტაცებთ. ძალიან უყვართ მოგზაურობა, ამასთანავე, უყვართ, რომ ყველაფერი ერთბაშად იყოს _ მთაც, ზღვაც, ტყეც და არა რომელიმე ერთ-ერთი. უკეთესია ისეთი პროფესია შეარჩიონ, რომელიც დაკავშირებულია შუამავლობასთან, სხვადასხვაგვარი ინფორმაციის შეკრებასთან და გადაცემასთან, სხვადასხვა გამოგონებების, ნიჭისა და იდეების (როგორც საკუთარი, ასევე სხვების) ძიებასთან და ჩანერგვასთან, ისინი კარგი თარჯიმნები, კომენტატორები, კომერსანტები არიან. ძალიან მოსიყვარულენი, განსაკუთრებით, თუ მათი პარტნიორები სერიოზულები ანდა იდუმალები არიან. სიყვარულს ადვილად უხსნიან, მათვის არაფრად ღირს “კი”-ს თქმა, სწრაფად ქორწინდებიან _ ხშირად ცერემონიის და/ან საქორწინო მოგზაურობის გამო, და, ასევე, ადვილად და სწრაფად განქორწინდებიან, მიდრეკილნი არიან გვერდითი ურთიერთობებისკენ, იმიტომ, რომ ეძებენ იდეალურ პარტნიორს და ძალიან ცნობისმოყვარენიც არიან. მათი სიყვარული რთულია, რადგანაც თავად სიყვარულის ნაკლებუნარიანნი არიან, მაგრამ სურთ იყვნენ საყვარლები. ქორწინებაში თამაშობენ აქტიურ როლს, უყვართ სტუმრების მიღება და თავადაც სიამოვნებით დადიან სტუმრად. თანაცხოვრებისთვის უკეთესია, თუ პარტნიორთან საერთო სამუშაო ანდა საერთო ინტერესები ექნებათ. შეიძლება ცხოვრებაში უსიამოვნებები  წარმოიშვას გაფანტულობის, ზედაპირულობის შედეგად. უწესრიგობა – ფულში, დიდ გასავალს მოაქვს დიდი დარტყმები. იშვიათად ჰყავთ ნამდვილი მეგობრები და პარტნიორები. საჭიროა ცნობიერად გაწვრთნას კონცენტრაცია, ისწავლოს ენაზე კბილის დაჭერა. მუდმივად დაძაბული ყურადღების მდგომარებაში ყოფნა სულიერ და ფიზიკურ სიწყნარეს არ იძლევა.

მათ უნდა ისწავლონ საკუთარი თავის დისციპლინა, ისწავლონ პირობითობის დაფასება, რადგანაც ესენი სხვა ადამიანებთან თანამშრომლობის შესატანია (პაია). თუ ისწავლიან საკუთარი ნაკლის გადალახვას, მაშინ ბრწყინვალე შესაძლებლობები  მაღალ მიზნებამდე მიიყვანნენ. საკუთარ თავში თავდაუჯერებლობა, _ აქედან მოდის ნევრასტიულობა. მიდრეკილება ფილტვების, ბრონქების, სასუნთქი და ნერვიული სისტემების დაავადებებისკენ.

მრავალ ურთიერთობაში ისინი მუდმივად ბავშვები არიან. მათი ინტელექტი აღმქმელია, ნებისმიერი ცვლილებების მიმართ მგძნობიარენი არიან, მოქნილები, სავსენი ცნობისმოყვარეობით, თამაშით. მუდამ ისწრაფვიან სიახლისკენ და, ნაწილობრივ, უბრალოდ არ შეუძლიათ რაიმეზე ყურადღების დიდხანს შენარჩუნება. ადამიანი, მზით ტყუპებში, სწრაფად იჭერს იდეას, მაგრამ როგორც კი პირველსაწყის ცნობისმოყვარეობას დაიკმაყოფილებს,  რაიმე სხვაზე გადადის. მისთვის აუცილებელია ხშირი ცვლილებები, მრავალსახეობა, ახალი სიტუაციები, ახალ ადამიანებთან შეხვედრები.

ინტერესების სიუხვე ხელს უშლის გაიგოს, რაშია მისი ნამდვილი ნიჭი და ნამდვილად რით უნდა დაკავდეს. არ იღებს თვითშეზღუდვისა და რაიმე ერთზე კონცენტრაციის მოხდენის აზრს. მისი ცნობისმყვარეობა და მოუსვენრობა მრავალ, სხვადასხვა, ახალ ცხოვრებისეულ სიტუაციაში აგდებს და სურს, ქვეყანაზე ყველაფერი გამოსცადოს.

ერთი და იგივეს თავიდან კეთება (თუნდაც აკეთებდეს წარმატებულად), კარგია, _ მაგრამ მისთვის მძიმე და რუტინული საქმეა.

მნიშვნელოვანი დოზით ის “თავით ცხოვრობს”: კითხულობს, აკვირდება, ფიქრობს, “ისრუტავს” იდეებს, მას არ შეუძლია ცხოვრება ინტელექტუალური სტიმულების გარეშე. რაც არ უნდა უცნაური იყოს, თუ მოუწევს არჩევანის გაკეთება კარგ წიგნს ანდა ფილმსა და კარგ სადილს შორის, უფრო მეტად ის პირველს აირჩევს. ასეთ ადამიანს შემოქმედებითი გონება აქვს და ხშირად ცხოვრობს საკუთარი ინტელექტის სიმახვილის ხარჯზე.

კომუნიკაბელური, კომპანიონი ადამიანი, ადამიანებთან ურთიერთქმედების ძლიერ განვითარებული მოთხოვნილებით, უყვარს ხუმრობა, სიტყვებით თამაში. ნამდვილი ალღო აქვს, იდეების საინტერესოდ, ზუსტ ფორმებში გადმოცემის ნიჭი აქვს _ ანუ ის, რასაც ეწოდება მწერლის, ლექტორის, ორატორის ნიჭი.

საკმაოდ მსუბუქი გამჭრიახი იუმორის გრძნობა აქვს, მაგრამ ხშირად არ ჰყოფნის სერიოზულობა. თუმცა-ღა, ძალიან საჭიროებს ემოციონალურ პასუხისგებლობას, ემოცინალურ გაცემას, ძალიან უჭირს ამის განხორციელება, რადგანაც, ნაწილობრივ, არ სურს საკუთარ თავზე რაიმე პასუხისმგებლობის აღება, საკუთარი პირადი თავისუფლების შეზღუდვა, შესაძლებლობაა, ერთი ადგილიდან მეორეზე გადავიდეს, ერთი საქმიდან მეორეზე გადახტეს.

მის ცხოვრებაში ბედნიერება დაკავშირებულია საკუთარი შემოქმედებითი შესაძლებლობების გამოყენებასთან, სიტყვებთან მოქცევის ნიჭთან. ამ ადამიანის ინტელექტი არაა მიდრეკილი ცალმხრივობისკენ. ჩვეულებრივ, მას შეუძლია შესთავაზოს ახალი, ნათელი, ზუსტი მიდგომა, არასტანდარტული გადაწყვეტილება, კვლევითი მიმართულება. მისი ნაკლი _ მუდმივობისა და დაჟინებულობის უქონლობა. ამასთანავე, მიდრეკილია, არ შეამჩნიოს ანდა დააიგნოროს ემოციონალური პრობლემები და სხვა ადამიანების გრძნობები.

წყარო: ინდუბალა (პლანეტები ნიშნებში _ ინდური ტრადიცია)

ტყუპები _ დადებითი, “ჰაეროვანი” ნიშანია, რომელიც იმართება გონიერი მერკურით, რომელიც ასევე, ხანდახან შეყვარებულების სიმბოლიზებასაც ახდენს. ბუნებრივია, რომ ვისაც მზე ტყუპების ნიშანში აქვს, არის შემოქმედებითი, მოსიყვარულე ადამიანი, რომელიც ფლობს ლიტერატურის ანდა ურთიერთობის შესაძლებლობებს. მათ  ხელების მეშვეობით დახვეწილად მუშაობა შეუძლიათ, უყვართ ერთდროულად რამდენიმე საქმის კეთება. ეს ადამიანები კომუნიკაბელურნი, მეგობრულები და ზრდილობიანები არიან. ჩვეულებრივ, ისინი აჩქარებულები, ექსპრესიულები და აღგზნებულები არიან; მაგრამ, რადგანაც ტყუპები _ ორმაგი ნიშანია, განწყობა მერყეობას ექვემდებარება. ისინი კარგად მუშაობენ იქ, სადაც აუცილებელია ადამიანებს შორის ურთიერთქმედება. შეიძლება მათ  გადაჭარბებული ენთუზიაზმი დაეუფლოთ, რომელიც, შესაძლებელია, გადაქანცვის მიზეზი გახდეს, ხანდახან კი,  ნერვიული აშლილობისგან იტანჯებიან. მათ სურთ, რომ ყველაფრის შესახებ ყველაფერი იცოდნენ, ისინი საინტერსო მოსაუბრენი არიან, მაგრამ ხანდახან  სხვების საქმეებში ერევიან. დიდად აფასებენ იმ ადამიანებს, რომლებიც კარგად არიან გათვითცნობიერებულნი. უყვართ კითხვა და წერა, ადვილად ექცევიან სხვების გავლენის ქვეშ.

ადამიანებმა, მზით ტყუპებში, ბევრი იციან, ფლობენ ენებს. ისინი მორცხვები არიან, სიტუაციაზე მორგება-შეგუებისკენ აქვთ მიდრეკილება. შეუძლიათ ფულის გამომუშავება და კარგად ახერხებენ ფულის განკარგვას. იციან ძვირფასეულობების ფასი და სექსუალურ საკითხებში დახვეწილები არიან. მათი ნახვა თუ გსურთ, მაშინ შეგიძლიათ ისინი იპოვოთ იმ დროს, როცა იმ საქმით არიან დაკავებულნი, რომელიც  ფაქტებითა და ციფრებით ოპერირებასთანაა დაკავშირებული. ისინი მოხერხებულნი, კარგად განათლებულნი და სკეპტიკოსები არიან, მათგან შესანიშნავი კრიტოკოსები გამოდიან.ასტროლოგიის, მედიცინის და სხვა მეცნიერებების ინტერესი აქვთ. საკუთარ საქმეში, სხვა ადამიანებთან მიმართებაში დიდსულოვნები და თავაზიანები არიან. ისინი მერკურმა დააჯილდოვა ისეთი თვისებებით, როგორიცაა: მრავალრიცხოვანი შესაძლებლობები, სწრაფად მოქმედება, გონიერება და კარგი მახსოვრობა.

წყარო: ჰეტ მონსტერი (პლანეტები ზოდიაქოს ნიშნებში)

22 მაისი – 21 ივნისი

ტყუპები _ ორმაგი ნიშანია, რომელიც ორი ძმის სიმბოლიზებას ახდენს, კასტორისა და პოლუქსისას, ერთი დედის (ლედას) შვილებისა, მაგრამ სხვადასხვა მამებისგან: მოკვდავი ტანდარეოსი და უკვდავი ზევსისა. ლეგენდის მიხედვით, როცა კასტორი დაიღუპა, ტყუპისცალი შეევედრა ზევს ნება დაერთო მისთვის საკუთარი უკვადავება გაეყო და მას შემდეგ ისინი განუყოფელნი გახდნენ, ერთად ატარებდნენ ერთ დღეს -ოლიმპზე, მეორე დღეს კი – მოკვდავთა სამეფოში.

ლეგენდისა და ასტროლოგიის შესაბამისად, ანსხვავებენ ორი ტიპის ადამიან – “ტყუპებს”; გვხდებიან შერეული ტიპაჟებიც, რომელშიც სხვადასხვა დროს სჭარბობს ხან სულიერი, ხან მატერიალური საწყისი.

უკვდავი პოლუქსი დაფრინავეს ემპირიებში. მასში სჭარბობს ხელოვნება, გონება, ინტელექტი. ემოციები და ვნებები მკვეთრად შეზღუდულია ინტელექტით. ფიზიკური ცხოვრების მიმართ ნაკლები ინტერესი ვლინდება. ქორწინებაში მნიშვნელოვანია სულიერი კონტაქტი, ვიდრე სექსუალური.

დამახასიათებელია აპეტიტის (მადის) უქონლობა.

მოკვდავი კასტორი: განწყობის ადამიანია, უყვარს მგზავრობა, გართობა, საერთოდ _ გარეგნული, ყოველდღიური ცხოვრება.

ტყუპის ნიშნის ქვეშ დაბადებული _ მოუსვენარი, დაუდეგარი, საქმიანობის წყურვილით სავსე. მას მუდმივად უჩდება ახალი იდეები, გეგმები, მუდმივად სადღაც უწევს წასვლა, სადღაც დარეკვა, საკუთარ ჩანაფიქრებზე ვინმესთან საუბარი _ სხვაგვარად იწყენს და შეიძლება  დეპრესიაში ჩავარდეს.

ადამიანი ნერვიული, ურთიერთობაში _ თავისუფალი, “მსუბუქი”, მუდმივად რაიმე მოუხელთებლის დევნაშია, კავდება თანმიმდევრულად და საფუძვლიანად მხოლოდ იმით, რაც მას აინტერესებს.

ასეთ ადამიანს, ზოგადად, აინტერესებს პოლიტიკა; ის კარგად მსჯელობს პოლიტიკურ და, საერთოდ, აბსტრაქტულ საკითხებზე, მაგრამ პრაქტიკული კუთხით იშვიათად აღწევს წარმატებებს: ხან საკუთარ ძალისხმევას მიმართავს უპერსპექტივო მიმართულებით, ხან კი, ერთდროულად ორ კურდღელს დასდევს.

სიამოვნებით ერთვება სხვადასხვა სპეკულაციებში; მოკლედ, მისთვის ეს _ გონების თამაშია და არა ფულის შოვნის საშუალება (რაც მას იშვიათად გამოსდის).

წარმატებას აღწევს იმ საქმეში, რომელიც ითხოვს გადაადგილებას და გონების მოძრაობას (ჟურნალისტები, თარჯიმნები); ჩვეულებრივ, ათანხმებენ რამდენიმე სახის ასეთ საქმიანობას.

ტყუპების ნიშანში სატურნის მდებარეობისას_ აკურატული, მკაცრი მოხელე (ბუჰღალტერი, კადრების მუშაკი); თუ ტყუპების ნიშანში რამდენიმე პლანეტაა ანდა  ძლიერი მერკურია _ ეს თვისებები ძლიერდება.

ტყუპები, ჩვეულებრივ, ქალაქის მკვიდრია, კონტაქტური ადამიანია, მაგრამ – სტრესული: მისი მუდმივი საქმიანობა ეხმარება რთული ცხოვრებისეული სიტუაციების გადალახვაში, მაგრამ ძლიერ თრგუნავს გარშემომყოფებს.

ტყუპები ფიზიკურად ამტანები, მაგრამ ემოციონალურად ლაბილურები არიან: როგორც მოწყენა, ასევე გადაღლილობა მკვეთრად აუარესებს მათ ფიზიკურ მდგომარეობას. ასეთ შემთხვევებში კარგი მაჩვენებელია იოგა, დიდი ტენისი, ფეხით გასეირნება ანდა ველოსიპედი. აბსოლუტურად აუცილებელია სრულფასოვანი ძილი. ყავა და სხვა დოპინგები უკუმაჩვენებელია. ღამით კარგია მიიღოს რამდენიმე წვეთი ვალერიანი. ძილის წინ ასევე კარგია სეირნობა. საერთოდ, სეირნობა, მითუმეტეს ხანმოკლე მოგზაურობა, სასარგებლოა, რადგან ტყუპებს მედიკამეტებზე და თერაპიებზე ხშირად არაპროგნოზირებადი რეაქცია აქვთ. ასევე სასარგებლოა ჰომეოპატიური და ნატურალური ფოსფორი, ბალახებიდან _ ბეგქონდარა.

სტატიის ავტორი: ნინო